AaGIC yn lansio ymgynghoriad cenedlaethol ar Fframwaith Cymhwysedd Ymarferydd Gofal Uwch (ACP) ar gyfer gofal sylfaenol

Fodd bynnag, hyd yn hyn, ni fu unrhyw ymdrech yng Nghymru i ddiffinio’r cymwyseddau sydd eu hangen i ymgymryd ag ymarfer clinigol uwch o fewn gofal sylfaenol neu gymunedol.

Mae Addysg a Gwella Iechyd Cymru (AaGIC) wrth eu bodd yn mynd i'r afael â hyn drwy ddatblygu'r Fframwaith Cymhwysedd Ymarferydd Gofal Uwch. Mae’r fframwaith wedi’i ddatblygu mewn partneriaeth â gweithwyr proffesiynol o bob bwrdd iechyd ar draws GIG Cymru.

Gwahoddir clinigwyr mewn gofal sylfaenol a chymunedol i roi adborth ar y fframwaith trwy ffurflen ar-lein, i helpu i'w fireinio a'i deilwra i'w hymarfer dyddiol.

Mae’r ffurflen adborth yn cau ar 20 Gorffennaf 2024.

Mae’r fframwaith o fudd i ACPs gan y bydd yn caniatáu iddynt:

• Diffinio'r cymwyseddau sydd eu hangen i weithio mewn gofal sylfaenol a chymunedol ar lefel uwch. Mae’r unigolyn yn hunanasesu ei gymhwysedd ei hun yn erbyn cyfres o feysydd ac yn nodi’r cymwyseddau allweddol sydd eu hangen o fewn eu cwmpas ymarfer
• mapio eu hanghenion addysg a hyfforddiant eu hunain i gynnal ac ymestyn eu cwmpas ymarfer, i’r math o adnoddau sydd eu hangen i gyflawni’r cymhwysedd hwnnw
• darparu disgrifyddion ‘cwmpas ymarfer’ clir ar gyfer pob blwyddyn o hyfforddiant, a chynllunio eu datblygiad, tra’n bod yn glir ynghylch eu cwmpas ymarfer presennol
• yn manylu ar y sgiliau clinigol craidd sydd y tu ôl i bob maes ymarfer / cyflwyniad dangosol

I gael rhagor o wybodaeth, ewch i  dudalen we fframwaith ACP.