Cam Gweithredu 4 Budd-daliadau Staffio

Crynodeb 

Gan weithio gyda Phartneriaeth Cydwasanaethau GIG Cymru, adolygu ac ehangu budd-daliadau staff nad ydynt ar gael i staff gofal sylfaenol ar hyn o bryd ac archwilio'r potensial i ehangu mynediad.

Disgrifiad 

Bydd y cam gweithredu hwn yn helpu i sicrhau bod gan staff gofal sylfaenol fynediad teg at fudd-daliadau, adnoddau iechyd a lles a chyfleoedd ar gyfer datblygiad proffesiynol.

Manteision

Drwy sicrhau bod gan bob aelod o staff gofal sylfaenol fynediad teg at fudd-daliadau, cymorth iechyd a lles a chyfleoedd i ddysgu a thyfu, mae'n arwain at foddhad swydd gwell ac yn helpu staff i aros yn eu rolau'n hirach. Pan fydd staff yn teimlo eu bod yn cael cefnogaeth ac yn cael cyfle i ddatblygu, maent yn fwy hyderus ac yn gallu darparu gofal mwy diogel ac o ansawdd uwch i gleifion.

Cynnydd hyn yn hyn

Rydym yn gweithio'n agos gyda Phartneriaeth Cydwasanaethau GIG Cymru (PCGC) i wneud yn siŵr bod budd-daliadau staff yn deg i bawb mewn gofal sylfaenol. Ein prif nod yw adolygu ac ehangu'r budd-daliadau sydd ar gael, fel bod gan staff gofal sylfaenol yr un cyfleoedd ar gyfer cefnogaeth, iechyd a datblygiad proffesiynol â staff eraill y GIG.

Beth sydd wedi'i wneud hyd yn hyn:

• Rydym wedi dechrau adolygiad manwl o'r holl fudd-daliadau staff sydd ar gael i staff gofal sylfaenol ar hyn o bryd.
• Fe wnaethon ni ganfod na ellir cynnig rhai budd-daliadau, fel y cynlluniau aberthu cyflog (sy'n helpu staff i arbed arian ar bethau fel beiciau neu geir), i staff nad yw eu cyflog yn cael ei reoli gan y PCGC. Mae hyn oherwydd sut mae'r systemau talu yn gweithio.
• Er na ellir ymestyn pob budd-dal, rydym yn gwneud rhestr o fudd-daliadau eraill y gall staff gofal sylfaenol eu cyrchu. Mae hyn yn cynnwys pethau fel cymorth iechyd a lles, disgowntiau, a chyfleoedd ar gyfer dysgu a datblygu.

Camau nesaf

Byddwn yn gorffen llunio'r rhestr lawn o fudd-daliadau staff ar gyfer staff gofal sylfaenol. Unwaith y bydd y rhestr wedi'i chwblhau, byddwn yn gwirio bod pob cydweithiwr gofal sylfaenol yn gallu cael mynediad at y budd-daliadau hyn. Ar ôl hyn, byddwn yn rhannu ac yn hysbysebu'r rhestr yn eang, fel bod pawb yn gwybod pa gymorth sydd ar gael a sut i'w gael.