Hyfforddwyr
Dod yn Hyfforddwr Meddyg Teulu yng Nghymru
Mae’r Hyfforddwr Meddyg Teulu, a elwir hefyd yn Oruchwyliwr Addysgiadol y Meddyg Teulu (GP ES) yn cynorthwyo’r Hyfforddai Meddyg Teulu yn ei addysg a'i ddatblygiad. Nod y Cwrs i Ddarpar Hyfforddwyr (PTC) yw arfogi cyfranogwyr â’r sgiliau, yr agweddau a’r cymwyseddau angenrheidiol i gynorthwyo ac addysgu’r hyfforddeion meddyg teulu yn effeithiol.
Rydym yn cymeradwyo’r Hyfforddwyr Meddyg Teulu a’r Practisau Hyfforddi’r Meddyg Teulu ar ran y Cyngor Meddygol Cyffredinol (CMC) ac yn darparu manylion i'r CMC am yr holl hyfforddwyr a’r practisau hyfforddi a gymeradwywyd. Gall yr Hyfforddwyr Meddyg Teulu a Gymeradwywyd yng Nghymru ddarparu goruchwyliaeth glinigol ac addysgiadol i hyfforddeion meddyg teulu. Mae rhagor o wybodaeth am gymeradwyo a monitro’r Hyfforddwyr Meddyg Teulu a’r Practisau Hyfforddi Meddyg Teulu yng Nghymru ar gael yn ein meini prawf hyfforddwyr.
Amlinelliad o Lwybr yr Addysgwr Meddyg Teulu
Mae ein taith yr hyfforddwr yn dangos y broses ymgeisio ar gyfer darpar bractisau hyfforddi’r meddygon teulu a’r darpar hyfforddwyr.
Cymhwysedd i gofrestru ar gyfer y Cwrs i Ddarpar Hyfforddwyr Meddyg Teulu (PTC)
Mae dyletswydd arnom i sicrhau bod cydbwysedd priodol rhwng hyfforddwyr newydd sy'n cyflawni’r PTC yn llwyddiannus a'r angen am ragor o hyfforddwyr a phractisau hyfforddi mewn maes cynllun penodol. Bydd rheolwyr practis yn y practisau hyfforddi’r meddygon teulu presennol yn derbyn arolwg bob blwyddyn, fel arfer tua Ionawr/Chwefror, i gasglu gwybodaeth am unrhyw newidiadau disgwyliedig yn eu practis. Os yw cynllun yn nodi angen am bractisau hyfforddi newydd, byddwn yn estyn allan at yr holl bractisau nad ydynt yn hyfforddi ac yn eu gwahodd i gyflwyno mynegiant o ddiddordeb. Yna, bydd Cyfarwyddwyr y Rhaglen Meddyg Teulu, mewn cydweithrediad â Deon Cyswllt y Meddyg Teulu, yn blaenoriaethu'r anghenion ar gyfer pob cynllun. Os ystyrir ei fod yn flaenoriaeth uchel, byddwn yn gwahodd ceisiadau gan ddarpar hyfforddwyr ac, os oes angen, practisau hyfforddi newydd yn y Gwanwyn.
Nid oes gan AaGIC restr aros am leoedd ar y Cwrs i Ddarpar Hyfforddwyr. Felly, os gwnaethoch ymgeisio mewn rownd flaenorol, nid yw eich cais bellach yn ddilys, a bydd angen i chi ailymgeisio.
Bydd disgwyl bod gan yr Hyfforddwr Meddyg Teulu yng Nghymru y sgiliau, yr agweddau a'r cymwyseddau i allu darparu’n ddigonol ar gyfer y rôl heriol hon.
I fod yn gymwys i gofrestru ar y PTC, rhaid i’r Meddyg Teulu:
- Fodloni'r meini prawf cymhwysedd hanfodol i ymgymryd â'r PTC.
- Cyflawni’r modiwlau a'r asesiadau sy'n ffurfio'r PTC yn llwyddiannus.
- Os nad yw'r practis yn ymarfer sy’n hyfforddi ar hyn o bryd, bydd Cyfarwyddwr Rhaglen lleol yn ymweld ag ef cyn y gellir ei ddyrannu i PTC sydd ar ddod.
- Os yw Hyfforddwr y Meddyg Teulu o ran arall o'r DU yn symud i Gymru, ac yn dymuno parhau fel Hyfforddwr, bydd yn cael ei gyfweld gan y Deon Cyswllt (AD) lleol i asesu a oes angen iddo fynychu rhywfaint neu'r cyfan o PTC Cymru. Bydd ystyriaeth yn cael ei roi i amseriad a chynnwys ei PTC cychwynnol, a phan oedd yn fwyaf diweddar yn ES enwebedig ar gyfer hyfforddai (os yw tair blynedd wedi mynd heibio, bydd yn cael ei ystyried yn hyfforddwr sydd wedi dod i ben). Bydd angen iddo ddarparu tystiolaeth o'i brofiad diweddar fel Goruchwyliwr Addysgiadol (ES), ynghyd ag enw ei AD neu TPD blaenorol sy'n fodlon darparu geirda. Os ydyw’n nhw'n symud i bractis nad yw'n hyfforddi, bydd rhaid bodloni'r gofynion safonol.
Cwrs i Ddarpar Hyfforddwyr
Bydd unigolion yn cael dealltwriaeth o egwyddorion addysgiadol ac yn datblygu ystod o ymyriadau i hybu addysgu a dysgu. Byddant yn cael eu hannog i ddatblygu eu sgiliau trwy ymarfer myfyriol. Mae gan bob cwrs dri modiwl. Mae'r modiwl cyntaf a'r trydydd modiwl dros ddau ddiwrnod ac maent wyneb yn wyneb. Mae'r ail fodiwl ar-lein, rydym yn amcangyfrif y bydd angen tri diwrnod llawn ar gyfranogwyr i gyflawni’r pecyn dysgu, ac i gyflawni’r tasgau dan sylw. Byddem yn disgwyl i'r practis gefnogi amser ar gyfer pob modiwl.
Mae'r modiwlau PTC wedi'u rhannu rhwng modiwlau ar-lein a chyfarfodydd wyneb yn wyneb. Bydd y modiwlau yn ymdrin ag ystod o bynciau megis:
- Addysg Feddygol (Cynllunio gwersi, arddulliau dysgu, asesu, ymarfer myfyriol ac ati).
- Asesiad yn y Gweithle (offeryn asesu gofal, trafodaethau yn seiliedig ar achosion, offeryn arsylwi ar ymgynghoriad, adborth aml-ffynhonnell, asesiad rhagnodi ac ati.
- Cwricwlwm yr RCGP ac Adolygiadau Blynyddol o Gynnydd Cymhwysedd (ARCPs). - Cymorth hyfforddeion, yr uned cymorth proffesiynol a chymorth arholiadau.
Ym modiwlau 2 a 3 mae asesiadau wedi'u cynnwys yn
- Cynllun a chyflwyniad tiwtorial
- Tasg adlewyrchu
- Offeryn arsylwi ar ymgynghoriad (COT) a thrafodaeth yn seiliedig ar achos (CBD)
Derbyniad i ddod i’r cwrs i Ddarpar Hyfforddwyr (PTC)
Mae nifer y cyrsiau rydyn ni'n eu cynnal bob blwyddyn yn dibynnu ar yr angen presennol am bractisau hyfforddi newydd a'r angen i ddisodli hyfforddwyr neu gael rhagor o hyfforddwyr mewn practisau hyfforddi presennol. Yn gyffredinol, mae cyrsiau'n cael eu cynnal yn yr hydref a'u cymeradwyo mewn pryd ar gyfer derbyniad y Chwefror canlynol ac yn y Gwanwyn mewn pryd ar gyfer derbyniad yr Awst canlynol.
Yn gyffredinol, cynhelir cyrsiau yn Ne Cymru. Fodd bynnag, os oes digon o ymgeiswyr yng Ngogledd Cymru, bydd trefnwyr y cwrs yn ystyried cynnal cwrs yng Ngogledd Cymru.
Os oes angen hyfforddwr ychwanegol ar frys y tu allan i'r cyfnod recriwtio, mae gennym ffurflen meini prawf eithriady i'w llenwi a fydd wedyn yn cael ei hasesu gan PD ac AD y meddyg teulu ar gyfer y cynllun.
Safonau ar gyfer Hyfforddiant Meddyg Teulu
Mae meddygon mewn Hyfforddiant Arbenigedd Meddyg Teulu ôl-raddedig (GPST) yn cyflawni 24 mis mewn ymarfer cyffredinol yn eu rhaglen hyfforddi meddygon teulu 36 mis.
Rhaid i bob meddyg sy'n dymuno dod yn Hyfforddwr Meddyg Teulu nad oes ganddo Aelodaeth Coleg Brenhinol y Meddygon teulu (MRCGP) ddangos ei fod yn gymwys ar gyfer aelodaeth h.y. ei fod wedi bod yn ymarfer ers 5 mlynedd ac wedi ailddilysu'n llwyddiannus.
Yn ystod yr amser y mae Hyfforddai Meddyg Teulu mewn swydd hyfforddi ysbyty,mae ganddo Oruchwyliwr Clinigol sy'n goruchwylio ei waith ym mhob adran. Fodd bynnag, mae gan bob Hyfforddai Meddyg Teulu hefyd Oruchwyliwr Addysgiadol sy'n Hyfforddwr Meddyg Teulu ac sy'n goruchwylio ei gynnydd trwy gydol y tair blynedd o Hyfforddiant Arbenigedd y Meddyg Teulu.
Disgwylir i ddarpar Hyfforddwyr Meddyg Teulu fodloni'r safonau a nodir gan y Cyngor Meddygol Cyffredinol a'r https://www.copmed.org.uk/publications/gold-guide/gold-guide-10th-edition. Dylai Hyfforddwyr Meddyg Teulu fod yn ymgymryd yn weithredol mewn datblygiad personol.
Mae angen i Oruchwylwyr Addysgiadol hefyd weithio mewn amgylcheddau dysgu clinigol a gymeradwywyd gan y CMC sy'n gefnogol, wedi'u trefnu'n dda ac sydd â phrotocolau da ar gyfer llywodraethu clinigol.
Gall ein Cwestiynau Cyffredin isod eich helpu gydag unrhyw ymholiadau sydd gennych. Fel arall, cysylltwch â ni –heiw.gptraining@wales.nhs.uk