Sesiynau grŵp
|
Gwydnwch yn y Gweithle Nyrsio: prif flaenoriaeth Judith Benbow Mae gwytnwch a lles nyrsys yn brif flaenoriaeth i’r gweithlu a’r gweithle (Benbow et al 2024). Mae gwytnwch yn arf a all helpu nyrsys i reoli straen yn y gwaith, gan ddod mewn i gysylltiad â thrallod yn y gweithle. (Benbow 2022). Mae deall rôl ffactorau cadarnhaol yn y gweithle (Adnoddau, Addysg a Chymorth) yn allweddol i'w alluogi, wedi'i ategu gan berthnasoedd cefnogol cryf. Bydd y sesiwn ryngweithiol hon yn archwilio ystyr gwytnwch i chi, yn rhoi cyfle i chi fyfyrio ar eich adnoddau personol ac yn y gweithle i hyrwyddo eich gwytnwch eich hun, a’r rhai yr ydych yn gweithio gyda nhw, er budd pawb. |
|
Nid yw cyfleoedd yn Digwydd ar Hap, Rydych Chi'n Eu Creu Bianca Oakley a Sian Lewis Nododd Bianca a Sian o Fwrdd Iechyd Prifysgol Hywel Dda feysydd i wella ffyrdd o weithio, datblygiad staff, morâl a chyfleoedd hyfforddi a oedd wedi arwain at recriwtio a chadw staff gwael. Fe wnaethant nodi rhwystrau sylweddol o fewn eu tîm a mabwysiadu ymagwedd gadarn, drawsnewidiol i'w goresgyn. Gan weithredu gyda'r arwyddair "nid yw cyfleoedd yn digwydd ar hap, rydych chi'n eu creu," fe wnaethant herio arferion traddodiadol trwy bwysleisio cryfderau, personoliaethau a datblygiad aelodau'r tîm, ac wedi adeiladu tîm sy’n perfformio’n dda sydd wedi dangos llwyddiant mesuradwy. Y canlyniad yw tîm sydd heb unrhyw faterion recriwtio na chadw a model profedig o ragoriaeth mewn gofal cleifion. |
|
Nyrsio Lefel Uwch ac Ymgynghorol: Herio ffiniau arferion traddodiadol a llywio gofal arloesol. Nia Boughton a Lucie Parrie Sut gallwn ni adnabod a harneisio ein sgiliau a’n rhinweddau unigryw fel Nyrsys wrth symud ymlaen drwy lwybrau gyrfa uwch ac ymgynghorol ac osgoi meddyginoli ? |
|
Ydych chi'n arweinydd tosturiol? Archwiliwch arweinyddiaeth dosturiol gyda Dena Jones a Chris Ramshaw: • trafod elfennau craidd arweinyddiaeth dosturiol • darganfod adnodd hunanasesu arweinyddiaeth tosturiol GIG Cymru • a chyfle i ymuno ag Addewid Arweinyddiaeth Dosturiol GIG Cymru. |
|
Sgyrsiau aros ar waith: cadw a chefnogi Nyrsys yn GIG Cymru Zoe Gibson a Julia Williams, Arweinwyr Cadw Lleol Bwrdd Iechyd Addysgu Powys Mae cadw staff nyrsio yn flaenoriaeth hollbwysig i GIG Cymru ac mae Sgyrsiau Aros wedi dod i’r amlwg fel arf pwerus i feithrin ymgysylltu, boddhad swydd, ac ymrwymiad hirdymor. Bydd y gweithdy rhyngweithiol hwn yn archwilio effaith Sgyrsiau Aros o ran cefnogi a chadw nyrsys, gan rannu mewnwelediadau a dulliau ymarferol o bob rhan o GIG Cymru. Bydd cyfranogwyr yn dod i ddeall sut mae Sgyrsiau Aros yn helpu i fynd i'r afael â phryderon, gwella diwylliant y gweithle, a chryfhau morâl staff. Mae'r sesiwn hon wedi'i chynllunio ar gyfer y rhai sydd am ddatblygu strategaethau sy'n canolbwyntio ar gadw gan greu amgylchedd gwaith cadarnhaol a chefnogol. Ymunwch â ni i archwilio sut y gall Sgyrsiau Aros ysgogi newid ystyrlon a chyfrannu at weithlu nyrsio cydnerth ac ymgysylltiedig yn GIG Cymru. |
|
Cyswllt Gofal Iechyd Claire Hall a Cara Thomas Mae Rhaglen Cyswllt Gofal Iechyd RCN Cymru yn gymhwyster 6 mis dysgu seiliedig ar waith sydd wedi’i ddatblygu ar y cyd gan Addysg a Gwella Iechyd Cymru, Coleg Nyrsio Brenhinol Cymru, Prifysgol De Cymru, Coleg Caerdydd a’r Fro a Choleg Gwent. Mae wedi'i gynllunio ar gyfer y rhai sy'n dymuno astudio rhaglen lefel gradd mewn nyrsio neu fydwreigiaeth, sydd naill heb y gofynion mynediad llawn neu'n teimlo y byddent yn elwa o brofiad pellach cyn iddynt gofrestru ar eu gradd. Pwrpas y cymhwyster galwedigaethol hwn yw datblygu gwybodaeth, dealltwriaeth a sgiliau nyrsio/bydwreigiaeth yr hyfforddai tra'n gweithio fel Gweithiwr Cymorth Gofal Iechyd (HCSW). Gan weithio ochr yn ochr â gweithwyr proffesiynol cofrestredig a phrofiadol ym myrddau iechyd GIG Cymru, bydd yr hyfforddai’n datblygu ei sgiliau, gan ei alluogi i barhau â’i lwybr i ddod yn nyrs/bydwraig gofrestredig. |