Am yr Uned Cefnogaeth Broffesiynol

Mae tîm PSU AaGIC yn cefnogi meddygon, deintyddion a fferyllwyr dan hyfforddiant gyda'u datblygiad proffesiynol a'u dilyniant hyfforddiant. Ein nod yw sicrhau bod pob Deintydd/Fferyllydd Preswyl a hyfforddai yn teimlo eu bod yn cael eu cefnogi i gyflawni eu potensial llawn.

Yr hyn rydyn ni'n ei wneud

• Darparu hyfforddiant a mentora 1:1 i ddeintyddion/fferyllwyr preswyl a hyfforddeion gan gefnogi datblygiad a chyflawniad cynlluniau gweithredu personol, yn seiliedig ar gryfderau.
• Cynnig cyngor, arweiniad a chefnogaeth wedi'u teilwra o fewn cyd-destun proffesiynol a hyfforddi deintyddion/fferyllwyr preswyl a hyfforddeion, gan hyrwyddo lles, perfformiad a chynnydd.
• Creu gofod cyfrinachol, sy'n ddiogel yn seicolegol i ddeintyddion/fferyllwyr preswyl a hyfforddeion archwilio heriau a nodi strategaethau ymarferol ar gyfer llwyddiant.
• Hwyluso mynediad at arbenigedd (e.e. cymorth seicolegol, addysgol, neu broffesiynol) lle nodir anghenion penodol.
• Darparu hyfforddiant ac adnoddau i gefnogi deintyddion/fferyllwyr preswyl a hyfforddeion, a'u haddysgwyr, gan feithrin amgylcheddau dysgu cynhwysol ac effeithiol.
• Cefnogi adnabod heriau sy'n dod i'r amlwg yn gynnar, gan alluogi ymyrraeth amserol, ragweithiol ac ataliol.
• Darparu canllawiau strwythuredig i addysgwyr i helpu i nodi, rheoli ac ymdrin â phryderon yn effeithiol ac yn gyson.
• Hyrwyddo cyfathrebu clir a rolau wedi'u diffinio ymhlith y rhai sy'n ymwneud â chefnogi deintyddion/fferyllwyr preswyl a hyfforddeion.
• Cynnig rhwydwaith cefnogol i addysgwyr, gan annog dysgu ar y cyd, cydweithio a chysondeb o ran dull.
• Mabwysiadu dull cynhwysol sy'n canolbwyntio ar y person ac sy'n cydnabod niwrowahaniaeth a gwahaniaethau unigol, gan alluogi pob deintydd/fferyllydd preswyl a hyfforddai i ffynnu.

Beth i'w ddisgwyl

Ar ôl cysylltu â'r PSU, byddwn yn cysylltu â chi, y deintydd/fferyllydd preswyl/hyfforddai, ac yn trefnu dyddiad ac amser i gyfarfod. Gall cyfarfodydd fod yn rhithwir neu wyneb yn wyneb.

Bydd Rheolwr Achos PSU yn gofyn am eich hanes academaidd a gyrfaol ac yn archwilio'r gefnogaeth sydd ei hangen arnoch.

Gyda'n gilydd, rydym yn cytuno ar gynllun a all gynnwys hunanddatblygiad neu atgyfeiriad at wasanaethau arbenigol.

Ar ôl y cyfarfod, bydd Rheolwr Achos y PSU yn rhannu crynodeb drafft gyda chi. Yna byddwn yn cytuno gyda phwy y bydd y wybodaeth gyfrinachol hon yn cael ei rhannu. Gall hyn gynnwys y gwasanaeth cymorth arbenigol, aelod o'r gyfadran y gellir ymddiried ynddi neu Arweinydd PSU ar gyfer yr arbenigedd.

Bydd PSU yn cysylltu â chi yn unol â'r cynllun y cytunwyd arno. Gallwn adolygu unrhyw anghenion cymorth nes nad ydych chi'n teimlo bod angen cymorth ychwanegol arnoch chi gennym ni mwyach. Ar y pwynt hwn byddwn yn cau eich achos.

Gyda phwy y gallwch ddisgwyl delio yn y PSU

Gweinyddwyr:

• Trish Moore
• Jonathan Whippey
• Tabbie Wilding
• Sian Hughes

Astudiaethau achos

Yr hyn y mae hyfforddeion wedi'i ddweud am y PSU

Dywedodd 100% o'r hyfforddeion a holwyd y byddent yn argymell y PSU i gydweithiwr am gymorth.