Mae AaGIC yn dathlu Diwrnod Rhyngwladol y Bydwraig
Cyhoeddedig: 03/05/2024
Mae Addysg a Gwella Iechyd Cymru (AaGIC) yn arwain ar ddatblygu'r cynllun gweithlu amenedigol strategol i recriwtio, cadw, hyfforddi a thrawsnewid y gweithlu amenedigol presennol ac yn y dyfodol yn GIG Cymru. Rydym yn dathlu Diwrnod Rhyngwladol y Bydwraig i gydnabod yr holl waith gwych y mae bydwragedd yn ei wneud ledled Cymru bob dydd o'r flwyddyn.
I ddarganfod sut y gallech ddod yn fydwraig yng Nghymru, ewch i'n hadeilad mamolaeth a newydd-anedig ar Dregyrfa.
Pryd mae Diwrnod Rhyngwladol y Bydwreig? 5ed Mai 2024
Ble mae'n digwydd?: Mewn unedau mamolaeth a thrwy ddigwyddiadau rhithwir ar draws y byd
Thema: Bydwragedd: Datrysiad Hinsawdd Hanfodol
Ddydd Sul 5 Mai bydd bydwragedd ar draws y byd yn dathlu Diwrnod Rhyngwladol y Bydwraig 2024. Thema eleni yw craidd COP28 a strategaethau i wella iechyd a statws menywod. Mae bydwragedd, fel darparwyr gofal ac amddiffynwyr iechyd rhywiol ac atgenhedlu menywod yn chwarae rôl allweddol. Wrth ddylunio systemau iechyd gwydn sy'n gallu gwrthsefyll effeithiau gwaethaf newid yn yr hinsawdd, maent yn darparu gwasanaethau iechyd sy'n amgylcheddol gynaliadwy, a grymuso menywod i wneud penderfyniadau sydd o fudd iddyn nhw eu hunain, eu teuluoedd a'r blaned. Ffynhonnell: Diwrnod Rhyngwladol y Bydwraig 2024 (rcm.org.uk))
Bydwragedd. Datrysiad Hinsawdd Hanfodol
Newid yn yr hinsawdd yw her iechyd fwyaf ein hoes. Mae ein planed yn cynhesu, mae yna fwy o donnau gwres, mwy o lifogydd a thrychinebau naturiol sy'n effeithio'n sylweddol ar iechyd menywod a babanod. Mae darparu adnoddau ac ymdrechion i fynd i'r afael â'r argyfwng hinsawdd yn fater o frys eithafol.
Mae Cydffederasiwn Rhyngwladol Bydwragedd (ICM) yn cydnabod bod bydwragedd yn chwarae rôl hanfodol wrth addasu systemau iechyd i newid yn yr hinsawdd, a lleihau allyriadau carbon yn gyffredinol. Mae bydwragedd yn darparu gwasanaethau iechyd diogel a chynaliadwy i'r amgylchedd ac maent yn ymatebwyr cyntaf pan ddaw trychinebau hinsawdd.
Am y rheswm hwn, y thema ar gyfer Diwrnod Rhyngwladol y Bydwraig eleni (IDM), yw Bydwragedd: Datrysiad Hinsawdd Hanfodol.