Dychwelyd I hyfforddiant
Mae nifer cynyddol o weithwyr gofal iechyd proffesiynol yng Nghymru yn cymryd amser ymaith o’u hyfforddiant am wahanol resymau. Gall y rhesymau hyn gynnwys ffactorau personol fel absenoldeb rhiant, cyfrifoldebau gofalu a gwaeledd neu ddyrchafiad proffesiynol fel datblygiad gyrfa ac ymchwil.
Er mwyn darparu ar gyfer profiadau pawb yn ystod eu hamser ymaith o’u hyfforddiant, dylid cynnig dull unigol, tosturiol a chynorthwyol o ddychwelyd iddynt. Dylai’r dull hwn ystyried eu profiadau yn ystod eu hamser ymaith o’u hyfforddiant, hyd y cyfnod ymaith a’r gofynion.
Datblygwyd y canllawiau hyn ar gyfer meddygon dan hyfforddiant yng Nghymru. Mae AaGIC wrthi'n datblygu canllawiau er budd dychwelyd i'r gwaith ar gyfer pob gweithiwr gofal iechyd proffesiynol dan hyfforddiant.
Canllawiau a Chwestiynau Cyffredin
Datblygwyd y canllawiau hyn i estyn cymorth i feddygon dan hyfforddiant a'u hyfforddwyr drwy gynnig arweiniad ac adnoddau i gynorthwyo unigolion o ran eu profiad o ddychwelyd i hyfforddiant.
Ffurflenni Dychwelyd i Hyfforddiant
Mae'r ffurflenni hyn yn hwyluso trafodaeth rhwng y meddyg dan hyfforddiant a'i hyfforddwyr ynghylch y cymorth rhagweledig a phosibl a fydd ei angen ar ddychwelyd i hyfforddiant.
- Ffurflen rhag-absenoldeb – i'w defnyddio pan fo’r absenoldeb wedi'i gynllunio.
- Ffurflen rhag-ddychwelyd – i'w defnyddio pan nad yw’r absenoldeb wedi’i gynllunio ac i’w hystyried o fewn cyfwng amser priodol (argymhellir tua chwe wythnos).
- Ffurflen ôl-ddychwelyd – gellir ei defnyddio i wirio a oes angen unrhyw gymorth pellach (argymhellir tua chwe wythnos wedi dychweliad i'r gwaith).
Mae'r tair ffurflen ar gael o fewn yr un ddogfen.
Uned Cymorth Proffesiynol
Mae cymorth ar gael gan yr Uned Cymorth Proffesiynol (PSU) sydd â chyfoeth o brofiad ac sy'n gallu cynnig arweiniad ychwanegol gyda'r broses hon.
Gweminarau
Gweminar PSU ‘codi hyder wrth ddychwelyd i hyfforddiant’ ar ddod yn fuan.