Adolygiad o Ddilyniant Cymhwysedd (RCP)

Mae cynnydd trwy Hyfforddiant Deintyddol Craidd  (DCT) yn cael ei fesur trwy fecanwaith 'Adolygiad o Ddatblygiad Cymhwysedd' (RCP) fel y manylir yn y Canllaw Aur Deintyddol .

Beth yw RCP?

Rhaglen strwythuredig sy'n seiliedig ar dystiolaeth yw RCP a ddyluniwyd i ddogfennu a dadansoddi cynnydd trwy’r DFT er mwyn sicrhau bod cymwyseddau craidd yn cael eu dangos trwy gwblhau hyfforddiant. Mae'r flwyddyn hyfforddi DFT yn cael ei monitro'n drylwyr trwy strategaethau asesu wedi'u hadeiladu'n dda a chwblhau portffolio ar-lein, sef eich cofnod o hyfforddiant. Bydd Digwyddiadau Dysgu dan Oruchwyliaeth (SLEs) megis DOPS (Arsylwi Uniongyrchol o Sgiliau gweithdrefnol) a Thrafodaethau yn Seiliedig ar Achosion (CbDs) ac adnoddau fel Adborth Aml-Ffynhonnell (MSFs) a Holiaduron Boddhad Cleifion (PSQs) ymhlith eraill, yn olrhain eich cynnydd trwy’r DCT .

Sut mae cynnydd yn cael ei fesur?

Bydd tystiolaeth o'ch cynnydd yn cael ei hasesu'n ffurfiol ddwywaith y flwyddyn; gan y Panel RCP Dros Dro (Adolygiad Interim o Gynnydd Cymhwysedd, chwe mis i mewn i'ch blwyddyn hyfforddi) a gan y Panel RCP Terfynol (Adolygiad Terfynol o Gynnydd Cymhwysedd, 11 mis i mewn i'ch blwyddyn hyfforddi). Yn y cyfarfodydd panel hyn, bydd eich portffolio ar-lein yn cael ei ddefnyddio i ddadansoddi'r dystiolaeth rydych wedi'i chasglu i gefnogi'ch cynnydd ochr yn ochr ag adroddiadau a gyflwynwyd gan eich Goruchwyliwr Addysg.

Yn dilyn cyfarfod y panel byddwch yn cael canlyniad yn seiliedig ar eich cynnydd.

Yn yr RCP interim, y deilliannau posibl yw:

• Canlyniad 1 - Dangos cymwyseddau rhagddiffiniedig ar gyfradd ddisgwyliedig.
• Canlyniad 2 – Angen datblygu gydag argymhellion penodol ynghylch datblygu cymwyseddau pellach yn ystod gweddill y flwyddyn hyfforddi.
• Canlyniad 5 - Darparwyd tystiolaeth anghyflawn

Mae pob Canlyniad 5 sydd yn cael ei rhoi gan y panel interim RCP yn cael eu adolygu  14 diwrnod yn ddiweddarach - os yw'r hyfforddai wedi cyflenwi'r dystiolaeth goll fel y rhestrir yn adroddiad y panel, a bod y dystiolaeth hon yn foddhaol, yna byddai'r Canlyniad Interim RCP yn cael ei newid i Ganlyniad 1. Os nad yw'r hyfforddai wedi darparu'r dystiolaeth sydd ar goll, neu os yw'r dystiolaeth a gyflenwir yn anfoddhaol, yna byddai'r Canlyniad RCP Dros Dro yn cael ei ddiwygio i Ganlyniad 2.

Yn y RCP Terfynol, y deilliannau posibl yw:

• Canlyniad 1 - Dangoswyd cymwyseddau rhagddiffiniedig yn llwyddiannus
• Canlyniad 3 - Cynnydd annigonol - angen amser hyfforddi ychwanegol (estyn hyfforddiant am uchafswm o 12 mis yn ôl disgresiwn y Deon Deintyddol Ôl-raddedig lleol)
• Canlyniad 4 - Wedi'i ryddhau o'r rhaglen gyda neu heb gymwyseddau/galluoedd penodol (hyfforddeion sy'n dymuno gadael y rhaglen cyn ei chwblhau, gwrthod cynnig Canlyniad  3, neu pan nad yw'r Deon Deintyddol Ôl-raddedig yn argymell adferiad pellach)
• Canlyniad 5 - Darparwyd tystiolaeth anghyflawn

Adolygir pob Canlyniad 5 gan y panel interim RCP Terfynol 14 diwrnod yn ddiweddarach - os yw'r hyfforddai wedi cyflenwi'r dystiolaeth goll fel y rhestrir yn adroddiad y panel, a bod hyn yn foddhaol, yna byddai'r Canlyniad RCP Terfynol yn cael ei newid i Ganlyniad 1. Os nad yw'r hyfforddai wedi darparu'r dystiolaeth sydd ar goll, neu os nad yw'r dystiolaeth a gyflenwir yn foddhaol, yna byddai'r Canlyniad RCP terfynol yn cael ei ddiwygio i Ganlyniad 3 neu 4.

Mae'r broses RCP wedi'i nodi gan Bwyllgor Deoniaid a Chyfarwyddwyr Deintyddol Ôl-raddedig (COPDEND) a gallwch ddarllen mwy am y broses yn y 'Canllaw Aur Deintyddol'.

Mae gan hyfforddeion yr hawl i apelio yn erbyn argymhelliad am estyniad i hyfforddiant (Canlyniad  3) neu Ganlyniad sy'n rhyddhau'r hyfforddai o'r rhaglen hyfforddi gyda meysydd cymhwysedd a nodwyd a ddangoswyd ond heb gwblhau'r rhaglen (Canlyniad  4). Caiff apeliadau eu trefnu a’u rheoli gan y tîm Llywodraethu Dilyniant Hyfforddeion (TPG).