Wedi'i gyhoeddi ddydd Llun 22 Ebrill 2024
Mae Addysg a Gwella Iechyd Cymru (AaGIC) yn gofyn am adborth ar gyfres o gamau gweithredu a ddatblygwyd fel rhan o'r Cynllun Gweithlu Strategol ar gyfer Genomeg.
Mae’r gweithlu genomig arbenigol a gweithlu anarbenigol ehangach GIG Cymru yn cael eu hannog i roi adborth ar y camau gweithredu arfaethedig erbyn 27 Mai 2024.
Mae'r ymgynghoriad hwn yn garreg filltir allweddol yn natblygiad y Cynllun Gweithlu Strategol, sy'n cael ei arwain gan AaGIC mewn partneriaeth â Phartneriaeth Genomeg Cymru (GPW).
Bydd Genomeg yn chwarae rhan arwyddocaol wrth ddarparu gofal iechyd yn y dyfodol. Bydd yn helpu pawb i ddeall mwy am salwch a chlefydau ac yn galluogi gweithwyr gofal iechyd proffesiynol i ddatblygu ymagweddau wedi'u targedu at driniaeth a gofal cleifion.
Mae’r cynllun yn cael ei ddatblygu i:
Unwaith y bydd y cyfnod ymgynghori wedi dod i ben, bydd y Cynllun Gweithlu Strategol ar gyfer Genomeg yn cael ei gwblhau a'i gyflwyno i Fwrdd Partneriaeth Genomeg Cymru i'w gymeradwyo yr haf hwn.
Dywedodd Dr Nicki Taverner, Arweinydd Clinigol Genomeg yn Addysg a Gwella Iechyd Cymru:
"Er bod llawer o’r camau gweithredu’n berthnasol i’r gweithlu genomeg arbenigol, mae angen dull system gyfan er mwyn sicrhau canlyniadau gwell i gleifion o ran genomeg.
"Felly, mae camau gweithredu allweddol hefyd wedi’u datblygu i addysgu, hyfforddi ac ysbrydoli gweithlu ehangach y GIG i ddod yn bartneriaid gweithredol wrth ddarparu gofal iechyd genomig i bobl Cymru, er mwyn gwireddu ei llawn botensial.
“Waeth beth yw eich maes ymarfer arbenigol, a fyddech cystal â chymryd rhan yn yr ymgynghoriad hwn. Mae eich mewnbwn yn amhrisiadwy i sicrhau bod y cynllun terfynol yn addas at y diben.”
I gael rhagor o wybodaeth am ddatblygiad y cynllun hyd yma, ewch i'n tudalen we Cynllun Gweithlu Strategol ar gyfer Genomeg.