Gweinydd Ward
Beth yw Gweinydd Ward?
Mae gweinydd ward yn gweithio gyda thîm y ward i ddatblygu a chynnal y ward i gleifion. Mae’n darparu gwasanaeth cludo bwyd a diodydd cwrtais ac effeithlon o ansawdd uchel sy’n diwallu anghenion cleifion.
Ai gweithio fel Gweinydd Ward yw’r yrfa iawn imi?
Mae’r gweinydd ward yn gweithio ar ei ben ei hun ar y ward. Bydd y gweinydd yn gweini brecwast, cinio, swper a byrbrydau mewn amgylchedd prysur dros ben. Bydd y dyletswyddau yn cynnwys gwirio tymheredd bwyd ac oergelloedd gan gofnodi’r tymheredd cyn gweini’r bwyd i gleifion, a glanhau a chynnal ceginau, cypyrddau, celfi gosod ac offer.
I fod yn weinydd bwyd, bydd rhaid ichi fod â:
- sgiliau cyfathrebu da
- sgiliau gwasanaeth cwsmeriaid da
- sgiliau trefnu da
- gwybodaeth o hylendid bwyd
- ynghyd â bod yn berson dymunol, caredig a chwrtais
Beth mae gweinwyr ward yn ei wneud?
Mae gweinydd bwyd yn gyfrifol am y canlynol:
- Llenwi jygiau dŵr cleifion dair gwaith y dydd i sicrhau eu bod yn yfed digon o ddŵr
- Darparu bwyd a diodydd poeth ac oer i gleifion trwy’r dydd
- Casglu archebion bwyd cleifion
- Paratoi hambyrddau cleifion i weini bwyd
- Dilyn system hambyrddau coch lle y bo’n briodol
- Gweini bwyd i gleifion ar adegau dynodedig
- Deall anghenion deietegol cleifion
- Cofnodi tymheredd bwyd ar y ward
- Darparu byrbrydau i’r cleifion priodol
- Golchi llestri’r holl gleifion
- Cael gwared ar wastraff mewn modd priodol
- Cynnal lefelau uchel o hylendid bob amser
Ble mae Gweinwyr Ward yn gweithio?
Mae gweinwyr bwyd yn gweithio ar y ward, ond byddant yn cydweithio â’r Adran Arlwyo bob dydd ar faterion sy’n ymwneud â bwydo cleifion.
Faint mae Gweinwyr Ward yn ei ennill?
Yn y GIG, mae gweinwyr ward yn cael eu talu ar Fand 2; ewch i’r adran am Dâl a Buddion am ragor o wybodaeth.
Pa gyfleoedd sydd ar gael i Weinwyr Ward gamu ymlaen yn eu gyrfa?
Goruchwyliwr Gwasanaethau Gwesty/Gwasanaethau Arlwyo.
Sut alla i ddod yn Weinydd Ward?
Cewch chi hyfforddiant ar y ward. Bydd rhaid ichi fod â lefel dda o addysg a bydd rhaid ichi fod â thystysgrif lefel 2 mewn diogelwch bwyd neu dystysgrif gyfatebol.
Sut mae ennill profiad?
- Gwirfoddoli
- Gwneud cais i weithio yn y Banc Cyfleusterau
Ewch i’n gwefan Gwaith am fwy o wybodaeth.