Diweddariad ar y Rhaglen Hyfforddiant Endosgopi AaGIC

Mae Addysg a Gwella Iechyd Cymru (AaGIC) wedi ymrwymo i hyfforddi a datblygu piblinell gynaliadwy o endosgopyddion ar gyfer GIG Cymru i wella diagnosis cynnar o ystod o gyflyrau ac i ddarparu ymyriadau arbenigol a soffistigedig. Sefydlwyd Academi Endosgopi Cymru yn 2024 i fynd i'r afael yn uniongyrchol â diffygion hyfforddiant sy'n effeithio ar y gweithlu endosgopi cyfan.

Mae AaGIC yn falch o rannu dyddiadau hyfforddi 2025 i gefnogi endosgopyddion dan hyfforddiant a nyrsys endosgopi, rheolwyr a staff gweinyddol a chlerigol yng Nghymru. Darperir y cyrsiau hyn yng Nghanolfan Academaidd Keir Hardie (Merthyr Tudful), gydag ystafelloedd seminar o ansawdd uchel a lle labordy clinigol pwrpasol.

Hyfforddiant Endosgopi

Mae'r rhaglen yn cefnogi'r cyrsiau canlynol a gymeradwywyd gan JAG (a fydd yn cael eu hysbysebu trwy System Hyfforddi Endosgopi JAG (gwefan JETS).

Cwrs Gastroberfeddol Uchaf (Upper GI) Sylfaenol JAG - Diwrnod 1 yng Nghanolfan Academaidd Keir Hardie , Diwrnod 2 Ysbyty Brenhinol Morgannwg

12 a 13 Tachwedd 2025.

Cwrs Gastroberfeddol Uchaf Therapiwtig JAG - cwrs 2 ddiwrnod yng Nghanolfan Academaidd Keir Hardie

3 a 4 Tachwedd 2025.

Cyrsiau endosgopi eraill:

SPRINT – cwrs ymsefydlu endosgopi 1 diwrnod yng Nghanolfan Academaidd Keir Hardie (AM DDIM i gynrychiolwyr Cymru)

18 Medi 2025.

Rydym yn parhau i gefnogi Rhaglen Endosgopi Clinigol lwyddiannus AaGIC yn ogystal â hwyluso cyflwyno cyrsiau sy'n canolbwyntio ar nyrsys endosgopi fel yr amlinellir isod. Rydym wedi darparu nifer o gyrsiau am y tro cyntaf eleni gan gynnwys y cwrs Endosgopi Traws-drwynol ym mis Ionawr 2025 a chwrs Sgiliau Endosgopig An-Dechnegol ar 4 Medi 2025 a fyddai o fudd i bob aelod o'r tîm endosgopi.

Edrychwch yn ôl ar wefan endosgopi wrth i ni barhau i ddatblygu addysg a darpariaeth endosgopi yng Nghymru gan gynnwys y posibilrwydd o gyflwyno cyrsiau am y tro cyntaf yng Ngogledd Cymru'r hydref hwn, yn ogystal â diweddariadau ar y Rhaglen Hyfforddi Carlam sy'n cael ei hehangu yng Nghaerdydd.

Hyfforddiant Nyrs Endosgopi

Ers 2024 rydym wedi hyfforddi 204 o nyrsys endosgopi yn llwyddiannus mewn ymateb i'r galw gan fyrddau iechyd ledled Cymru. Mae hyn wedi helpu i fynd i'r afael â'r ôl-groniad o anghenion hyfforddi ac mae'n cefnogi datblygiad y gweithlu nyrsio endosgopi.

Byddwn yn parhau i hwyluso cyrsiau ENDO 1 i gefnogi hyfforddiant sylfaen yn erbyn fframwaith cymhwysedd Gweithlu JETS a chynorthwyo unedau i fodloni mandad newydd y JAG o fewn Safonau Achredu JAG wedi'u diweddaru (2023). Bydd cyrsiau ENDO 1 yn parhau i gael eu cynnal yn rhanbarthol o fewn ysbytai, anfonwch e-bost atheiw.endoscopy@wales.nhs.uk i ofyn am gwrs lleol.

Mae'r cwrs ENDO2 sy'n cefnogi datblygiad y sgiliau sydd eu hangen ar gynorthwywyr endosgopi yn ystod gweithdrefnau therapiwtig yn cael ei ddiweddaru ac mae Arweinwyr Hyfforddi Cymru yn gweithio gydag Arweinwyr JAG ac Arweinwyr Hyfforddi o Academïau Endosgopi eraill y DU i ddiweddaru fformat y cwrs gyda'r bwriad o gyflwyno'r fformat ENDO 2 sydd wedi'i ddiweddaru yn ystod 2025/26. Bydd manylion ar gael cyn gynted ag y bydd JAG wedi cymeradwyo'r fformat newydd.

Bydd cyrsiau ENDO3 ar gael i'w harchebu ar-lein drwy wefan JETS ar gyfer nyrsys sy'n dymuno gwella eu sgiliau mewn rheolaeth, hyfforddiant ac arweinyddiaeth. Yn unol â diweddariad JAG ar fformat ENDO3, byddwn yn ceisio cynnal cwrs ENDO3 yng Nghymru yn Hydref 2025. Cysylltwch â ni os oes gennych ddiddordeb mewn mynychu.

Academi Endosgopi Cam 2

Mae ein cynnig ar gyfer cam 2 o ddatblygiad yr Academi Endosgopi genedlaethol wedi'i gymeradwyo gan ein bwrdd a bydd nawr yn cael ei gyflwyno i Lywodraeth Cymru ar gyfer trawsnewid a chyflymu addysg a hyfforddiant endosgopi i fynd i'r afael ag anghenion GIG Cymru mewn ffordd gynaliadwy.

Dywedodd Ian Mathieson, Cyfarwyddwr Strategaeth Addysg a Thrawsnewid yn AaGIC, “Mae’r Rhaglen Hyfforddiant Endosgopi yn gweithio i adeiladu gweithlu medrus, gwydn a pharod ar gyfer y dyfodol ar gyfer GIG Cymru. Gyda datblygiad parhaus yr Academi Endosgopi a ffocws ar sgiliau technegol ac annhechnegol ar draws pob grŵp staff, rydym yn sicrhau bod cleifion yn elwa o ddiagnosis cynharach a gofal mwy diogel a mwy effeithiol.”

Bydd diweddariadau pellach yn cael eu rhannu ar Academi Endosgopi Cymru - AaGIC

Am unrhyw ymholiadau, cysylltwch â thîm Hyfforddi Academi Endosgopi yn HEIW.Endoscopy@wales.nhs.uk