Ymarfer uwch ac estynedig
Wrth i’r GIG addasu i anghenion cyfnewidiol y boblogaeth, gofynnir yn gynyddol i fferylliaeth ddarparu gwasanaethau ymarfer uwch ac estynedig i gleifion. Darperir cyfleoedd dysgu ymarfer uwch ac estynedig gan AaGIC i gefnogi datblygiad parhaus y gweithiwr fferyllol proffesiynol.
Ar hyn o bryd rydym yn cefnogi ymarferwyr i gwblhau ystod o gyrsiau i gynyddu eu gwybodaeth glinigol arbenigol, datblygu sgiliau clinigol pellach i reoli cyflyrau acíwt a chronig, dod yn rhagnodwyr annibynnol, gwella eu sgiliau addysg a hyfforddiant a mireinio eu sgiliau ymchwil, o amrywiaeth o brifysgolion a darparwyr addysg ledled Cymru.
Rydym hefyd yn cynnig cymorth i Fferyllwyr sy'n symud i waith mewn Practisau Meddygon Teulu. Mae Rhaglen Pontio Meddygon Teulu Fferylliaeth yn cynnwys 12 mis o gymorth tiwtor arbenigol i alluogi’r dysgwr i ddatblygu portffolio o dystiolaeth sy’n bodloni gofynion Fframwaith Cymhwysedd.
Ym mis Ebrill 2024, dechreuodd cynllun peilot ar gyfer Rhaglen Pontio Meddygon Teulu Technegydd Fferyllol.