Lansio Adnoddau Dysgu Cyfweliadau Ysgogol Newydd gan AaGIC

Mae Addysg a Gwella Iechyd Cymru (AaGIC) yn falch o gyhoeddi lansio ei hadnoddau dysgu Cyfweliadau Ysgogol newydd, a gynlluniwyd i rymuso gweithwyr gofal iechyd proffesiynol ledled Cymru. 

Cynhaliwyd y digwyddiad lansio swyddogol ar-lein trwy Microsoft Teams ddydd Mercher 3ydd o Ragfyr. Cafodd y mynychwyr gyfle i archwilio adnoddau arloesol sydd â'r nod o gryfhau gofal sy'n canolbwyntio ar y person trwy sgyrsiau cydweithredol ac ystyrlon sy'n ysbrydoli cymhelliant unigolion i newid. 

Uchafbwynt y digwyddiad oedd astudiaeth achos, yn dangos cyfweld ysgogol ar waith. Dangosodd y sesiwn hon sut y gall gweithwyr gofal iechyd proffesiynol ddefnyddio technegau Cyfweld Ysgogol i gefnogi pobl i wneud newidiadau cadarnhaol, gan ganolbwyntio ar strategaethau ymarferol ar gyfer ymgysylltu ag unigolion, goresgyn gwrthwynebiad a meithrin hunangymhelliant. Clywsom gan arbenigwr Cyfweld Ysgogol a oedd yn rhan o ddatblygu'r modiwl e-ddysgu, y Dietegydd a'r Hyfforddwr Cyfweld Ysgogol ardystiedig Orla Adams, sy'n dod â dros 20 mlynedd o brofiad yn y GIG i'r drafodaeth. 

Roedd y digwyddiad yn cynnwys cyflwyniad byw, cipolwg ar yr adnoddau newydd, a sesiwn Holi ac Ateb gydag arbenigwyr. Mae'r holl adnoddau, fideos a'r modiwl e-ddysgu MI wedi'u cynnal ar Y Ty Dysgu, ac mae cofrestru ar agor i bob gweithiwr gofal iechyd proffesiynol. Anogir y rhai heb gyfrif i gofrestru i gael mynediad. 

Rebecca Boore, Cyfarwyddwr Cyswllt Trawsnewid y Gweithlu Nyrsio a Bydwreigiaeth: Mae'r adnoddau hyn yn cefnogi integreiddio cyfweliadau ysgogol i ymarfer, gan wella gofal sy'n canolbwyntio ar y person a galluogi clinigwyr i arwain a chynnal newid ymddygiad effeithiol. 

Orla Adams, Deietegydd cofrestredig a Hyfforddwr Cyfweld Ysgogol ardystiedig (MINT): "Fy ngobaith yw y bydd yr adnoddau dysgu Cyfweld Ysgogol hyn yn eich sbarduno chi yn yr un ffordd ag y gwnaeth yr hyfforddiant Cyfweld Ysgogol cyntaf i mi 20 mlynedd yn ôl. Dechreuodd daith sydd wedi trawsnewid fy ymarfer a'r ffordd rwy'n ymddwyn gyda'r bobl rwy'n eu cyfarfod yn fy mywyd."