Cynllun gweithlu amenedigol strategol
Mae Addysg ac Arloesi Iechyd Cymru (AaGIC) yn arwain y gwaith o ddatblygu’r Cynllun Gweithlu Amenedigol Strategol, i recriwtio, cadw, hyfforddi a thrawsnewid y gweithlu amenedigol presennol ac yn y dyfodol yn GIG Cymru.
Ymgynghoriad Mamolaeth a Newyddenedigol Cymru
I gefnogi’r cynllun amenedigol strategol rydym wedi datblygu set o gamau gweithredu drafft sy’n cyd-fynd â themâu’r Strategaeth Gweithlu Iechyd a Gofal Cymdeithasol. Cyflawnwyd hyn drwy ddilyn dull tair colofn AaGIC o: adolygu’r llenyddiaeth, ymchwil ac arfer da, data a dadansoddeg, a thrwy ymgysylltu’n helaeth â rhanddeiliaid. Rydym bellach yn barod i ymgynghori’n eang ar y camau gweithredu drafft ac mae angen inni glywed eich barn i sicrhau mai’r camau gweithredu sy’n ategu’r cynllun yw’r camau cywir.
Bydd ein hymgynghoriad ar gamau gweithredu’r Cynllun Gweithlu Amenedigol Strategol yn fyw o 02/09/2024 tan 11/10/2024.
Os ydych yn rhan o’r Gweithlu Amenedigol neu’r Gweithlu ehangach , mae angen i ni glywed gennych i gadarnhau beth sy’n gryf, ar goll neu’n anghywir â’r camau gweithredu drafft presennol.
Rydym yn eich annog yn gryf i ddweud eich dweud ar y camau gweithredu arfaethedig drwy lenwi ein Ffurflen MS. Rydym hefyd yn cynnal cyfres o weminarau i helpu i gael eich barn. I ddweud eich dweud ac i archebu lle ar un o'n gweminarau dilynwch y dolenni isod.
Ffurflen Adborth (yn fyw o 02 Medi 2024 - 11 Hydref 2024)
Adnoddau Ymgynghori:
Archebu Gweminar (yn fyw o 02 Medi 2024 - 11 Hydref 2024)
| Dyddiad Gweminar | Amser Gweminar |
|
09/09/2024 |
10:30am – 12:00pm |
| 10/09/2024 | 11:00am – 12:30pm |
| 16/09/2024 | 10:30am – 12:00pm |
| 18/09/2024 | 12:30pm – 2:00pm |
|
23/09/2024 |
10:30am – 12:00pm |
| 3/10/2024 | 5:00pm – 6:30pm |
Camau nesaf
Ar ôl cwblhau “Ymgynghoriad Mamolaeth a Newyddenedigol Cymru”, byddwn yn adolygu ac yn myfyrio ar yr holl gyfraniadau a gawn, yn diwygio’r camau gweithredu yn ôl yr angen, ac yn datblygu cynllun cyflawni wedi’i gostio.
Diolch am gymryd rhan yn yr ymgynghoriad a chefnogi datblygiad y Cynllun Gweithlu Amenedigol Strategol ar gyfer GIG Cymru. Wrth symud ymlaen bydd ein tudalen we yn cael ei diweddaru'n rheolaidd gyda'n cynnydd.
I gael rhagor o wybodaeth e-bostiwch HEIW.PerinatalWorkforcePlan@wales.nhs.uk