Neidio i'r prif gynnwy

Gwybodaeth sy'n gysylltiedig â chyflogaeth / sefydliad sy'n lletya

Cyflogwr Arweiniol Sengl

Ers mis Medi 2021, Gwasanaethau a Rennir y GIG (NWSSP) yw'r Cyflogwr Arweiniol Sengl ar gyfer Hyfforddeion Deintyddol Craidd yng Nghymru (ac eithrio Hyfforddeion Deintyddol Iechyd Cyhoeddus). Mae NWSSP yn sefydliad annibynnol cydfuddiannol, sydd dan berchnogaeth a chyfarwyddyd GIG Cymru. Sefydlwyd NWSSP ar 1 Ebrill 2011 i ddarparu ystod o wasanaethau technegol, gweinyddol a phroffesiynol o ansawdd uchel sy’n canolbwyntio ar y cwsmer, er mwyn cefnogi holl fyrddau iechyd ac ymddiriedolaethau GIG Cymru. Mae manteision y model Cyflogwr Arweiniol Sengl yn cynnwys:

  • Cyflogaeth ag un cyflogwr drwy gydol y rhaglen hyfforddi.
  • Un set o wiriadau cyflogaeth wrth i hyfforddeion symud o leoliad i leoliad.
  • Defnydd cyson o bolisïau a gweithdrefnau.
  • Un contract cyflogaeth a buddion sy’n gysylltiedig â pharhad cyflog drwy’r sefydliad.

Yn dilyn eich apwyntiad, byddwch yn cael neges e-bost yn eich croesawu a chwestiynau cyffredin gan NWSSP yn cadarnhau manylion gwiriadau cyn cyflogaeth, Cofnod Staff Electronig (ESR) a manylion treuliau, gwyliau blynyddol ac ati.

NWSSP fydd eich pwynt cyswllt cyntaf os bydd gennych unrhyw ymholiadau ynghylch eich cyflogaeth yn ystod y rhaglen Hyfforddiant Deintyddol Craidd. Dental@single-lead-employer.zendesk.com.

 

Cyfrif e-bost GIG Cymru

Fel un o weithwyr NWSSP, byddwch yn cael cyfeiriad e-bost @wales.nhs.uk. Bydd pob dogfen swyddogol yn cael ei hanfon i’ch cyfeiriad e-bost GIG Cymru. Felly, mae’n bwysig eich bod yn edrych ar eich cyfrif yn rheolaidd. Gwnewch yn siŵr eich bod yn gallu cael gafael ar hwn cyn gynted â phosib. Os oes angen cymorth arnoch i gael mynediad at eich cyfrif, cysylltwch ag it.servicedesk@wales.nhs.uk.

 

Cofnod Staff Electronig (ESR)

Fel un o weithwyr NWSSP, bydd gennych fynediad at Gofnod Staff Electronig (ESR). Dyma ble bydd yr SLE yn cofnodi absenoldebau a gwyliau arbennig ar ran sefydliadau sy’n lletya. Bydd eich cyfrinair yn cael ei anfon i’ch cyfeiriad e-bost GIG Cymru. Mae NWSSP yn gweithredu system slipiau cyflog di-bapur felly bydd slipiau cyflog ar gael i’w gweld a’u lawrlwytho o’r ESR. Cadwch eich gwybodaeth bersonol yn gyfredol ar eich ESR gan ein bod yn dibynnu ar yr wybodaeth hon os bydd angen i ni gysylltu â chi am unrhyw reswm. Os oes gennych chi unrhyw ymholiadau ynglŷn â’ch cyfrif ESR, cysylltwch â’r Hyb Cymorth ESR yn esrhub.wales@wales.nhs.uk.

 

Treuliau

Mae gan bob Hyfforddai Deintyddol Craidd yr hawl i hawlio costau adleoli, costau busnes a chostau teithio ychwanegol. Fel arfer, rhaid gwneud pob hawliad o fewn 3 mis i'r digwyddiad / traul.

Ar ôl dechrau eich swydd hyfforddi, bydd NWSSP yn rhoi cyfrif treuliau Assure i chi er mwyn i chi allu hawlio'r treuliau hyn.

  • Treuliau Adleoli

Gall hyfforddeion deintyddol arbenigol newydd sy'n gymwys i hawlio Ad-daliad Adleoli hawlio yn erbyn eu Cyllideb Adleoli yn unol ag Adleoli Cymru Gyfan - Partneriaeth Cydwasanaethau GIG Cymru. Mae modd hawlio drwy eich cyfrif treuliau Assure (dewiswch Approval Group: ‘Junior Relocation’/ Type of Expense: fel sy'n briodol).

  • Absenoldeb astudio a chyllideb astudio

Mae gan hyfforddeion deintyddol cymwys hawl i 30 diwrnod o Absenoldeb Astudio y flwyddyn a Chyllideb Astudio flynyddol o £600 (Medi-Awst bob blwyddyn). Gweler Polisi Absenoldeb Astudio AaGIC yn: https://heiw.nhs.wales/files/policies-and-procedures/all-wales-study-leave-policy-for-doctors-and-dentists-in-training.

Dyma'r broses ar gyfer hawlio treuliau yn erbyn eich Cyllideb Astudio:

  • Gwnewch gais am eich Absenoldeb Astudio yn gyntaf drwy Gronfa Ddata Intrepid (mae hyn yn cael ei gymeradwyo gan y Bwrdd Iechyd sy'n lletya).
  • Cofnodwch y treuliau amcangyfrifedig cysylltiedig ar Intrepid ar yr un pryd.
  • Ar ôl i'r digwyddiad gael ei gynnal, hawliwch unrhyw ffioedd cysylltiedig, costau teithio a chynhaliaeth drwy eich cyfrif treuliau Assure, gan lwytho'r holl dderbynebau perthnasol (dewiswch Approval Group: ‘Junior Doctor – 043 Dental’ / Type of Expense: fel sy'n briodol).
  • Yna, bydd y cymeradwywr yn cofnodi'r union dreuliau a hawlir ar Intrepid, ar ôl iddynt gael eu cymeradwyo.
  • Cyfeiriwch at Intrepid i weld balans eich cyllideb astudio.
  • Milltiroedd Busnes (i'r rheini sy'n teithio i safleoedd eraill fel rhan o'u swydd, e.e. i glinigau cymunedol).

*NODER: Mae system Intrepid yn cael ei disodli gan blatfform newydd o'r enw CODI. Unwaith y bydd y trawsnewid yn digwydd, byddwch yn derbyn cyfarwyddiadau ar sut i sefydlu a chael mynediad i'r system newydd.

Mae gan Hyfforddeion Deintyddol Craidd sydd angen teithio i ysbytai neu safleoedd cymunedol eraill fel rhan o'u swydd hawl i hawlio Milltiroedd Busnes. Dyma'r broses ar gyfer hawlio Milltiroedd Busnes:

  • Sicrhewch fod gennych yswiriant busnes wedi'i ychwanegu at bolisi yswiriant eich cerbyd.
  • Mae modd hawlio drwy eich cyfrif treuliau Assure (dewiswch Approval Group: ‘Junior Doctor – 043 Dental’ / Type of Expense: ‘Business Miles M&D’).
  • Does dim modd i'r milltiroedd sy'n cael eu hawlio gynnwys y milltiroedd y byddech chi fel arfer yn eu teithio o'ch cartref i'ch safle arferol.
  • Milltiroedd Gormodol (i'r rheini sy'n gweithio'n barhaol mewn safleoedd hollt, e.e. swyddi Orthodonteg ar ddau safle ysbyty gwahanol).

Gall Hyfforddeion Deintyddol Craidd sy'n gweithio'n barhaol ar safleoedd hollt, yn unol â'u Disgrifiad Swydd, hawlio Milltiroedd Gormodol (sy'n wahanol i filltiroedd busnes). Ar hyn o bryd, rydym yn defnyddio'r system Ad-daliad Adleoli ar gyfer yr hawliadau hyn (gweler Cwestiwn 5 yn y ddogfen Cwestiynau Cyffredin: Adleoli Cymru Gyfan - Partneriaeth Cydwasanaethau GIG Cymru. Dyma'r broses ar gyfer hawlio Milltiroedd Gormodol:

  • Llenwch Ffurflen Gais Costau Teithio Gormodol NWSSP yn Useful Documents for Expenses (sharepoint.com) er mwyn cael eich sefydlu ar gyfer hawliadau teithio gormodol ar system treuliau Assure.
  • Mae modd hawlio drwy eich cyfrif treuliau Assure (dewiswch Approval Group: ‘Junior Relocation’/ Type of Expense: fel sy'n briodol).
  • Does dim modd i'r milltiroedd sy'n cael eu hawlio gynnwys y milltiroedd y byddech chi fel arfer yn eu teithio o'ch cartref i'ch prif safle arferol.

8.5 Salwch/Absenoldeb o hyfforddiant

 

Sut i wneud cais am wyliau blynyddol

Rhoi gwybod am absenoldeb salwch