Neidio i'r prif gynnwy

Mae'r wefan hon yn cael ei datblygu ar hyn o bryd ac efallai na fydd rhai nodweddion ar gael dros dro.
Diolch am eich amynedd wrth i ni weithio i wella eich profiad.

Cefnogi meddygon a deintyddion SAS yng Nghymru: adnoddau, canllawiau a datblygiad proffesiynol

12/03/2026

Gan gydnabod rôl hanfodol meddygon a deintyddion SAS, mae gan Addysg a Gwella Iechyd Cymru (AaGIC) ystod o adnoddau, cyfleoedd ariannu a chymorth proffesiynol i helpu clinigwyr i adeiladu gyrfaoedd gwerth chweil a blaengar.

Cyllid ar gyfer datblygiad proffesiynol y tu hwnt i absenoldeb astudio safonol

Mae buddsoddi mewn datblygiad proffesiynol yn allweddol i wneud cynnydd yn eich gyrfa. Gall meddygon a deintyddion SAS yng Nghymru gael mynediad at gyllid ychwanegol, yn ychwanegol at gyllidebau absenoldeb astudio safonol y Byrddau Iechyd.

Gall y cyllid hwn gefnogi ystod eang o gyfleoedd, gan gynnwys:

  • cyrsiau proffesiynol (e.e. dosbarth meistr mewn meddygaeth liniarol, cwrs uwch ESSO ar lawdriniaeth canser y fron)
  • cymwysterau ôl-raddedig (e.e. tystysgrif ôl-raddedig mewn meddygaeth calsiwm ac esgyrn, diploma ôl-raddedig mewn meddygaeth strôc)
  • mentrau datblygu gwasanaethau (e.e. cwrs arweinwyr tîm trawma mawr, cwrs hyfforddi genedigaethau llawdriniaethol)
  • gwella sgiliau a hyfforddiant arweinyddiaeth (e.e. asesu awtistiaeth, MSc arweinyddiaeth mewn gofal iechyd)

Mae'r cyllid hwn wedi'i gynllunio'n benodol i helpu clinigwyr SAS i ehangu eu harbenigedd, datblygu sgiliau newydd a chryfhau dilyniant gyrfa, tra hefyd yn cefnogi gwella gwasanaethau o fewn GIG Cymru. 

Mae darparu cyllid i feddygon a deintyddion SAS ar gyfer cyrsiau yn cefnogi datblygiad gyrfa,

Eiriolaeth genedlaethol a lleol

Ledled Cymru, mae rhwydwaith o Diwtoriaid SAS ac eiriolwyr SAS yn cynnig cefnogaeth ar lawr gwlad i helpu gydag addysg, datblygiad a dilyniant gyrfa

Maent yn cefnogi drwy sicrhau bod lleisiau SAS yn cael eu cynrychioli ar lefel strategol:

  • darparu cefnogaeth hygyrch, ar lawr gwlad
  • helpu i ddatrys heriau’n gynnar
  • cryfhau cydnabyddiaeth o rôl SAS

Cynhelir cynadleddau cenedlaethol rheolaidd (Gogledd a De Cymru) i roi cyfleoedd i glinigwyr gysylltu â chydweithwyr ar draws arbenigeddau ac adeiladu rhwydweithiau proffesiynol.

Mae manylion i'w weld yma https://heiw.nhs.wales/education-and-training/sas-doctors/

Canllawiau a chefnogaeth Llwybr Portffolio (llwybr CESR yn flaenorol)

I glinigwyr sy'n ystyried symud ymlaen i gofrestru arbenigol drwy'r Llwybr Portffolio, mae AaGIC yn cynnig canllawiau pwrpasol a chefnogaeth gan gymheiriaid. Yn dilyn diwygiadau contract 2021, creodd cyflwyno'r radd Arbenigwr lwybr dilyniant clir y tu hwnt i lefel Meddyg Arbenigol i Ymgynghorol. Ar hyn o bryd, mae tua 30 o feddygon SAS sydd wedi ennill Cofrestriad Arbenigol wedi symud ymlaen i gefnogi cydweithwyr ar yr un daith. Gellir cysylltu â nhw drwy e-bost Llwybr Portffolio pwrpasol: HEIW.SASportfoliopathway@wales.nhs.uk

Cefnogaeth gan dîm cenedlaethol SAS

Mae cefnogaeth i feddygon a deintyddion SAS yng Nghymru yn cael ei chydlynu gan dîm SAS AaGIC dan arweiniad Mr Raj Nirula, Deon Cyswllt meddygon a deintyddion SAS .

Drwy Siarter SAS Cymru, mae clinigwyr yn elwa o gefnogaeth strwythuredig , gan gynnwys amser gwarchodedig ar gyfer datblygu, cyfleoedd mentora a gwell mynediad at adnoddau.

Wrth fyfyrio ar y rhaglen, dywedodd Raj Nirula : “Mae’r adnoddau SAS hyn wedi’u cynllunio i godi ymwybyddiaeth, cryfhau dealltwriaeth a datgloi potensial llawn rôl SAS yn GIG Cymru. Drwy ddarparu cefnogaeth ymarferol a chyfleoedd datblygu, maent yn sicrhau bod meddygon a deintyddion SAS yn cael eu cydnabod, eu gwerthfawrogi, a'u grymuso i lunio dyfodol gofal iechyd yng Nghymru.”

Dysgwch fwy - I archwilio'r holl adnoddau, cysylltiadau a chyfleoedd sydd ar gael, ewch i'n tudalennau gwe SAS pwrpasol: Meddygon SAS - AaGIC

Helpwch ni i wella ein gwefan. Rhowch eich adborth i ni.