Hyfforddiant Deintyddol Sylfaenol (DFT) - Proses Gymeradwyo Goruchwylwyr Addysg Ddeintyddol (DESAP)

Rôl y Goruchwyliwr Addysg Ddeintyddol yw goruchwylio a chefnogi Deintydd Sylfaen mewn gofal deintyddol sylfaenol, er mwyn i’r Deintydd Sylfaen allu gweithio heb oruchwyliaeth yn y gwasanaethau deintyddol cyffredinol, personol a chyflogedig ar ddiwedd yr Hyfforddiant Deintyddol Sylfaenol.

Gall ymarferwyr deintyddol sy’n gweithio mewn practis deintyddol GIG yng Nghymru, gydag o leiaf 4 blynedd o brofiad o Wasanaethau Deintyddol Cyffredinol/Cymunedol yn y DU, wneud cais i fod yn Oruchwyliwr Addysg Ddeintyddol ym mis Ionawr, ar gyfer cynlluniau sy’n dechrau’r mis Medi canlynol fel arfer. Gallwch edrych ar y disgrifiad swydd, manyleb y person a manyleb y practis sy'n lletya i gael rhagor o wybodaeth am rôl Goruchwyliwr Addysgol mewn practis deintyddol cyffredinol.

Os hoffech chi drafod rôl y Goruchwyliwr Addysgol, cysylltwch â Gabrielle Lloyd, Rheolwr Hyfforddiant Deintyddol Sylfaenol. Efallai y bydd Llawlyfr y Goruchwyliwr Addysg yn ddefnyddiol i chi hefyd ac yn ateb rhai o’ch cwestiynau. Gweld y Llif y broses ymgeisio (DESAP). 

Y Broses Gymeradwyo

Proses cymeradwyo Goruchwyliwr addysgol hyfforddiant sefydliad dentyddol HEIW (DESAP) ar gyfer 2026/2027 blwyddyn hyfforddi.

Cadwchlygad am y ddolen i wned cais yma o 12:00 canol dydd ar 20 Ionawr 2026.

DESAP Arweiniad

Gellir cael rhagor o wybodaeth DESAP taflen

Yn ogystal â’r Cais i Gymeradwyo Goruchwylwyr Addysg Ddeintyddol, bydd y broses gymeradwyo hefyd yn cynnwys:

• Cwrs Datblygu Addysgwyr Deintyddol – mae’n orfodol ar gyfer pob ymgeisydd newydd sydd am fod yn Oruchwyliwr Addysgol. Mae mynychu un o gyrsiau 4 diwrnod AaGIC yn un o’r gofynion hanfodol ar gyfer pob Goruchwyliwr Addysgol newydd nad oes ganddynt gymhwyster Ôl-radd amgen mewn Addysg Feddygol neu Ddeintyddol sy’n dderbyniol gan AaGIC. Bydd y cwrs nesaf yn cael ei gynnal ar 18 ac 19 Ionawr ac ar 15 ac 16 Chwefror. Cysylltwch â Emma Lloyd i gofrestru eich diddordeb.
• Ymweliadau practis newydd ar gyfer pob ymgeisydd newydd – bwriedir eu cynnal ym mis Mai/Mehefin.
• Ymweliadau blynyddol Sicrhau Ansawdd ar gyfer practisau ac adolygiad perfformiad blynyddol ar gyfer yr holl ymgeiswyr presennol sy’n ailymgeisio – i fod i ddigwydd ym mis Ionawr/Chwefror.

Bwriad yr ymweliadau yw asesu’r cyfleoedd addysgol sydd yn y practis. Bydd Goruchwylwyr Addysgol yn cael eu gwerthuso’n flynyddol gan Gyfarwyddwyr Rhaglen Hyfforddi eu cynllun. Bydd Cyfarwyddwr Rhaglen Hyfforddi’r cynllun yn arsylwi tiwtorial rhithiol drwy gyfrwng Microsoft Teams ac yn cael taith rithiol o amgylch y practis. Yna bydd yn cwblhau dogfennau’r ymweliad Sicrhau Ansawdd blynyddol ac yn rhoi adborth ar berfformiad yn ystod y flwyddyn i’r Goruchwyliwr Addysgol.

• Dogfen sesiynau Goruchwylwyr Addysgol – mae hyn yn ofynnol ar gyfer Goruchwylwyr Addysgol presennol. Mae AaGIC yn monitro lefel ymgysylltu ac ymrwymiad yr holl Oruchwylwyr Addysgol sy'n gysylltiedig â Hyfforddiant Deintyddol Sylfaenol. Fe’ch atgoffir bod disgwyl i chi gyflawni o leiaf 14 sesiwn o fewn y flwyddyn Hyfforddiant Deintyddol Sylfaenol (Medi – Awst) a bydd presenoldeb mewn sesiynau’n cael ei adolygu a’i gynnwys fel rhan o’r broses o wneud penderfyniadau ynghylch ailbenodi Goruchwylwyr Addysgol. Mae’r ffurflen ymrwymiad tymhorol ar gyfer Goruchwylwyr Addysgol ar gael er gwybodaeth isod, ond bydd hyn nawr yn cael ei gwblhau drwy’r Broses Cymeradwyo Goruchwylwyr Addysg Ddeintyddol (DESAP) rhwng mis Ionawr a mis Chwefror.
• Adroddiadau AGIC a Byrddau Iechyd Lleol – Bydd AaGIC hefyd yn casglu adroddiadau ar bob ymgeisydd gan AGIC a Byrddau Iechyd Lleol. Mae’r holl ddogfennau a’r meini prawf asesu a ddefnyddir yn y broses hon ar gael isod er gwybodaeth.
• Cydraddoldeb ac Amrywiaeth (Hyfforddiant Cydraddoldeb ac Amrywiaeth) – Triniwch fi’n Deg / Modiwl Ar-lein Cydraddoldeb ac Amrywiaeth ( bob 3 blynedd), Llywodraethu Gwybodaeth / Cadw Cofnodion Modiwl (yn flynyddol), Modiwl Bwlio ac Aflonyddu (yn flynyddol).  – Fe’ch atgoffir bod angen y modilau hyn.