Mae gan GIG Cymru ôl troed carbon o tua 1.00MTC02e, yr ail yn unig i awdurdodau lleol yng Nghymru. Mae hyn yn cyfateb i ddefnydd ynni bron i 126,000 o gartrefi am flwyddyn gyfan!
Mae ein cynllun gweithredu cynaliadwyedd yn cael ei ddatblygu. Mae'n tynnu sylw at y camau y gallwn eu cymryd yn AaGIC i leihau hyn, fel y gallwn gyfrannu at darged Llywodraeth Cymru o sector cyhoeddus sero net erbyn 2030.
Mae'r cynllun hwn yn edrych i:
Drwy fabwysiadu arferion cynaliadwy, gallwn leihau ein heffaith ar yr amgylchedd, cadw adnoddau naturiol a hyrwyddo tegwch cymdeithasol ac economaidd.
Mae gennym sefyllfa unigryw fel AaGIC, i ddarparu addysg a hyfforddiant i weithwyr gofal iechyd proffesiynol mewn ffordd sy'n eu hannog i gwestiynu arferion er mwyn dod o hyd i'r dulliau mwyaf cynaliadwy o ddarparu gofal iechyd nawr, ac yn y dyfodol.
Ar ddiwedd 2022/23, comisiynwyd cyflenwr allanol gennym i gynnal ymarfer ôl troed carbon manwl ar gyfer AaGIC ac i wneud argymhellion i’n helpu i wella ein hôl troed carbon yn y dyfodol.
Dangosodd yr adroddiad fod ein mannau problemus o ran garbon ym maes caffael, cymudo staff a digwyddiadau.
Rydym wedi adnewyddu ein Cynllun Gweithredu Cynaliadwyedd ar gyfer eleni i ganolbwyntio ar y mannau problemus hyn a disgwyliwn barhau â’r ffocws hwn yn ein cynllun ar gyfer 2024/25.
Os oes gennych unrhyw adborth neu os hoffech gymryd rhan, ymunwch â Grwp Gwyrdd AaGIC neu cysylltwch â HEIW.Planning&Performance@wales.nhs.uk.
I gael rhagor o wybodaeth, gweler y tudalennau Gweithredu Hinsawdd a Helpu'r GIG i fynd yn wyrdd ar ein gwefan.
Yn AaGIC, fel rhan o GIG Cymru, rydym yn cydnabod effaith newid yn yr hinsawdd ar iechyd y boblogaeth ac ôl troed carbon sylweddol gofal iechyd. Yn unol â Chynllun Cyflawni Strategol Datgarboneiddio GIG Cymru, rydym yn chwarae ein rhan i liniaru ac addasu i effeithiau newid yn yr hinsawdd ein hunain ac i helpu eraill yn y system i wneud yr un peth.
Mae AaGIC yn gweithredu Cynllun Gweithredu Addysg a Hyfforddiant Hinsawdd Gall i helpu i sicrhau bod addysg a hyfforddiant gofal iechyd cynaliadwy ar gael i bob dysgwr a hyfforddai yng nghylch gorchwyl AaGIC. Mae’r cynllun yn parhau i godi ymwybyddiaeth o bwysigrwydd system gofal iechyd cynaliadwy ar gyfer llesiant cenedlaethau’r dyfodol a darparu addysg a hyfforddiant i helpu dysgwyr a hyfforddeion i wneud eu hymarfer yn fwy cynaliadwy. Gyda’i gilydd, ac mewn cydweithrediad â chydweithwyr ar draws y system, bydd y cynllun hwn yn helpu i greu GIG Cymru fwy cynaliadwy er budd iechyd cleifion a’r boblogaeth.
Mae’r Cynllun Gweithredu Addysg a Hyfforddiant Hinsawdd Gall wedi’i ddatblygu gan Weithgor Addysg a Hyfforddiant Hinsawdd Gall AaGIC, grŵp mewnol â chynrychiolaeth o bob rhan o lwybrau a rhaglenni proffesiynol yn AaGIC. Mae’r cynllun yn cynnwys 60 o gamau gweithredu amlbroffesiynol a phroffesiwn penodol wedi’u grwpio yn ôl chwe thema ac fe’i cefnogir gan setiau o egwyddorion a blaenoriaethau datblygu. Mae datblygiad y cynllun wedi'i arwain gan a matrics aeddfedrwydd ar gyfer gwreiddio addysg gofal iechyd cynaliadwy a llinellau sylfaen ar gyfer pob lefel o'r matrics (mae'r llinellau sylfaen yn dal i gael eu datblygu).
Mae camau gweithredu â blaenoriaeth wedi’u cynllunio i’w cyflawni erbyn mis Mawrth 2026, ond yn unol â’r gwaith esblygol mae cwmpas pellach i’w wneud mewn rhai meysydd a fydd yn llywio iteriadau’r cynllun yn y dyfodol. Bydd rhagor o wybodaeth a diweddariadau yn cael eu rhannu yma ac ar y Gymuned Hinsawdd Gall
Beth yw gofal iechyd cynaliadwy? Gyda Dr Kathryn Speedy
Cynaliadwyedd amgylcheddol yn y practis deintyddol
Rydym yn rhan o'r rhwydwaith o Grwpiau Gwyrdd ar draws byrddau iechyd GIG Cymru.