Cynnydd yn nifer y myfyrwyr nyrsio sy'n ennill profiad gofal sylfaenol gwerthfawr

Mae lleoliadau ysbrydoledig o ansawdd uchel yn allweddol i sicrhau gweithlu gofal sylfaenol a chymunedol yn y dyfodol. Ers mis Hydref 2023, mae Addysg a Gwella Iechyd Cymru (AaGIC) wedi bod yn gweithio gyda Phractisau Meddygon Teulu ledled Cymru i gynyddu nifer y lleoliadau i fyfyrwyr nyrsio o fewn gofal sylfaenol. Mae hyn wedi arwain at gynnydd mewn lleoliadau mewn practisau meddygon teulu o 18 i 71 yn ystod y 18 mis diwethaf.

Dywedodd Ian Mathieson, Cyfarwyddwr Strategaeth Addysg a Thrawsnewid yn AaGIC "Mae cynyddu cyfleoedd i fyfyrwyr mewn gofal sylfaenol a chymunedol yn rhan hanfodol o adeiladu gweithlu gofal iechyd cynaliadwy a hygyrch i bobl Cymru. Mae myfyrwyr nyrsio yn gwerthuso eu profiadau ar leoliad yn hynod gadarnhaol ar y cyfan, gan dynnu sylw at werth gweithio gyda gwahanol aelodau o'r tîm gofal sylfaenol a chymunedol gan gynnwys meddygon teulu, ffisiotherapyddion, Tîm Gweinyddol, Uwch Ymarferwyr Nyrsio ac Ymwelwyr Iechyd.

Mae llawer o fyfyrwyr yn disgrifio eu lleoliadau fel ysbrydoledig ac effeithiol iawn, gyda 74% o fyfyrwyr yn dweud y byddent yn ystyried dilyn gyrfa yn y lleoliad hwn. 

Mae Nancy Windibank, myfyrwraig drydedd flwyddyn o Brifysgol De Cymru, wedi gorffen ei lleoliad yn ddiweddar ym Meddygfa Oak Tree, Pen-y-bont ar Ogwr.   Mae ei hadborth yn tanlinellu pwysigrwydd y tîm gofal iechyd sylfaenol cyfan wrth hwyluso ei dysgu: 

"Hoffwn fynegi fy niolchgarwch i bob un ohonoch am eich cefnogaeth, arweiniad a charedigrwydd anhygoel yn ystod fy lleoliad. O'r meddygon teulu, nyrsys practis, uwch ymarferwr nyrsio, ffisiotherapyddion, cynorthwywyr gofal iechyd, ymwelwyr iechyd, derbynwyr, tîm rhagnodi a staff gweinyddol, roeddech chi i gyd wedi chwarae rhan hanfodol wrth wneud fy mhrofiad dysgu mor werthfawr."

Mae Nancy yn mynd ymlaen i esbonio'r rôl a chwaraeodd pob aelod o'r tîm yn ei dysgu, cyn gorffen: "Mae eich gwaith tîm a'ch ymroddiad wedi cael effaith barhaol ar fy nhaith ddysgu, a byddaf yn cario'r wybodaeth a'r sgiliau rydych chi wedi'u rhannu ymlaen."

Mae Nancy yn mynd ymlaen i esbonio'r rôl a chwaraeodd pob aelod o'r tîm yn ei dysgu, cyn gorffen: "Mae eich gwaith tîm a'ch ymroddiad wedi cael effaith barhaol ar fy nhaith ddysgu, a byddaf yn cario'r wybodaeth a'r sgiliau rydych chi wedi'u rhannu ymlaen."

Mae Nancy yn gobeithio chwilio am waith fel Nyrs Ymarfer Cyffredinol pan fydd hi'n gorffen ei chwrs yn ddiweddarach eleni.