Academi Endoscopi Cymru
2025 – Rhaglen Hyfforddi Ganoledig
Mae'n bleser gan AaGIC gyhoeddi dyddiadau hyfforddi newydd i gefnogi endosgopyddion dan hyfforddiant a nyrsys endosgopi, rheolwyr a staff gweinyddol a chlerigol yng Nghymru. Yn 2025, bydd y cyrsiau hyn yn cael eu darparu yng Nghanolfan Academaidd Keir Hardie (Merthyr Tudful), gydag ystafelloedd seminar o ansawdd uchel a gofod labordy clinigol pwrpasol.
Hyfforddiant Endosgopydd
Bydd y rhaglen yn anelu at gefnogi'r cyrsiau canlynol a gymeradwyir gan JAG (a fydd yn cael eu hysbysebu trwy wefan System Hyfforddi Endosgopi JAG (JETS). Pan gytunwyd ar ddyddiadau dros dro, dangosir y rhain er gwybodaeth, ond gallant newid.
Cwrs Llwybr Gastroberfeddol Uchaf (Upper GI) JAG Sylfaenol- Diwrnod 1 yng Nghanolfan Academaidd Keir Hardie, Diwrnod 2 Ysbyty Brenhinol Morgannwg
- 5ed a 6ed Mawrth 2025.
- 12fed a 13eg Tachwedd 2025.
Cwrs Colonosgopi JAG - Cwrs 2 ddiwrnod yn Ysbyty Brenhinol Morgannwg
- 10fed ac 11eg Mehefin 2025.
Sgiliau Polypectomi Llwybr Gastroberfeddol Isaf JAG - Cwrs 1 diwrnod yn Keir Hardie AC
- 10fed Gorffennaf 2025.
Cwrs Llwybr Gastroberfeddol Uchaf Therapiwtig JAG- Cwrs 2 ddiwrnod yng Nghanolfan Academaidd Keir Hardie
- 3ydd a 4ydd Tachwedd 2025.
Cwrs Hyfforddi'r Hyfforddwr Endosgopi JAG- Cwrs 2 ddiwrnod yng Nghanolfan Academaidd Keir Hardie
- 4ydd a 5ed Mehefin 2025.
Cyrsiau endosgopi eraill:
SPRINT - Cwrs ymsefydlu 1 diwrnod endosgopi yng Nghanolfan Academaidd Keir Hardie (AM DDIM i gynrychiolwyr Cymru)
- 18fed Medi 2025.
Byddwn yn parhau i gefnogi'r Rhaglen Endosgopi Glinigol AaGIC lwyddiannus yn ogystal â hwyluso'r gwaith o ddarparu cyrsiau nyrsio sy'n canolbwyntio ar endosgopi fel yr amlinellir isod. Mae gennym nifer o gyrsiau yr ydym yn eu cynnig am y tro cyntaf eleni gan gynnwys y Cwrs Endosgopi drwy’r trwyn ar yr 20fed Ionawr 2025 ac un Sgiliau Technegol Endosgopig ar y 4ydd Medi 2025 .
Edrychwch yn ôl ar wefan endosgopi wrth i ni barhau i ddatblygu addysg a darpariaeth endosgopi yng Nghymru, gan gynnwys y posibilrwydd y bydd cyrsiau'n cael eu darparu am y tro cyntaf yng Ngogledd Cymru yr hydref hwn, yn ogystal â'r wybodaeth ddiweddaraf am y Rhaglen Hyfforddi Carlam sy'n cael ei ehangu yng Nghaerdydd ar hyn o bryd.
Hyfforddiant Nyrs Endosgopi
Byddwn yn parhau i hwyluso cyrsiau ENDO 1 trwy gydol 2025 i gefnogi hyfforddiant sylfaen yn erbyn fframwaith cymhwysedd Gweithlu JETS a chynorthwyo unedau i gwrdd â mandad JAG newydd o fewn Safonau Achredu JAG sydd wedi'u diweddaru (2023). Bydd cyrsiau ENDO 1 yn parhau i gael eu cynnal ar sail ranbarthol mewn ysbytai, anfonwch e-bost at heiw.endoscopy@wales.nhs.uk i ofyn am gwrs lleol am ddim.
Mae'r cwrs ENDO2 sy'n cefnogi datblygiad sgiliau sy'n ofynnol gan gynorthwywyr endosgopi yn ystod gweithdrefnau therapiwtig yn cael ei ddiweddaru ac mae Arweinwyr Hyfforddiant Cymru yn gweithio gyda'r JAG ac Arweinwyr Hyfforddiant o Academïau Endosgopi eraill y DU i ddiweddaru fformat y cwrs gyda'r bwriad o gyflwyno'r fformat ENDO 2 wedi'i ddiweddaru yn ystod 2025. Bydd manylion ar gael cyn gynted ag y bydd JAG wedi cymeradwyo'r fformat newydd.
Bydd cyrsiau ENDO3 ar gael i'w harchebu ar-lein trwy wefan JETS ar gyfer nyrsys sy'n dymuno gwella eu sgiliau mewn rheoli, hyfforddi ac arwain. Yn unol â diweddariad JAG ar fformat ENDO3 byddwn yn ceisio cynnal cwrs ENDO3 yng Nghymru yn hydref 2025. Cysylltwch â ni os oes gennych ddiddordeb mewn mynychu.
Ac yn olaf, yn 2024 gwnaethom ddarparu cwrs hyfforddi am y tro cyntaf wedi'i anelu at weithwyr gweinyddol a chlerigol endosgopi a gafodd adborth cadarnhaol dros ben. Rydym wedi ymrwymo i barhau i ddatblygu'r llwybr hyfforddi hwn a byddwn yn cyhoeddi'r dyddiad nesaf ar gyfer y cwrs cyn bo hir.
Am unrhyw ymholiadau cychwynnol, cysylltwch â thîm Hyfforddiant yr Academi Endosgopi yn
HEIW.Endoscopy@wales.nhs.uk a bydd rhywun yn ymateb i'ch ymholiad cyn gynted â phosibl.