Sbotolau -- Dr Geetanjali Ratnalikar -- Tiwtor Staff ac Arbenigwr Cyswllt (SAS), Bwrdd Iechyd Bae Abertawe
Mae SAS yn grŵp amrywiol o feddygon sy'n dod o gefndiroedd gwahanol ac yn gweithio ar draws arbenigeddau amrywiol gydag ystod eang o setiau sgiliau. Mae llawer ohonynt mewn rolau blaenllaw ac yn gweithio'n annibynnol ar lefel uwch.
Maent wedi ymrwymo i ddatblygiad proffesiynol meddygol parhaus i wasanaethu eu cleifion yn well yn ogystal â diweddaru eu gwybodaeth a'u sgiliau.
Y mis hwn, dewch i gwrdd â Geetanjali, ein tiwtor SAS ym Mwrdd Iechyd Prifysgol Bae Abertawe. Fel Tiwtor SAS, ei rôl yw hwyluso hyfforddiant a dilyniant gyrfa meddygon SAS yn ei Bwrdd Iechyd.
Mae hi wedi bod yn y swydd ers dwy flynedd er bod Geetanjali wedi byw a gweithio yn Abertawe ers blynyddoedd lawer. Mae hi wedi bod yn gweithio fel Meddyg Arbenigol mewn Dermatoleg ers dros 14 mlynedd ac ar hyn o bryd mae wedi'i lleoli yn Ysbyty Singleton, Abertawe. Cyn hynny, bu'n hyfforddi ac yn gweithio fel meddyg teulu yn lleol. Dros y blynyddoedd, mae wedi cynrychioli Dermatolegwyr SAS yng Nghymdeithas Dermatolegydd Prydain a Fforwm Dermatoleg Cymru.
Fel Tiwtor SAS, mae Geetanjali wedi trefnu amryw o gyrsiau DPP ar bynciau megis ymgynghori o bell, cadw cofnodion da, ystyried galluedd meddyliol a cheisio caniatâd dilys, trin plant a phobl ifanc ac ati. Yn ogystal, trefnodd 2 ddiwrnod llawn DPP allanol a ariannwyd gan AaGIC ar “Ymchwil a Methodoleg Wyddonol” a “Lles, Hunan dosturi a hunanofal”.
Ei nod yw ffurfio grŵp llywio sy'n gweithio gyda'r cyfarwyddwr meddygol, cyfadran hyfforddi Prifysgol Abertawe, Eiriolwr SAS ac AD Meddygol ar gyfer dull integredig o weithredu Siarter SAS.
Mae ei diddordebau eraill yn cynnwys teithio, trefnu blodau a darllen.
Hoffai Geetanjali glywed gennych os oes gennych unrhyw ymholiadau neu syniadau sy'n ymwneud â hyfforddiant SAS a gellir cysylltu drwy e-bost: Geetanjali.Ratnalikar@wales.nhs.uk
Mae adnoddau a gwybodaeth bellach ar gael:
https://aagic.gig.cymru/addysg-a-hyfforddiant/meddygon-sas/
https://www.bma.org.uk/advice-and-support/career-progression/sas-development/the-sas-charter
https://www.rcp.ac.uk/projects/outputs/positive-career-choice-supporting-sas-doctors-wales
Cyhoeddwyd 4 Awst 2023