Penodi 15 o Hyfforddeion Graddedig Rheoli Cyffredinol GIG Cymru newydd

Daeth y broses recriwtio ar gyfer carfan tri o Raglen Graddedigion Rheoli Cyffredinol GIG Cymru  i ben yn ddiweddar, gyda phymtheg o hyfforddeion rheoli newydd wedi’u penodi a’u dyrannu i amrywiol sefydliadau GIG Cymru.

Mae'r cynllun, sy'n cael ei redeg gan Addysg a Gwella Iechyd Cymru (AaGIC), yn hanfodol i ddiogelu ein cronfeydd talent ar draws GIG Cymru at y dyfodol. Mae ailsefydlu’r rhaglen hon yn flynyddol yn elfen wedi’i blaenoriaethu o’n strategaeth cynllunio olyniaeth GIG Cymru, gyda hyfforddeion yn dod i’r amlwg fel cenhedlaeth newydd o arweinwyr a rheolwyr bywiog, tosturiol a’r dyfodol yn GIG Cymru.

Er bod hyfforddeion yn ennill profiad gweithredol sylweddol a chymwysterau academaidd o gymryd rhan yn y rhaglen hon, mae ein system GIG Cymru yn elwa o ymchwil academaidd a phrosiectau seiliedig ar waith sy'n llywio ac yn dod â safbwyntiau newydd i lawer o feysydd ein gwaith.

Daeth ein proses recriwtio ar gyfer Carfan 3 i ben yn ddiweddar gyda 15 o Hyfforddeion newydd yn cael eu penodi a’u dyrannu i amrywiol sefydliadau GIG Cymru. Derbyniwyd dros 550 o geisiadau eleni, gan amlygu gwerth ac ansawdd y rhaglen. Cafodd yr ymgeiswyr llwyddiannus eu penodi drwy broses gynhwysol a thrylwyr a oedd yn cynnwys ceisiadau fideo, asesiadau seicometrig, canolfannau asesu ac yn olaf cyfweliadau â’n timau gweithredol ledled Cymru. 

Dywed Claire Monks, Rheolwr Rhaglenni i Raddedigion: “Mae creu cronfa dalent o ddarpar reolwyr yn GIG Cymru yn hollbwysig.  Drwy gyfrwng y rhaglen hon gallwn sicrhau bod darpar arweinwyr tosturiol i wasanaethu sefydliadau, mewn gwahanol rolau, ledled Cymru.  Wrth ddenu talent amrywiol o’r radd flaenaf gallwn gyfrannu at lwyddiant a ffyniant cyffredinol GIG Cymru, gan helpu i greu sylfaen gynaliadwy ar gyfer y dyfodol.