Grŵp Hyrwyddo Cydraddoldeb mewn Hyfforddiant

Mae Cydraddoldeb Strategol Addysg a Gwella Iechyd Cymru (AaGIC) yn nodi’r cyfeiriad i gryfhau dull AaGIC wrth hyrwyddo cydraddoldeb, dileu gwahaniaethu a meithrin cysylltiadau da rhwng y rhai sy'n rhannu nodweddion gwarchodedig a'r rhai nad ydynt. Bydd y Grŵp Hyrwyddo Cydraddoldeb mewn Hyfforddiant (AEiT) yn ystyried unrhyw faterion sy'n ymwneud â sicrhau cyfle a chyrhaeddiad cyfartal o ran myfyrwyr a hyfforddeion sy'n ymgymryd â hyfforddiant a gomisiynwyd ac a ddarperir gan AaGIC ac yn adrodd ac yn gwneud argymhellion i'r Grŵp Llywio Amrywiaeth a Chynhwysiant Cydraddoldeb (EDI), Gweithredwyr a Bwrdd AaGIC. Nid yw'r grŵp yn cyfyngu gweithgarwch i fyfyrwyr a hyfforddeion sydd â nodweddion gwarchodedig ond mae'n ymestyn i ymrwymiadau AaGIC o fewn Deddf Llesiant a Chenedlaethau'r Dyfodol 2015, gan gynnwys y rhai a allai wynebu anghydraddoldebau economaidd-gymdeithasol.

Nodau ac amcanion

1. Gweithredu fel eiriolwyr Cydraddoldeb, Amrywiaeth a Chynhwysiant sy'n dylanwadu, gwella a hyrwyddo'r agenda ar draws grwpiau rhanddeiliaid a'r gymuned hyfforddi.
2. Gwrando ac ymateb i farn a gwybodaeth a derbyniwyd mewn perthynas â chydraddoldeb, amrywiaeth a chynhwysiant gan y gymuned hyfforddi ehangach sy'n adrodd am faterion neu bryderon allweddol.
3. Cadw i fyny â mentrau Cydraddoldeb, Amrywiaeth a Chynhwysiant o ran addysg a hyfforddiant lleol ac ar draws y DU. 
4. Datblygu a sicrhau bod adnoddau ar gael i godi ymwybyddiaeth o risgiau a materion a mynd i'r afael â nhw wrth sicrhau cydraddoldeb o ran cyfleoedd mewn hyfforddiant.
5. Datblygu, monitro ac adolygu rhaglen o weithgarwch i nodi unrhyw fylchau mewn gwahanol feysydd addysg a hyfforddiant iechyd gan gyfeirio at:
   1. Ymwared ag anffafriaeth, aflonyddwch, erledigaeth ac unrhyw ymddygiad arall a waherddir gan y Ddeddf neu sydd dan ei grym.
   2. Hyrwyddo cyfleoedd cyfartal ymysg pobl sy'n rhannu nodweddion gwarchodedig a'r rhai nad ydynt.
   3. Meithrin perthnasau adeiladol rhwng unigolion sy'n rhannu nodweddion gwarchodedig ac unigolion nad ydynt.
6. Casglu, cwestiynu ac ystyried data ansoddol a meintiol perthnasol a allai ymddwyn fel tystiolaeth a mynd i'r afael â bylchau neu gau’r bylchau hyn.
7. Adnabod a rhannu arfer da ar draws AaGIC, Byrddau Iechyd a sefydliadau partner mewn perthynas â Agenda Hyrwyddo Cydraddoldeb mewn Hyfforddiant (AEiT). 
8. Adolygu polisïau/ymyriadau presennol a gwneud penderfyniadau ar gamau i'w cymryd i fynd i'r afael ag unrhyw ddiffygion / bylchau yn y maes hwn.