Melin drafod hyfforddeion

Rydym yn grŵp o hyfforddeion o amrediad o arbenigeddau a phrofiad meddygol a deintyddol, sy'n gweithio gyda deoniaeth feddygol AaGIC i hyrwyddo safbwyntiau hyfforddeion o fewn y ddeoniaeth. Rydym yn cyfarfod yn rheolaidd i drafod prosiectau diddorol, meysydd i'w datblygu ac i sicrhau bod hyfforddiant o ansawdd uchel a lles hyfforddeion yn parhau yn ffocws craidd gan AaGIC.

Cyfarfod nesaf

Cynhelir cyfarfodydd chwarterol ym mis Mawrth, Mehefin, Medi a Rhagfyr.

Gallwch weld crynodeb o gofnodion ein cyfarfod ym mis Mawrth 2023.

Ein gweledigaeth

Bod yr holl hyfforddeion yng Nghymru yn cael hyfforddiant o’r safon uchaf ac yn mwynhau cydbwysedd iach rhwng bywyd a gwaith.

Ein cenhadaeth

Ein cenhadaeth yw dylanwadu ar y gwaith o ddatblygu a gwella rhaglenni hyfforddi meddygol a deintyddol yn AaGIC yn y dyfodol. Credwn y dylai pob hyfforddai gael ei drin yn gyfartal ac, o’r herwydd, dylai’r holl hyfforddeion deimlo eu bod yn cael eu cefnogi a’u gwerthfawrogi. Byddwn yn rhyngweithio â hyfforddeion o bob arbenigedd a gradd hyfforddi gyda'r diben o gael eu safbwyntiau er mwyn nodi cyfleoedd ar gyfer newid, gan weithredu fel eiriolwyr ar eu rhan. Byddwn yn cyfarfod yn rheolaidd ac yn rhoi adborth yr hyfforddeion yn uniongyrchol i'r Deon.

Mae croeso i chi anfon neges e-bost neu drydar os oes unrhyw beth yr hoffech chi ei drafod!

Byddwn yn cynnal rhagor o grwpiau ffocws yn y dyfodol agos. Dewch yn ôl i gael manylion neu cysylltwch â Kellie Bateman.

Cymrawd Hyfforddiant Arweinyddiaeth Glinigol Cymru (WCLTF) a'r Felin Drafod Hyfforddai

Mae llawer o'r cymrodyr ar y WCLTFyn aml yn ymgysylltu â'r TTT yn ystod eu hyfforddiant. Wrth symud ymlaen, bydd gan y cymrodyr rôl allweddol wrth lunio a datblygu'r TTT. Yn gyfnewid, gall y TTT roi cyfle i gymrodyr gael adborth ar eu prosiectau a pharhau i ddatblygu eu sgiliau arwain ar ôl dychwelyd i hyfforddiant.

I gael gwybod mwy cysylltwch â heiw.traineethinktank@wales.nhs.uk.