Gwrando ar leisiau addysgwyr ymarfer
Yn unol â blaenoriaeth Addysg a Gwella Iechyd Cymru (AaGIC) i ddarparu addysg a hyfforddiant rhagorol, mae AaGIC yn gweithio'n agos gydag addysgwyr ymarfer yng Nghymru i hwyluso lleoliadau dysgu o safon i fyfyrwyr israddedig.
Ers dyfarnu contractau addysg gofal iechyd, mae AaGIC wedi ymgysylltu'n flynyddol i wrando ar brofiadau addysgwyr o gefnogi myfyrwyr ar raglenni gofal iechyd a gomisiynwyd gan AaGIC.
Mae'r sesiynau ymgysylltu yn rhoi cyfle i addysgwyr:
- rhannu eu profiadau o gefnogi myfyrwyr yn ymarferol
- tynnu sylw at enghreifftiau o arfer da
- nodi meysydd i'w gwella
- archwilio syniadau a allai wella a chefnogi rôl yr addysgwr.
Yn ystod cylch ymgysylltu 2025, cyfarfu AaGIC â dros 200 o addysgwyr, lle casglwyd eu hadborth a'i fwydo'n ddienw i'n system rheoli ansawdd.
Ymunwch i helpu i lunio sgyrsiau yn y dyfodol ynghylch ansawdd addysg gofal iechyd a gomisiynir yng Nghymru.
Mae'r rownd nesaf o sesiynau ymgysylltu wedi'i drefnu i ddigwydd rhwng mis Ionawr a mis Mawrth 2026.
Os ydych chi'n oruchwyliwr ymarfer, asesydd, neu addysgwr sy'n cefnogi myfyrwyr mewn ymarfer ac yr hoffech i'ch barn gael ei chynrychioli yn y sesiynau ymgysylltu sydd ar ddod gydag Addysg a Gwella Iechyd Cymru, cysylltwch â'r tîm os gwelwch yn dda.