Un Prif Gyflogwr

Partneriaeth Cydwasanaethau GIG Cymru (NWSSP) yw’r prif gyflogwr ar gyfer holl Hyfforddeion Deintyddol Sylfaenol Cymru. Mae hyn yn golygu mai Partneriaeth Cydwasanaethau GIG Cymru fydd eu cyflogwr ar gyfer y flwyddyn Hyfforddiant Deintyddol Sylfaenol. Bydd Partneriaeth Cydwasanaethau GIG Cymru yn cysylltu â’ch FD i gadarnhau manylion am Archwiliadau Cyn-cyflogi yn cynnwys cais Manwl gan y Gwasanaeth Datgelu a Gwahardd, ESR a manylion treuliau, gwyliau blynyddol ac ati yn ystod mis Gorffennaf ac Awst.

NWSSP fydd y pwynt cyswllt cyntaf os bydd gan eich FD unrhyw ymholiadau ynghylch eu cyflogaeth dros y misoedd nesaf ac yn ystod y flwyddyn Hyfforddiant Deintyddol Sylfaenol - NWSSPSLE.Dental@wales.nhs.uk.

Model cyflogaeth gydweithredol yw model y SLE yng Nghymru, gyda chyfrifoldebau’r cyflogwr traddodiadol yn cael eu rhannu rhwng tri phrif randdeiliad, sef:

Un Prif Gyflogwr – Partneriaeth Cydwasanaethau GIG Cymru (NWSSP)

Cyfrifoldeb cyffredinol am gyflogaeth gan gynnwys cyhoeddi llythyrau cynnig ar gyfer cyflogaeth, cwblhau gwiriadau cyflogaeth, cyhoeddi a diwygio contractau cyflogaeth, darparu Gwarchodaeth Indemniad Meddygol ar gyfer gweithgareddau’r GIG, trefnu ceisiadau Rhestr Cyflawnwyr lle bo hynny’n berthnasol, Iechyd Galwedigaethol, cymorth i weithwyr, mwy o geisiadau a gwiriadau gan y Gwasanaeth Datgelu a Gwahardd, cymorth iechyd a lles, hyfforddiant statudol a gorfodol, talu cyflogau a threuliau, defnyddio polisïau a gweithdrefnau cyflogaeth ar y cyd â’r holl Randdeiliaid, darparu cyfleusterau Adnoddau Dynol, cyfyngiadau/gwaharddiadau a materion disgyblu.

Mae’r Prif Gyflogwr ei hun yn cynnig un pwynt cyswllt sy’n cydlynu gyda’r holl randdeiliaid.

Sefydliad sy’n Lletya

Rheoli a goruchwylio hyfforddiant o ddydd i ddydd gan ES.

Addysg a Gwella Iechyd Cymru (AaGIC)

Sicrhau bod addysg a hyfforddiant o ansawdd uchel yn cael eu darparu sy’n cynnwys recriwtio i raglenni hyfforddi, rhaglenni cefnogi ac asesu, datblygu cyfadrannau a monitro ansawdd lleoliadau.

Prif swyddogaeth y tri rhanddeiliad yw sicrhau bod yr hyfforddeion yn cwblhau eu hyfforddiant yn foddhaol a thrwy wneud hynny’n darparu gwasanaeth rhagorol i’r Sector iechyd a gofal cymdeithasol lleol yng Nghymru.

Dyma’r manteision i’r sefydliadau sy’n lletya ac AaGIC:

Arbedion maint i GIG Cymru
Un pwynt cyswllt ar gyfer cefnogaeth cyflogaeth ac arbenigedd ar gyfer pob hyfforddai
Symleiddio prosesau trafodion
Mwy o waith agos gyda Chyflogwyr GMC/BMA/GDC/GPC/GIG Cymru mewn perthynas â materion cytundebol hyfforddeion.

Dros y misoedd nesaf, anfonir y dogfennau canlynol:

Enw’r Ddogfen	Parties	Anfonwyd gan	Anfonwyd at	Dychwelir at
Cytundeb Lleoliad Hyfforddi	AaGIC a’r Practis sy’n Lletya/Bwrdd Iechyd	AaGIC	Practis sy’n Lletya	AaGIC
Cytundeb Rheoli Cyflogaeth	Partneriaeth Cydwasanaethau GIG Cymru a’r Practis sy’n Lletya/Bwrdd Iechydd	Partneriaeth Cydwasanaethau GIG Cymru	Practis sy’n Lletya	Partneriaeth Cydwasanaethau GIG Cymru
Contract Cyflogaeth a Chytundeb Addysgol	NWSSP a Deintydd Sylfaen	Partneriaeth Cydwasanaethau GIG Cymru	Hyfforddai Deintyddol Sylfaenol	Partneriaeth Cydwasanaethau GIG Cymru

Llofnodwch y ddogfen briodol a anfonwyd atoch a’i dychwelyd erbyn y dyddiad a nodwyd.