Dathlu enillwyr y gwobrwyon ym maes fferylliaeth eleni – Non Lewis
Bob blwyddyn, mae Addysg a Gwella Iechyd Cymru (AaGIC) yn cynnal noson wobrwyo fferylliaeth sylfaen i ddathlu'r bobl hynny sy'n helpu i ddatblygu'r maes holl pwysig o fewn iechyd a gofal cymdeithasol.
Anogwyd pobl i enwebu gweithwyr fferyllol proffesiynol sy'n gweddu un o'r categorïau yn y gwobrau.
Y categorïau oedd:
- Fferyllydd Sylfaenol y flwyddyn
- Cyfraniad at addysg a hyfforddiant
Dewiswyd Non Lewis fel enillydd y wobr cyfraniad at addysg a hyfforddiant. Dywedodd ei henwebwr "Mae Non wedi bod yn Oruchwyliwr Dynodedig anhygoel ac yn athrawes ragorol. Mae hi'n fentor ac yn hyfforddwr yn ogystal â fferyllydd clinigol eithriadol. Mae ei menter a'i hymdeimlad o gyfrifoldeb yn ddi-os wedi helpu ac wedi caniatáu i mi symud ymlaen drwy'r cylchdro. Mae hi wedi mynd allan o'i ffordd ac wedi mynd y filltir ychwanegol ar bob achlysur, gan deilwra ei hyfforddiant i anghenion yr hyfforddai.'
‘Does gen i ddim amheuaeth ei bod hi wedi chwarae rhan amhrisiadwy yn y daith hon o fy siapio i fel fferyllydd’
Penderfynwyd ar enillydd y categori hwn gan gydweithwyr yn Ysgol Fferylliaeth Abertawe.
Meddai Non Lewis, "Diolch yn fawr am y wobr. Mae wedi bod yn fraint cael bod yn rhan o'r Rhaglen Sylfaen i Fferyllwyr dan Hyfforddiant a bod yn rhan o'r gwaith o ddatblygu gweithlu fferyllol y dyfodol fel gweithwyr proffesiynol atebol, beiddgar, gofalgar a deinamig."
Aeth Non ymlaen i ddweud, "Diolch i AaGIC am yr holl gefnogaeth a roddwyd i mi drwy gydol y flwyddyn a diolch i'm holl gydweithwyr meddyg teulu am yr holl arweiniad a roddwyd i mi i ddatblygu a chyflawni'r rôl o fewn Practisau Meddygon Teulu. Yn olaf, diolch i'r holl Fferyllwyr Dan Hyfforddiant am eu cyfraniad at ymarfer, hiwmor a sgiliau technoleg!"
Meddai Beth Broad, Arweinydd Gweithredol, Rhaglen Fferyllwyr Sylfaen AaGIC, 'Roedd yn bleser cynnal gwobrau blynyddol fferylliaeth sylfaen AaGIC. Roeddem yn falch iawn o arddangos gwaith rhagorol fferyllwyr dan hyfforddiant o bob rhan o Gymru a hoffem longyfarch yr enillwyr teilwng!'
Mae'r gwobrau hyn yn ffordd o dynnu sylw at y gwaith anhygoel sy'n cael ei wneud gan fferyllwyr i wella gofal i bobl Cymru. Mae AaGIC yn hynod ddiolchgar i gynrychioli unigolion mor uchelgeisiol a thalentog sy'n ein helpu i weithio tuag at Gymru iachach.
Non Lewis