Therapïau Uwch

Cymerwch ran: helpwch i lunio gweithlu GIG Cymru y dyfodol ar gyfer Therapïau Uwch

Mae Addysg a Gwella Iechyd Cymru yn cynnal arolwg byr ar gyfer gweithwyr gofal iechyd proffesiynol sy'n gweithio yn GIG Cymru sydd â chyfranogiad cyfredol neu ragweladwy mewn therapïau uwch fel therapïau genynnau, therapïau celloedd a chynhyrchion wedi'u peiriannu â meinweoedd.

Bydd y canfyddiadau'n ein helpu i sefydlu llinell sylfaen i lywio cynllunio, addysg a hyfforddiant y gweithlu. Bydd hyn yn cefnogi darpariaeth ddiogel a chynaliadwy o therapïau uwch ledled Cymru.

Mae'r arolwg ar agor tan ddydd Mercher 24 Mehefin 2026.

Byddem yn ddiolchgar pe gallech gwblhau'r arolwg a'i rannu gyda

chydweithwyr perthnasol o fewn eich rhwydweithiau.

Os hoffech gymryd rhan mewn cefnogi'r gweithlu mewn perthynas â therapïau uwch neu gydweithio â ni, yna cysylltwch â ni.

Beth yw therapiâu uwch?

Mae Therapïau Uwch yn faes meddygaeth sy'n esblygu'n gyflym ac sy'n harneisio pŵer genynnau, celloedd a meinweoedd i drin, rheoli ac o bosibl gwella ystod o afiechydon. Mae'r therapïau hyn, y cyfeirir atynt ar y cyd fel Cynhyrchion Meddyginiaethol Therapi Uwch (ATMPs) yn cynnwys: 

• therapïau genynnau 

• therapïau celloedd somatig 

• cynhyrchion wedi'u peiriannu â meinweoedd  

• ATMPs cyfun (lle mae'r therapi'n ymgorffori dyfais feddygol integredig) 

Mae Therapïau Uwch yn cynrychioli symudiad mawr tuag at feddygaeth fanwl, gan gynnig y potensial i drawsnewid canlyniadau i gleifion ar draws ystod eang o arbenigeddau. 

Wrth i'r maes hwn barhau i ddatblygu, bydd yn llunio fwyfwy sut mae gofal iechyd yn cael ei ddarparu ar draws GIG Cymru. Bydd gwireddu'r potensial hwn yn gofyn am gydweithio agos rhwng clinigwyr, gwyddonwyr, addysgwyr a llunwyr polisi i sicrhau bod y triniaethau newydd hyn yn cael eu cyflwyno'n ddiogel, yn effeithiol ac yn deg i bob claf.