Neidio i'r prif gynnwy

Ar ôl cwblhau'r Broses Recriwtio Cenedlaethol (NR)

  • Bydd Addysg a Gwella Iechyd Cymru (AaGIC) yn dyrannu eich FD ar sail eu safle Recriwtio Cenedlaethol.
  • Bydd TPD a Gweinyddwr AaGIC ar gyfer y cynllun rydych chi wedi cael eich dyrannu iddo, yn cysylltu â chi gyda rhagor o arweiniad ar y trefniadau ar gyfer eich cynllun a rhaglen diwrnod astudio’r cynllun ac ati.
  • Bydd AaGIC yn rheoli Rhaglen Hyfforddiant y Sefydliad Deintyddol dros y flwyddyn nesaf.  Os oes gennych chi unrhyw gwestiynau am y cynllun, am yr addysg neu am yr hyfforddiant, cysylltwch â Chyfarwyddwr Rhaglen Hyfforddiant eich cynllun yn y lle cyntaf, neu dîm canolog Addysg a Gwella Iechyd Cymru ar DFTenquiries@wales.nhs.uk. 
  • Bydd AaGICyn cysylltu â chi dros y misoedd nesaf gyda’ch manylion mewngofnodi i gael mynediad at y llwyfannau canlynol:
    • E-Bortffolio Hyfforddiant Deintyddol Sylfaenol
    • Rhwydwaith Dysgu ac Asesu Cyfoedion Dienw (APLAN).
  • Os caiff Deintydd Sylfaen sydd angen fisa nawdd myfyriwr ei ddyrannu i chi, bydd AaGICyn anfon eu manylion at NWSSP a fydd yn cysylltu â’r hyfforddai’n uniongyrchol i’w arwain drwy’r broses.
  • Rhestr Cyflawnwyr y GIG - Bydd angen i bob FD gofrestru ar Restr Cyflawnwyr yng Nghymru er mwyn dechrau Hyfforddiant Deintyddol Sylfaenol. Ar ôl i ni dderbyn manylion FDs a ddyrannwyd i Gymru gan y swyddfa Recriwtio Genedlaethol, byddwn yn cysylltu â phob FD i’w cynghori i wneud cais i gael eu cynnwys ar Restr Cyflawnwyr Deintyddol Cymru yn syth, gan y gall y broses hon gymryd hyd at 12 wythnos i’w chwblhau mewn rhai achosion. Gofynnir i’r FD fynd i www.gwasanaethaugofalsylfaenol.gig.cymru.uk Byddant wedyn yn dewis ‘Cais i gael eich Cynnwys ar y Rhestr Cyflawnwyr Deintyddol’ yn y ddolen Gwasanaethau Deintyddol.

Mae dwy ffurflen gais –

  • DPL1 ar gyfer y rheini nad ydynt wedi'u cynnwys ar restr ddeintyddol mewn mannau eraill yn y DU ar hyn o bryd
  • DPL4A ar gyfer y rheini sydd wedi’u cynnwys ar restr ddeintyddol mewn mannau eraill yn y DU ar hyn o bryd

Gwnewch yn siŵr bod gwisg eich FD wedi cael ei threfnu er mwyn iddyn nhw allu ei thrio cyn eu diwrnod cyntaf yn y practis. Bydd yn gwneud iddyn nhw deimlo’n rhan o’r tîm o’r diwrnod cyntaf.

Dylai llyfr apwyntiadau eich FD fod yn ysgafn o ran apwyntiadau am yr ychydig wythnosau cyntaf i’w galluogi i gwblhau gwaith heb bwysau amser.  Bydd canllawiau ar gyfer misoedd cyntaf y gweithgarwch yn cael eu rhannu â chi mewn dogfen ganllawiau ychwanegol.

Efallai y byddai’n syniad da trefnu awr ar gyfer llenwi apwyntiadau i ddechrau a chaniatáu i’r FD leihau’r amser hwn wrth iddynt ddatblygu ar eu cyflymder eu hunain. Rhaid i’r FD gadw rheolaeth dros amseroedd apwyntiadau gan mai’r syniad yn yr wythnosau cynnar yw caniatáu i sgiliau ddatblygu heb bwysau amser.

Os yw’n bosibl, ceisiwch gael cydbwysedd rhwng cleifion newydd a chleifion presennol er mwyn rhoi profiad o wahanol ystyriaethau cynllunio triniaeth, yn syml ac yn gymhleth.

Cadwch eich apwyntiadau eich hun yn ysgafn yn yr wythnosau cynnar, gan ei bod yn debygol y bydd angen mwy o gymorth ar eich FD. Efallai y gallech ganiatáu amser ar ddiwedd pob sesiwn ar gyfer trafodaeth. Gall fod yn syniad ystyried amserlen y cynllun DFT ar gyfer yr wythnos (e.e. cwrs preswyl, diwrnodau astudio, tiwtorialau ac ati).