Gweithdy I: Parodrwydd ar gyfer Ymarfer: Yr hyn yr ydym am i'n meddygon sylfaen ei wybod a'i wneud

Hwyluswyd gan

Tom Yapp, Cyfarwyddwr Ysgol Sylfaen Cymru, Deoniaeth Feddygol, AaGIC

Esyld Watson, Dirprwy Gyfarwyddwr Ysgol Sylfaen Cymru, Deoniaeth Feddygol, AaGIC

Pwy ddylai fynychu

Unrhyw un sy'n ymwneud â darparu addysg feddygol israddedig ac ôl-raddedig, o oruchwyliaeth glinigol, trwy rolau addysgwr a rheoli rhaglenni. Bydd yn addas ar gyfer addysgwyr sy'n gymheiriaid agos ac ar gyfer y rhai nad ydynt mor agos, er bod angen i ni oll feddwl fel pobl yn eu hugeiniau!

Mapiwyd i Feysydd Fframwaith y CMC

Addysgu a hwyluso dysgu (Maes Fframwaith 3)

Trosolwg

Mae'r trawsnewid o fyfyriwr i feddyg yn un o'r camau pwysicaf ar gyfer gyrfa mewn Meddygaeth. Mae ysgolion meddygol wedi datblygu eu cwricwlwm i baratoi eu graddedigion ar gyfer ymarfer clinigol, ond a allwn ni, ni’r cydweithwyr, wneud yn well?

Bydd y gweithdy hwn yn adolygu'r modelau o gymwysterau meddygol sylfaenol (PMQs) presennol a'r Rhaglen Sylfaen (FP) yng Nghymru ac yn archwilio beth y gellid ei wneud yn wahanol. Pa mor radical ydych chi am fod?

Trwy weithio mewn grŵp bach wedi'i hwyluso, byddwch yn dod o hyd i 3 ymyrraeth bosibl ar gyfer AaGIC, mewn partneriaeth â'n hysgolion meddygol lleol (Bangor, Caerdydd ac Abertawe).

Amcan(ion):

• Galluogi adolygu, myfyrio, trafod a gwerthfawrogi'r model presennol o bontio o fod yn fyfyriwr i fod yn feddyg yng Nghymru, ynghyd â'r heriau cysylltiedig ac atebion posibl.
• Datblygu dealltwriaeth ddyfnach o ddylunio cwricwlwm a dysgu profiadol.