Mae dau gynllun hyfforddi yng Nghymru ar gyfer Seiciatreg Anabledd Dysgu (AD), un yn ne Cymru a'r llall yn y gogledd. Ar hyn o bryd mae gennym bedair swydd cofrestrydd arbenigol yn ne Cymru ac un yn y gogledd. Mae pob un o'r swyddi yn ne Cymru o fewn pellter cymudo awr o'r brifddinas Caerdydd.
Mae gennym gorff mawr cyfeillgar o Ymgynghorwyr Anabledd Dysgu ledled Cymru sy’n cynnig nifer o gyfleoedd hyfforddi drwy’r tair blynedd.
Mae'r hyfforddiant yn hyblyg i gwrdd â'ch anghenion a'ch diddordebau.
Mae cyfleoedd diddordeb arbennig yn cynnwys Gwasanaethau Iechyd Meddwl Plant a’r Glasoed (CAMHS) LD, epilepsi, anhwylder diffyg canolbwyntio a gorfywiogrwydd (ADHD), awtistiaeth, geneteg feddygol a gwasanaethau fforensig. Mae gan Gymru gysylltiadau cryf iawn â niwroleg ac mae ganddi wasanaeth trydyddol i gleifion ag Anableddau Dysgu ac epilepsi cymhleth yn Ne Cymru.
Anogir gweithgareddau addysgu ac ymchwil gyda chysylltiadau ag amryw o brifysgolion o fewn anableddau dysgu a geneteg feddygol.
Bydd eich hyfforddiant hefyd yn cynnwys rhaglen academaidd anabledd dysgu wythnosol yn ystod y tymor. Mae cyflwynwyr yn rhoi'r wybodaeth ddiweddaraf yn fewnol ac yn allanol ar y pynciau diweddaraf yn y maes.
Byddwch yn dod yn rhan o grŵp anabledd dysgu penodol Balint drwy gydol yr hyfforddiant, i barhau i ddatblygu myfyrdodau seicolegol o amgylch achosion.
Mae yna dimau arbenigol fel y Tîm Ymddygiad Arbenigol, y gall hyfforddeion eu cysgodi i gael cipolwg pellach ar gymorth ymddygiad cadarnhaol, yn ogystal â'r Tîm Cymorth Dwys Anabledd Dysgu.
Mae pob swydd yng Nghymru wedi'i rhannu rhwng gwasanaethau cleifion mewnol a chymunedol gan gynnig profiad ardderchog o'r ddau. Mae yna hefyd welyau adsefydlu arhosiad hwy a elwir yn Unedau Preswyl Arbenigol (SRS).
Mae galwadau ar alwad yng Nghymru yn amrywio yn dibynnu ar yr Ymddiriedolaeth rydych yn gweithio iddi. Mae rhai rotâu anabledd dysgu yn unig ac eraill sy'n cael eu cyfuno â seiciatreg oedolion cyffredinol.
Tabl Amser Enghreifftiol (yn amodol ar newid)
| Diwrnod | YB | YP |
|---|---|---|
|
Dydd LLun |
Rowndiau ward, Uned Asesu Acíwt | Cyfarfod archwilio - Mae amlder yn amrywio |
| Dydd Mawrth | Rhaglen anabledd dysgu academaidd (tymhorau'r gwanwyn a'r hydref) neu grŵp Balint anabledd dysgu misol |
Rowndiau ward SRS Cyfarfod cyfeirio tîm anabledd dysgu cymunedol |
| Dydd Mercher |
Clinig anabledd dysgu cleifion allanol |
Amser gweinyddol |
| Dydd Iau | Amser gweinyddol | Ymweliadau cartref |
| Dydd Gwener | Diddordeb arbennig |
Diddordeb arbennig |
Dr Abigail Swift ST5
“Cwblheais fy hyfforddiant craidd yn Lloegr a ddes i ar draws i Gymru i arbenigo mewn Anableddau Dysgu oherwydd y cysylltiadau cryf â’r Brifysgol ac ymchwil. Rwyf wedi mwynhau ymgymryd â rolau addysgu amrywiol ynghyd â dod yn gynrychiolydd dan hyfforddiant LD uwch Cymru a Chynrychiolydd Cenedlaethol dan hyfforddiant ID uwch.”
Dr David Medhurst, Ymgynghorydd (cwblhaodd hyfforddiant ym mis Awst 2022)
“Cefais brofiad mor wych fel hyfforddai ID yn Ne Cymru. Roedd y 3 swydd wahanol a wnes i yn ddiddorol iawn a chefais gefnogaeth a goruchwyliaeth wych gan fy ymgynghorwyr. Roeddwn yn gallu archwilio llawer o fy niddordebau a siapio fy hyfforddiant i hyn. Roedd profiad clinigol yn dda iawn hefyd ac roeddwn yn teimlo fy mod wedi fy mharatoi'n dda i ymgymryd â bywyd ymgynghorydd ar y diwedd. Cefais gefnogaeth wych gan gymheiriaid hefyd ac roedd y rhaglen academaidd wythnosol yn wych ar gyfer rhwydweithio a dod i adnabod pawb.”
Dr Catherine Walton, Ymgynghorydd (Cwblhawyd hyfforddiant ym mis Awst 2021)
“Fel rhan o Gymrodoriaeth Arweinyddiaeth Glinigol Cymru ces i’r cyfle i weithio yn swyddfa’r Cyngor Meddygol Cyffredinol (GMC) yng Nghymru, Caerdydd. Cefais ystod eang o gyfleoedd – gan gynnwys gweithio ar brosiect Gofalu am Feddygon, Gofalu am Gleifion – yn bennaf gweithio fel ‘ffrind beirniadol’ ac ystyried sut y byddai fy nghyfoedion yn derbyn yr adroddiad. Roedd cyfleoedd eraill yn cynnwys gweithio gyda’r tîm Cefnogi Proffesiwn o Dan Bwysau – a dysgu am reoli prosiectau o’r Weithrediaeth i’r Gwledydd Datganoledig. Dysgu am weithio gyda rhanddeiliaid lleol i wella cydweithio ar y gwaith hwn. Cwblheais hefyd brosiect 'Adborth Tecach' gyda Chymrawd Arweinyddiaeth arall yn GMC yr Alban."
Defnyddiwch y dolenni isod i ddarganfod mwy am yrfa o fewn Seiciatreg Anabledd Dysgu, y cwricwlwm neu'r broses recriwtio.
Gwybodaeth am yrfaoedd*: cliciwch yma am fwy o fanylion
Gwybodaeth am y Cwricwlwm*: cliciwch yma am fwy o fanylion
Am wybodaeth Recriwtio*: Mae recriwtio wedi trefnu ar lefel gwladol; cliciwch yma am fwy o fanylion.
Manylion Cyswllt y Rhaglen Hyfforddiant Arbenigol: Os ydych yn dymuno siarad â'n Cyfarwyddwr Rhaglen Hyfforddi, gallwch ddod o hyd i'w manylion yma: Manylion Cyswllt Rhaglenni Hyfforddiant Arbenigol
Dolenni defnyddiol*:
Canolfan Genedlaethol ar gyfer Iechyd Meddwl
Uned Datblygu mewn Anableddau Deallusol a Datblygiadol' (UDIDD)
Adnoddau hyfforddi Coleg Brenhinol y Seiciatryddion
* Nid yw Addysg a Gwella Iechyd Cymru yn gyfrifol am gynnwys na dibynadwyedd unrhyw wefannau cysylltiedig. Nid ydym yn derbyn unrhyw atebolrwydd o ran y cynnwys nac am ganlyniadau dilyn unrhyw gyngor sydd wedi'i gynnwys ar safleoedd o'r fath.
Ni ddylid cymryd rhestru fel cymeradwyaeth o unrhyw fath.
Ni allwn warantu y bydd y dolenni hyn yn gweithio drwy'r amser ac nad oes gennym unrhyw reolaeth dros argaeledd y tudalennau cysylltiedig na newid cyfeiriad y wefan.
Mae Addysg a Gwella Iechyd Cymru yn cadw'r hawl i wrthod neu ddileu dolenni i unrhyw wefan.
Rydym wedi cynnwys rhywfaint o wybodaeth ychwanegol isod, a gobeithiwn y bydd yn ddefnyddiol i chi.
Datblygiad Proffesiynol Parhaus: Mae digon o gyfleoedd i barhau â'ch datblygiad proffesiynol yn ychwanegol at eich diwrnodau astudio arbenigol penodol. Mae'r rhain yn cynnwys ein Cwricwlwm Generig, Hyfforddiant Sgiliau Gwella Ansawdd (QIST) a’n porth arweinyddiaeth Gwella . Gall ein Rhaglen Cymrodoriaeth Hyfforddiant Academaidd Clinigol Cymru (WCAT) a Chymrodoriaeth Hyfforddiant Arweinyddiaeth Glinigol Cymru (WCLTF) fod o ddiddordeb hefyd.
Llai na Llawn Amser: y nod yw sicrhau bod hyfforddiant LTFT ar gael i gynifer o hyfforddeion cymwys â phosibl. Ewch i'n tudalen we i ddarganfod mwy - LTFT
Uned Cymorth Broffesiynol: mae ein Huned Cymorth Broffesiynol yn darparu arweiniad a gwybodaeth i feddygon dan hyfforddiant, gan gynnwys cyrsiau hyfforddi a chymorth lles. Ewch i'w tudalen i gael rhagor o wybodaeth - Y Cymorth ar gael.
Cyflogwr Arweiniol Sengl: rydym wedi mabwysiadu model cyflogaeth Cyflogwr Arweiniol Sengl (SLE). Mae hyn yn golygu yn hytrach na newid cyflogwr bob tro y mae hyfforddeion yn cylchdroi, maen nhw'n aros gyda'r un cyflogwr trwy gydol eu hyfforddiant. Nid yn unig y mae hyn yn golygu llai o waith papur ac yn arbed amser, ond hefyd mae’n golygu un cyflogwr parhaus i ddelio â unrhyw bryderon, ymholiadau neu faterion drwy gydol yr hyfforddiant. Ewch i Cyflogwr Arweiniol - Partneriaeth Cydwasanaethau GIG Cymru
Cynrychiolwyr dan Hyfforddiant: cynrychiolwyr etholedig yw'r rhain sy'n gweithio gyda ni i wella ein rhaglenni hyfforddiant yn barhaus trwy adborth a gwell cyfathrebu rhwng Hyfforddeion a Phwyllgorau Hyfforddiant Arbennig/Ysgolion Arbenigol. Byddant hefyd yn gallu eich cyfeirio at adnoddau, mentrau a gwasanaethau dan arweiniad hyfforddeion.
Gan elwa o’r ymdeimlad cryf o gymuned, tai fforddiadwy, ysgolion gwych yn ogystal â llawer o ffyrdd i ymlacio a chael hwyl, mae Cymru yn lle hawdd i setlo p'un a ydych yn dod â'ch teulu neu'n dod ar eich pen eich hun.
Mae gan ein gwefan Hyfforddi,Gweithio,Byw rhagor o wybodaeth hwn a fydd yn rhoi cipolwg defnyddiol. Mae Croeso i Gymru yn darparu cyfoeth o wybodaeth, o fyw a gweithio yng Nghymru i wybodaeth am antur a gweithgareddau, natur a thirweddau, iaith a diwylliant.
I gael cyfeirlyfr o'r Byrddau Iechyd a'r ysbytai, ewch i Iechyd yng Nghymru | Cyfeiriadur
Newydd i'r DU?
Mae'r wefan ganlynol yn cynnwys llawer o wybodaeth ddefnyddiol os ydych yn newydd i'r DU: