Neidio i'r prif gynnwy

Cynllun Gweithlu Strategol ar Gyfer Genomeg

Rydym yn datblygu Cynllun Gweithlu Strategol ar gyfer Genomeg mewn partneriaeth â Phartneriaeth Genomeg Cymru (GPW). Rydym nawr yn y broses o gwblhau’r cynllun a fydd yn cael ei gyhoeddi yn ystod hydref 2024.


Pam ydyn ni'n datblygu'r cynllun?

Bydd genomeg yn chwarae rhan sylweddol wrth ddarparu gofal iechyd yn y dyfodol gan ein helpu i ddeall mwy am salwch a chlefydau, ac i allu datblygu dulliau wedi'u targedu i drin a rheoli cleifion.

Un o ysgogwyr allweddol ar gyfer datblygu'r cynllun yw sicrhau bod gennym weithlu a seilwaith arbenigol cadarn sy'n gallu ymateb i'r gofynion a nodir o fewn y rhaglenni cyflenwi cenedlaethol (DU) a Chymru yn ogystal â gweithlu ehangach sydd â digon o 'llythrennedd genomig' i sicrhau y gellir prif ffrydio genomeg yn effeithiol i ddarparu gwasanaethau. 

Mae'r cynllun yn cael ei ddatblygu mewn ymateb i un o nodau allweddol Cynllun Cyflawni Cymru ar gyfer Genomeg. 

Wrth ddatblygu'r cynllun hwn rydym yn anelu at nodi set o gamau gweithredu sy'n cyd- fynd â'r themâu o fewn Strategaeth y Gweithlu ar gyfer Iechyd a Gofal i gymryd ymlaen mewn partneriaeth dros y 3 blynedd nesaf.  

 

 
 

Bydd cwmpas cynllun y gweithlu yn canolbwyntio ar ddwy elfen allweddol:  

  • Yr angen i sicrhau bod gweithlu genomeg arbenigol ar gael i gefnogi'r gwaith o ddarparu gwasanaethau genomig o ansawdd uchel yn unol â'r uchelgais i gynyddu profion genomig, ffarmacogenomeg a genomeg pathogenau fel y nodwyd yn gynharach 
     
  • Canolbwyntio ar uwchsgilio'r gweithlu an-arbenigol, er mwyn sicrhau bod y gweithlu ehangach yn gallu ymateb i fwy o brofion genomig a chefnogi'r gwaith o “brif ffrydio” gofal iechyd genomig. Wrth i genomeg ehangu, bydd angen i staff fod yn hyderus ac yn gymwys wrth nodi cleifion a fydd yn elwa o brofi, cymryd caniatâd, a dehongli a thrafod canlyniadau gyda chleifion. 

Er mwyn sicrhau bod gennym farn glir ar y blaenoriaethau y mae angen mynd i’r afael â hwy dros y tair blynedd nesaf, rydym wedi:

  • ymgysylltu’n sylweddol â rhanddeiliaid o wasanaethau genomeg arbenigol a gweithlu anarbenigol ehangach GIG Cymru
  • cynnal ymchwil helaeth ac adolygu'r wybodaeth sydd ar gael am y gweithlu
  • ymgynghorwyd ar gyfres o gamau gweithredu arfaethedig i'w cynnwys yn y cynllun

Er bod llawer o'r camau gweithredu yn berthnasol i'r gweithlu genomeg arbenigol, mae angen dull system gyfan i sicrhau canlyniadau gwell i gleifion.

Felly, mae camau gweithredu allweddol hefyd wedi’u datblygu i addysgu, hyfforddi ac ysbrydoli gweithlu ehangach y GIG i ddod yn bartneriaid gweithredol wrth ddarparu gofal iechyd genomig i bobl Cymru, er mwyn gwireddu ei botensial llawn.

Rydym nawr yn y broses o gwblhau’r cynllun a fydd yn cael ei gyhoeddi yn ystod hydref 2024.