Mae ceisiadau ar gyfer swyddi'r Rhaglen Hyfforddi Gwyddonwyr yng Nghymru ar gyfer 2026-29 ar agor

Cyhoeddwyd: 30/04/2026

Mae ceisiadau am swyddi'r Rhaglen Hyfforddi Gwyddonwyr (STP) yng Nghymru ar gyfer 2026-29 bellach ar agor.

Wedi'i ariannu gan Addysg a Gwella Iechyd Cymru (AaGIC) a'i redeg gan National School of Healthcare Science, mae'r STP yn hyfforddi ac yn datblygu gweithlu gwyddor gofal iechyd GIG Cymru y dyfodol trwy gyfuniad o astudiaethau academaidd strwythuredig a dysgu yn y gweithle, ochr yn ochr â llwybrau dilyniant gyrfa a chyfleoedd i gefnogi arloesedd mewn gwyddor gofal iechyd er budd gofal cleifion.

Dywedodd Dr Sarah Bant, Cyfarwyddwr Cyswllt Trawsnewid y Gweithlu ar gyfer Gwyddor Gofal Iechyd yn AaGIC:

“Rydym wrth ein bodd yn cefnogi'r rhaglen hyfforddi hanfodol hon sy'n cyfuno addysg brifysgol ag hyfforddiant lleol yn ein gwasanaethau ardderchog ledled Cymru. Os ydych chi'n ymrwymo i weithio yn GIG Cymru o fewn un o'n proffesiynau gwyddor gofal iechyd amrywiol, mae hwn yn ddechrau gwych i chi.”

Bydd ymgeiswyr llwyddiannus ar gyfer swyddi hyfforddi yng Nghymru yn:

• Cael eu cyflogi ar gontract tymor penodol tair blynedd gan Fwrdd Iechyd neu Ymddiriedolaeth GIG Cymru
• Derbyn cyflog Band 6 (Agenda ar gyfer Newid)
• Cael eu ffioedd academaidd a ffioedd y rhaglen wedi’u hariannu’n llawn
• Gallu gwneud cais am fwrsari hyd at £2,000 ar gyfer anghenion hyfforddi ychwanegol
• Bod yn gymwys i gofrestru gyda’r Cyngor Proffesiynau Iechyd a Gofal (HCPC) fel Gwyddonydd Clinigol ar ôl cwblhau’r rhaglen.

Yng Nghymru, caiff y rhaglen, cyflog hyfforddeion a'r fwrsari eu hariannu i gyd gan AaGIC.

Dylai ymgeiswyr gobeithiol feddu ar radd anrhydedd (cyntaf neu 2:1) mewn gwyddoniaeth bur neu gymhwysol, neu MSc neu PhD sy'n berthnasol i'r arbenigedd y maent yn gwneud cais amdano.

Mae'r terfyn uchaf o geisiadau i'r rhaglen yng Nghymru y gall unigolyn eu cyflwyno wedi'i ddileu ar gyfer 2026.

Mae'r swyddi canlynol bellach ar gael i wneud cais amdanynt ar NHS Jobs drwy Trac Jobs:

Defnyddiwch y dolenni uchod i wneud cais am y swydd(i) rydych chi eu heisiau ar borth recriwtio GIG Cymru. Mae ceisiadau'n cau am hanner nos ddydd Mercher 13 Mai 2026.

Am wybodaeth fanwl am yr STP gan gynnwys cymhwystra, arbenigeddau, y broses ymgeisio a chwestiynau cyffredin (FAQs), ewch i wefan Addysg a Gwella Iechyd Cymru (AaGIC).

Am ymholiadau pellach cysylltwch â thîm yr STP.