Dod yn wyddonydd GIG
Mae gweithwyr proffesiynol gwyddor gofal iechyd yn rhan hanfodol o weithlu'r GIG yng Nghymru.
Maent yn cefnogi gofal cleifion trwy arbenigedd gwyddonol a thechnegol ac yn ymwneud â dros 80% o'r holl benderfyniadau clinigol.
Llwybrau Gyrfa GIG Cymru
Crëwyd y llwybrau gyrfa gyda gweithwyr proffesiynol gwyddor gofal iechyd yng Nghymru, gan ddefnyddio canllawiau gan gyrff proffesiynol a modelau GIG. Maent yn dangos y gwahanol lwybrau y gallwch eu cymryd mewn gyrfa broffesiynol gwyddor gofal iechyd.
Ffotograffiaeth Glinigol a Gwyddoniaeth Ailadeiladol
Gwyddorau Cyfrifiadurol Clinigol
Radiograffeg Ddiagnostig a Radiograffeg Therapiwtig
Wrth ddechrau eich taith fel gwyddonydd gofal iechyd, mae'n helpu i gael profiad gwaith sy'n gysylltiedig â gofal iechyd. Mae cyngor ac awgrymiadau ynghylch sut i fynd ati i wneud hyn ar ein tudalennau profiad gwaith.
Llwybrau i'r proffesiwn
Fel arfer, mae 3 llwybr i'r proffesiwn gwyddor gofal iechyd, yn dibynnu ar y maes arbenigedd a ddewiswch:
1. Gwneud cais am swyddi cynorthwyol a chysylltiol
Gofynion mynediad: TGAU mewn Saesneg, Gwyddoniaeth a Mathemateg, neu gyfwerth.
Cyflog: Band 2, 3 neu 4.
Sut i wneud cais: Ewch i wefan swyddi'r GIG a chwiliwch am 'Gynorthwyydd' neu 'Gysylltiol'.
Oherwydd y gwahaniaethau â Lloegr, bydd angen i chi chwilio yn yr adran Proffesiynau Iechyd Cynghreiriol am gynorthwywyr a gweithwyr cymorth radiograffeg neu Ymarferwyr Adran Lawdriniaeth (ODP).
Darparir a chyllidir hyfforddiant pan fyddwch chi yn y rôl.
Fel arfer does dim angen profiad blaenorol yn y GIG arnoch i wneud cais.
2. Cwblhewch radd sy'n rhaglen hyfforddi graddedigion
Os ydych chi wedi cwblhau gradd sy'n rhaglen hyfforddi achrededig y GIG, rydych chi'n gymwys i wneud cais am rolau yn GIG Cymru pan fyddwch chi'n graddio. Fel arfer, bydd y rhain yn fand gradd gyflog 5 neu 6 a gellir eu canfod ar wefan swyddi'r GIG o dan naill ai gwasanaethau gwyddor iechyd neu'r adran proffesiynau iechyd cynghreiriol.
Efallai y byddwch chi'n gallu gwneud cais am fwrsariaeth i astudio os ydych chi'n bwriadu gweithio yn GIG Cymru ar ôl graddio.
3. Cwblhewch raglen hyfforddi ôl-raddedig
Mae'r rhain ar gyfer pobl sydd eisoes wedi cwblhau gradd berthnasol, gradd ôl-raddedig, neu ddoethuriaeth ond nid rhaglen hyfforddi.
Mae'r rhaglen hyfforddi gwyddonwyr yn cynnig rhaglenni ar gyfer llawer o'r proffesiynau gwyddor gofal iechyd.
Gallwch hefyd gymryd y llwybr hwn os ydych chi’n symud i'r GIG o yrfa arall, neu’n symud i wyddor gofal iechyd o ran arall o’r GIG.
Bydd ein tudalen Fframwaith Gyrfa a chyllid yn rhoi rhagor o wybodaeth i chi.
Ymgeiswyr o weddil y DU
Mae pob gweithiwr proffesiynol gwyddor gofal iechyd yn y DU yn dilyn yr un llwybrau mynediad i'r proffesiwn a'r un cwricwla hyfforddiant. Dim ond y cyllid a'r mathau o addysg sy'n wahanol.
Wrth wneud cais am swyddi gwyddor gofal iechyd yn GIG Cymru, fe'ch anogir i gysylltu â'r cyflogwr am sgwrs cyn gwneud cais. Efallai y cewch eich gwahodd hefyd i ymweld a siarad ag aelodau eraill o'r tîm.
Dylech hefyd sicrhau ei bod yn glir ar eich cais sut rydych chi'n bodloni pob rhan o fanyleb y person, gan fod llunio rhestr fer yn seiliedig ar sgorio yn erbyn rhai neu'r cyfan o'r pwyntiau hyn.
Dysgwch rai o’r rhesymau gwych a chwalwch y mythau am weithio yn GIG Cymru.
Ymgeiswyr Rhyngwladol
Wrth wneud cais am swyddi yn GIG Cymru, bydd angen i chi fod wedi sicrhau fisa cyn gwneud cais am rai swyddi. Fodd bynnag, bydd rhai byrddau iechyd yn eich annog i wneud cais ac yn gallu cefnogi gyda'ch nawdd os byddwch yn llwyddiannus ar gyfer y rôl.
Fe’ch cynghorir i gysylltu â rheolwr gwasanaeth gwyddor gofal iechyd y rôl sydd o ddiddordeb i chi, neu’r gwasanaeth sy’n lleol i ble rydych chi’n byw neu’n ceisio byw yng Nghymru.
Mae rhai swyddi yn gofyn i chi gofrestru cyn gwneud cais am y swydd
Ymgeiswyr sydd ddim wedi gweithio yn ddiweddar a ddim wedi’i gofrestru’n bellach.
Mae AaGIC yn cefnogi cyflogwyr posibl gyda chyllid i gynnig y profiad sydd ei angen arnoch i adennill eich cofrestriad.
Cysylltwch â’r gwasanaeth lleol ble rydych chi’n byw neu’n ceisio byw yng Nghymru.
Cysylltwch â Ni
Cysylltwch â thîm Gwyddor Gofal Iechyd Cymru drwy HEIW.HCS@wales.nhs.uk