Codi pryderon a codi llais heb ofn ar ran meddygon a deintyddion preswyl mewn rhaglenni hyfforddi ôl-raddedig

Diolch am gyrchu’r adran 'Sut i Godi Pryder'. Mae hwn yn faes hynod bwysig, pa bynnag bryder sydd gennych.

Gwerthfawrogwn y gall hyn fod yn anodd, ond gallwn eich sicrhau y caiff eich pryder ei reoli’n gydymdeimladol ac yn gyfrinachol, a byddwn yn eich cefnogi drwy gydol y broses. Cofiwch, yn ogystal â'r prosesau a amlinellir isod, y gellir cael cymorth unigol gan yr Uned Cymorth Proffesiynol.

Sut gallwch chi godi pryder a chodi llais heb ofn?

Rydym yn gwahaniaethu pryderon yn ddau gategori:

1. Pryderon ynghylch ymddygiad amhroffesiynol
Mae hyn yn cynnwys anghwrteisi, bwlio, aflonyddu, gwahaniaethu ac ymosodiad rhywiol. Mae ymddygiad o'r fath bob amser yn annerbyniol boed gan gydweithwyr meddygol, staff y GIG, neu gleifion a'u perthnasau. Mae'r canlyniadau'n effeithio nid yn unig ar y rhai sy'n cael eu cam-drin , ond hefyd ar dystion a phryderon ynghylch diogelwch cleifion yn codi.

Er mwyn diogelu chi’r cleifion a chydweithwyr, mae'n bwysig eich bod yn rhannu eich profiad gyda ni. Fel y prif gyflogwr mae Partneriaeth Cyd-wasanaethau’r GIG (NWSSP) wedi cynhyrchu polisi cynhwysfawr, y gellir ei weld yma.

Am ragor o wybodaeth am brosesau AaGIC, edrychwch ar ein canllawiau codi pryderon ac uwch-gyfeirio.

​​​​2. Pryderon ynghylch hyfforddiant
Mae hyn yn cynnwys mynediad i gyfleoedd dysgu priodol, cefnogaeth gyda datblygiad a dilyniant ac yn y blaen.

Mae eich adborth yn bwysig