Gweminarau Ymgysylltu Safonau Cymhwyster mewn Arbenigedd (QiS) ar gyfer nyrsio newyddenedigol yng Nghymru

Mae'r Cymhwyster mewn Arbenigedd (QiS) ar gyfer nyrsys newyddenedigol yn rhaglen addysg ôl-gofrestru, sy'n adeiladu ar hyfforddiant cyn-gofrestru. Mae QiS yn rhoi’r sgiliau arbenigol sydd eu hangen ar nyrsys i ddarparu gofal diogel ac effeithiol i fabanod newydd-anedig a’u teuluoedd mewn gwasanaethau newyddenedigol.

Mae AaGIC yn gweithio mewn partneriaeth â Chymdeithas y Nyrsys Newyddenedigol a nyrsys newyddenedigol rheng flaen i safoni'r Cymhwyster mewn Arbenigedd (QiS) ledled Cymru. Nod y gwaith hwn yw sicrhau bod gan bob nyrs newyddenedigol sy'n cwblhau rhaglen QiS yr un wybodaeth, sgiliau a hyder o ansawdd uchel, ni waeth ble yng Nghymru y maent yn hyfforddi neu'n ymarfer.

Ar hyn o bryd, gall amrywiadau yn y ffordd y cyflwynir a dehonglir rhaglenni QiS ledled Cymru arwain at anghysondeb yn neilliannau hyfforddiant. Gall hyn effeithio ar symudedd y gweithlu a'r profiad cyffredinol o ofal i fabanod a'u teuluoedd. Drwy safoni'r fframwaith QiS, rydym yn creu sylfaen gyson o ansawdd uchel ar gyfer nyrsio newyddenedigol sy'n cefnogi gweithio trawsffiniol di-dor a gwell diogelwch ac ansawdd gofal i gleifion.

Mae'r gwaith hwn yn cefnogi nyrsys yn uniongyrchol yn ymarferol drwy adeiladu cymhwyster cadarn a throsglwyddadwy sy'n adlewyrchu cymhlethdod a natur arbenigol gofal newyddenedigol. Mae hefyd yn grymuso nyrsys i symud rhwng gwasanaethau neu ardaloedd daearyddol yn haws, gan wybod bod eu haddysg a'u hyfforddiant yn cael eu cydnabod a'u hymddiried ynddynt yn genedlaethol.

Rydym ar hyn o bryd yn gwahodd nyrsys newyddenedigol i ddweud eu dweud. Mae cyfres o weminarau yn cael eu cynnal i rannu'r safonau drafft a chasglu adborth hanfodol gan y gweithlu. Mae eu llais yn hanfodol wrth lunio fframwaith sy'n gweithio mewn lleoliadau clinigol bywyd go iawn.

Dyddiadau ac amseroedd y gweminar

29 Medi 2025 11.30 - 12.30

30 Medi 2025 11.30 – 12.30

Yn ystod y gweminarau gofynnir i’r mynychwyr roi sylwadau ynghylch a ydynt yn cytuno neu’n anghytuno â’r 10 parth o fewn y safonau a bydd cyfle i drafod. Cwblhewch ➡️ yffurflen archebu ar gyfer Gweminar Ymgysylltu Cymhwyster mewn Arbenigedd (QIS) os hoffech fynychu.

Nod y prosiect hwn yw cyd-fynd â datblygiadau tebyg yn GIG Lloegr, gan adeiladu dull a rennir ledled y DU.

Ein nod yw darparu amgylchedd lle gall pawb gael mynediad a chymryd rhan lawn yn ein digwyddiadau. Rydym wedi ymrwymo i sicrhau bod ein digwyddiadau yn gynhwysol ac yn diwallu anghenion pob mynychwr, gan gynnwys y rhai ag anableddau. Os oes gennych unrhyw ofynion hygyrchedd ychwanegol, cysylltwch â ni drwy HEIW.NursingWorkforcePlan@wales.nhs.uk.

Os oes gennych unrhyw gwestiynau pellach, cysylltwch â HEIW.NursingWorkforcePlan@wales.nhs.uk