Orthoptydd
Proffil Gyrfaoedd Orthoptydd
Beth yw Orthoptydd?
Mae orthoptyddion yn weithwyr proffesiynol gofal iechyd cysylltiedig sy'n arbenigo mewn asesu swyddogaeth weledol, yn enwedig mewn plant, gan ddarganfod a thrin diffygion mewn symudiad llygaid a phroblemau gyda sut mae'r llygaid yn gweithio gyda'i gilydd. Mae orthoptyddion yn arbenigwyr ar ddeall pam a sut mae diffygion niwrolegol yn effeithio ar y ffordd rydyn ni'n gweld.
Mae orthoptyddion fel arfer yn gweithio gyda chleifion mewn ysbyty fel rhan o dîm aml-broffesiynol ehangach ond gallant weithio mewn timau addysg neu ofal cymdeithasol mewn lleoliadau cymunedol. Maent yn helpu cleifion i reoli symptomau gweledol eu cyflwr a darparu cyngor ar gyfer adsefydlu gweledol a chyffredinol y cleifion hyn.
Mae orthoptyddion yn gymwys gyda chorff craidd sylweddol o wybodaeth ac arbenigedd. Fodd bynnag, mae eu rôl wedi tyfu ac mae llawer yn parhau i hyfforddi ac astudio i ennill sylfaen wybodaeth ehangach fyth. Mae hyn yn eu galluogi i gyflawni rolau llawer mwy arbenigol, uwch neu estynedig mewn clinigau gan gynnwys:
- Strôc ac anaf i'r ymennydd
- Glaucoma
- Retina meddygol
- Anhwylderau prosesu gweledol
- Golwg isel
- Cyflyrau niwrolegol
- Anghenion addysgol arbennig
Mae orthoptyddion yn weithwyr proffesiynol cofrestredig sy'n cael eu monitro gan y Cyngor Gweithwyr Proffesiynol Iechyd a Gofal (HCPC) ac maent yn un o'r 14 proffesiwn a elwir yn broffesiynau Iechyd Perthynol (AHP).