Neidio i'r prif gynnwy

Ewch i Nyrsio


HyfforddiGweithioByw

Mae rhagor o wybodaeth am natur hyfforddi, gweithio a byw yng Nghymru ar gael ar ein gwefan HyfforddiGweithioByw.

Tregyrfa

Mae ein pentref rhithwir yn arddangos gyrfaoedd drwy ystod y maes iechyd a gofal cymdeithasol yng Nghymru. Mae adeilad wedi'i neilltuo ar gyfer nyrsio gyda hanesion gan nyrsys go iawn.

Sut i ymroi i fod yn nyrs

Gallwch ddechrau troedio’ch llwybr nyrsio cyn ieuenged ag 16 oed fel cadét nyrsio neu drwy ymroi i brentisiaeth gofal iechyd. Nid oes uchafswm oedran ar gyfer dechrau’ch gyrfa nyrsio.

Gofynion mynediad

Daw myfyrwyr nyrsio o gefndiroedd amrywiol, gydag ystod o brofiadau a chymwysterau. Er mai un llwybr yw Lefelau A, mae llawer o gymwysterau eraill a all hefyd agor drysau i yrfa nyrsio gwerth chweil.

Y peth allweddol yw trafod eich sefyllfa benodol gyda'r brifysgol neu'r prifysgolion y mae gennych ddiddordeb mewn gwneud cais iddynt. Mae’r cyrsiau’n dechrau ym mis Mawrth a mis Medi – cewch ragor o wybodaeth drwy’r dolenni isod:

Prifysgol Abertawe Dod yn Nyrs - Prifysgol Abertawe

Prifysgol Aberystwyth Nyrsio : Astudio Gyda Ni , Prifysgol Aberystwyth

Prifysgol Bangor Nyrsio | Bangor University

Prifysgol Caerdydd Nyrsio - Astudio - Prifysgol Caerdydd

Prifysgol Agored Nyrsio yng Nghymru – Prifysgol Agored

Prifysgol De Cymru Nyrsio - Prifysgol De Cymru

Prifysgol Wrecsam

Y llwybrau i’r maes nyrsio
Beth i'w ddisgwyl wrth ymroi i gwrs nyrsio

Cewch gyfleoedd i ennill cyfoeth o brofiadau clinigol ymarferol, dan oruchwyliaeth, ac i ddysgu yng nghysgod gweithwyr proffesiynol profiadol. Byddwch yn cael blas ar fywyd nyrs cymwysedig wrth ymroi i’r profiadau ymarferol.  Bydd y profiad hwn ar ffurf lleoliadau gwaith mewn safleoedd gofal iechyd er mwyn i chi gael datblygu’ch sgiliau clinigol a’ch sgiliau cyfathrebu.  Bydd y lleoliadau'n amrywio a bydd cyfleoedd ichi weithio ar wardiau ysbyty, mewn meddygfeydd a sawl lleoliad arall.

Cyfleoedd pellach

Y garreg filltir gyntaf yw cofrestru fel nyrs. Wedi hynny, gallwch ganlyn gyrfa ym mha bynnag faes nyrsio sy'n ennyn eich diddordeb. Gyda stôr o gyfleoedd o ran datblygiad proffesiynol parhaus, gallwch lunio gyrfa mor amrywiol ag y dymunwch.

Dychwelyd i nyrsio

Os ydych eisoes wedi cymhwyso fel nyrs ac yn awyddus i ailafael ynddi, mae cwrs seiliedig ar ymarfer ar gael. Bydd y cwrs chwe mis hwn yn adnewyddu eich sgiliau a'ch gwybodaeth. Gallwch ymroi i’r cwrs hwn naill ai ym mhrifysgolion Bangor, Caerdydd, Abertawe, De Cymru neu Wrecsam. 
 

Darllenwch erthyglau nyrsio ac hanesion bywyd

Dilynwch ni ar y cyfryngau cymdeithasol i gael y wybodaeth ddiweddaraf.