Graddedigion Deintyddol Rhyngwladol mewn Hyfforddiant

Mae graddedigion deintyddol rhyngwladol yn gwneud cyfraniad pwysig i wasanaethau deintyddol ac addysg ledled Cymru. P'un a ydych chi'n ystyried hyfforddiant ôl-raddedig neu eisoes yn hyfforddi yng Nghymru, mae AaGIC wedi ymrwymo i gefnogi eich datblygiad proffesiynol a'ch helpu i lywio system hyfforddi deintyddol y DU.

Mae AaGIC yn goruchwylio addysg a hyfforddiant deintyddol ôl-raddedig ledled Cymru, gan ddarparu cyfleoedd i ddeintyddion ddatblygu eu sgiliau clinigol, proffesiynol ac arwain drwy gydol eu gyrfaoedd.

I gael gwybodaeth am raglenni hyfforddi cyfredol, prosesau recriwtio ac ymgeisio, ewch i'r tudalennau Rhaglenni Hyfforddiant Deintyddol perthnasol:

Hyfforddiant Deintyddol Sylfaenol - AaGIC

Hyfforddiant deintyddol craidd - AaGIC

Deall sut mae hyfforddiant deintyddol yn gweithio

Mae hyfforddiant deintyddol ôl-raddedig yn y DU wedi'i gynllunio i gefnogi datblygiad proffesiynol parhaus trwy oruchwyliaeth, asesu a myfyrio strwythuredig.

Fel hyfforddai, efallai y bydd disgwyl i chi ymgysylltu â:

Goruchwyliaeth addysgol a chyfarfodydd adolygu rheolaidd

Asesiadau yn y gweithle

Cynllunio datblygiad personol

Dysgu seiliedig ar bortffolio a chasglu tystiolaeth

Ymarfer myfyriol

Gweithgareddau gwella ansawdd

Mentrau llywodraethu clinigol a diogelwch cleifion

Bwriad y prosesau hyn yw cefnogi eich datblygiad a dangos dilyniant trwy gydol yr hyfforddiant.

Cymorth i Raddedigion Deintyddol Rhyngwladol

Gall dechrau hyfforddiant mewn system gofal iechyd newydd fod yn werth chweil ac yn heriol. Nod AaGIC yw darparu amgylchedd hyfforddi cynhwysol a chefnogol lle gall pob hyfforddai ffynnu.

Rydym yn cydnabod y gall graddedigion deintyddol rhyngwladol fod ag anghenion dysgu a datblygu penodol wrth iddynt addasu i hyfforddiant ac ymarfer o fewn y GIG. Mae AaGIC yn cefnogi hyfforddeion drwy ystod o adnoddau addysgol a chyfleoedd datblygu a ariennir, gan gynnwys cwblhau'r rhaglen SCRIPT.

Rydym yn annog hyfforddeion i ofyn am gyngor a chefnogaeth pryd bynnag y bydd angen ac i wneud defnydd llawn o'r adnoddau sydd ar gael drwy AaGIC a'u rhaglen hyfforddi.

Adnoddau Defnyddiol

Mae'r sefydliadau canlynol yn darparu gwybodaeth a allai fod yn arbennig o ddefnyddiol i raddedigion deintyddol rhyngwladol sy'n ymgymryd â hyfforddiant ôl-raddedig yn y DU:

COPDEND: Home - COPDEND

Rhaglenni Hyfforddi Deintyddol yng Nghymru: Rhaglen Hyfforddiant Deintyddol - AaGIC

Cyngor Deintyddol Cyffredinol (GDC): General Dental Council

e-Ddysgu ar gyfer Gofal Iechyd (e-LfH): NHSE elfh Hub