Gall cymorth cymheiriaid ddarparu gobaith, cysylltiad a dealltwriaeth i bobl sy'n wynebu heriau iechyd meddwl. Mae ein Cynllun Strategol drafft ar gyfer Cymorth Cymheiriaid Iechyd Meddwl yng Nghymru yn nodi sut y gallwn gryfhau a gwreiddio cymorth cymheiriaid ledled Cymru yn y blynyddoedd sydd i ddod.
Daw'r ymgynghoriad i ben ar 21 Rhagfyr 2026.
Bydd AaGIC yn gweithio gyda phartneriaid i wella deallusrwydd y gweithlu, cryfhau sgiliau cynllunio'r gweithlu a datblygu modelau'r gweithlu a all addasu i batrymau gofal newidiol.
Bydd hyn yn helpu sefydliadau i ddeall anghenion y gweithlu yn y dyfodol yn well, nodi heriau sy'n dod i'r amlwg yn gynnar a gwneud penderfyniadau gwybodus sy'n cefnogi gweithlu iechyd meddwl cynaliadwy ar gyfer y dyfodol.
Mae angen cymorth gan weithwyr proffesiynol gydag ystod eang o sgiliau ac arbenigedd ar bobl sy'n cael mynediad at wasanaethau iechyd meddwl.
Bydd y rhaglen yn datblygu rolau a llwybrau gyrfa newydd, yn cynyddu capasiti'r gweithlu mewn meysydd allweddol ac yn creu mwy o gyfleoedd ar gyfer dysgu a datblygu. Bydd hyn yn cryfhau gweithio amlddisgyblaethol, gan helpu gwasanaethau i ddiwallu anghenion unigolion a chymunedau wrth adeiladu gweithlu cynaliadwy a gwydn.
Mae addysg, hyfforddiant a datblygiad proffesiynol parhaus yn hanfodol i ofal iechyd meddwl o ansawdd uchel.
Bydd y rhaglen yn cefnogi dysgu, datblygu a sgiliau digidol, gan helpu staff i adeiladu'r wybodaeth sydd ei hangen arnynt nawr ac yn y dyfodol. Bydd hefyd yn cryfhau gwasanaethau dwyieithog, gan ei gwneud hi'n haws i bobl gael mynediad at ofal yn y Gymraeg ac yn eu dewis iaith.
Mae arweinyddiaeth gref a diwylliannau cadarnhaol yn y gweithle yn helpu staff i ffynnu a chefnogi gofal gwell i bobl sy'n defnyddio gwasanaethau.
Bydd y rhaglen yn buddsoddi mewn datblygu arweinyddiaeth, mentora a ffyrdd cydweithredol o weithio. Bydd hyn yn helpu i greu gweithleoedd cynhwysol a chefnogol lle mae staff yn teimlo eu bod wedi'u grymuso i ddarparu'r gofal gorau posibl.