Meddygaeth

Meddygaeth adsefydlu yw’r arbenigedd sy’n ymwneud ag atal, gwneud diagnosis, trin a rheoli adsefydlu pobl â chyflyrau meddygol sy’n achosi anableddau.

Meddygaeth Awdiofestibwlaidd yw’r arbenigedd sy’n ymwneud â gwneud diagnosis a rheoli anhwylderau’r clyw a chydbwysedd mewn oedolion a phlant.

Yn aml mae stereoteipiau ynghlwm wrth gardioleg sy’n ei bortreadu fel yr arbenigedd meddygol gyda’r proffil uchaf a mwyaf seiliedig ar sgiliau.

Mae arbenigedd clefydau heintus, er yn fychan o’i gymharu â’r arbenigeddau seiliedig ar system, yn gyfle i gael gyrfa sy’n amrywio o reolaeth heriol ac sy’n amrywio’n gyson i ymchwil arloesol sy’n ysgogi dealltwriaeth o glefydau o bwys byd-eang.

Mae rhaglen dermatoleg Cymru wedi’i rhannu rhwng de a gogledd Cymru, gydag ymgeiswyr yn gweithio naill ai yn y de neu’r gogledd am bedair blynedd. Nid oes disgwyl i ymgeiswyr gylchdroi rhwng y de a’r gogledd.

Mae endocrinoleg a diabetes yn bwnc eang iawn ac o ganlyniad mae’n un sy’n apelio at hyfforddeion ac ymgynghorwyr fel ei gilydd, gan ei fod yn cwmpasu mecanweithiau sylfaenol ffisioleg a ffarmacoleg, ynghyd â’r gallu i wella ansawdd a chanlyniadau tymor hir drwy reoli clefydau’n effeithiol ac yn aml eu gwella.

Diffinnir hyfforddiant mewn CPT yn y cwricwlwm hyfforddi arbenigeddau, ac mae fel arfer wedi’i gyfuno â hyfforddiant fel meddyg cyffredinol.

Mae meddygaeth genhedlol-wrinol yn cynnwys ymchwilio i a rheoli heintiau a drosglwyddir yn rhywiol a HIV. Mae’n ymdrin â chleifion allanol yn bennaf ond mae hefyd yn cynnwys gofal cleifion mewnol â HIV.

Mae Gastroenteroleg yn arbenigedd meddygol cyffrous sy’n ehangu, ers cyflwyno’r rhaglen sgrinio coluddion genedlaethol ac o ganlyniad i’r cynnydd mewn achosion o glefyd yr afu.

Mae geneteg glinigol yn arbenigedd sy’n cynnwys gwneud diagnosis a rheoli anhwylderau genetig sy’n effeithio ar unigolion a’u teuluoedd.

Yn y DU, mae haematoleg glinigol yn arbenigedd dwys, cyffrous a boddhaus sy’n cynnwys ymarfer clinigol a labordy.

Mae ymarfer clinigol Imiwnoleg, yn ôl diffiniad Sefydliad Iechyd y Byd (WHO) yn cynnwys gweithgarwch clinigol a labordy sy’n ymwneud ag astudio, gwneud diagnosis a rheoli cleifion â chlefydau sy’n deillio o anhwylder ar fecanweithiau imiwnolegol, a chyflyrau lle mae ystumio imiwnolegol yn rhan bwysig o therapi.

Mae meddygaeth fewnol acíwt (AIM) yn arbenigedd meddygol gymharol newydd a dim ond ers 2009 y mae’n cael ei chydnabod.

Nod yr Adran Meddygaeth Alwedigaethol yw darparu gwasanaeth cynghori proffesiynol diduedd, effeithlon o safon uchel i wella ac optimeiddio staff ac iechyd sefydliadol.

Mae’r rhaglen hyfforddi geriatrig yng Nghymru wedi’i rhannu rhwng y De a’r Gogledd.

Mae hyfforddiant arbenigol mewn meddygaeth liniarol yng Nghymru’n cynnwys profiad hyfforddi cynhwysfawr i’r sawl sy’n dymuno dilyn gyrfa hyd lefel Ymgynghorydd.

Mae niwroleg yn arbenigedd sy’n newid yn gyflym. Yn draddodiadol, roedd niwroleg yn cael ei weld fel diddordeb deallusol, a oedd yn ymwneud â diagnosis o gyflyrau prin y system nerfol.

Mae niwroffisioleg glinigol yn cynnig gyrfa gyffrous ac amrywiol yn y niwrowyddorau i’r sawl sydd â diddordeb mewn cyfuno cysylltiadau mynych â chleifion gyda sgiliau technegol.

Mae AaGIG yn cynnig hyfforddiant mewn Oncoleg Glinigol (Radiotherapi) ac Oncoleg Feddygol.

Mae meddygaeth arennol yn arbenigedd cyffrous sy’n cynnig yr her o ofalu am gleifion â salwch acíwt a’r rhai sydd â chlefydau cronig sydd angen gofal tymor hir gyda chymorth tîm amlddisgyblaethol.

Mae’r rhaglen hyfforddi meddygaeth anadlol yng Nghymru’n awr wedi’i rhannu rhwng y de a’r gogledd

Mae rhiwmatoleg yn un o arbenigeddau meddygaeth ac mae wedi cadw dibyniaeth gref ar sgiliau clinigol cadarn er gwaethaf datblygiadau pwysig yn ein dealltwriaeth o sail folecwlaidd clefydau rhiwmatolegol.