Amdanom ni

Trawsnewid y gweithlu ar gyfer Cymru Iachach 

Addysg a Gwella Iechyd Cymru (AaGIC) yw'r sefydliad addysg statudol a gweithlu strategol ar gyfer GIG Cymru. 

Fel Awdurdod Iechyd Arbennig gyda chylch gwaith Cymru gyfan, rydym yn gweithio gyda phartneriaid ar draws iechyd, gofal cymdeithasol, addysg a’r llywodraeth i gryfhau'r gweithlu sy'n sail i ofal yn GIG Cymru. 

Fel y corff cenedlaethol ar gyfer cynllunio'r gweithlu, addysg, hyfforddiant ac arweinyddiaeth, rydym yn chwarae rhan ar draws y system gyfan wrth helpu GIG Cymru i ymateb i anghenion y gweithlu presennol a'r dyfodol.

 

Pam rydyn ni'n bodoli 

Mae'r system iechyd a gofal yn wynebu heriau cynyddol a chymhleth, gan gynnwys; prinder yn y gweithlu, anghenion newidiol y boblogaeth, modelau gofal newydd a datblygiadau cyflym mewn ymarfer digidol a chlinigol. 

Mae'r her i'r gweithlu yn genedlaethol, yn hirdymor ac yn aml-broffesiynol. Ein rôl ni yw darparu cyfeiriad cenedlaethol clir, gwybodaeth am y gweithlu o ansawdd uchel, ac atebion Unwaith i Gymru sy'n cefnogi gwasanaethau cynaliadwy ledled Cymru. 

Ein rôl ni yw helpu'r system i ymateb i'r heriau hyn drwy: 

• cynllunio ar gyfer y gweithlu sydd ei angen ar Gymru 

• datblygu sgiliau a hyder pobl ym mhob cam o'u gyrfa 

• cefnogi trawsnewid fel y gall gwasanaethau addasu a gwella 

Yn y pen draw, mae ein gwaith yn helpu i wella ansawdd, diogelwch a chynaliadwyedd gofal ledled Cymru. 

 

Ein gweledigaeth, ein pwrpas a'n gwerthoedd 
 

Trawsnewid y gweithlu ar gyfer Cymru iachach drwy bartneriaeth, datblygu gweithlu medrus a chynaliadwy sy'n gwella gofal ac iechyd y boblogaeth.

Mae ein diwylliant yn cael ei lunio gyda'n staff ac yn cael ei arwain gan: 

 

Gyda phwy rydyn ni'n gweithio 

Rydym yn gweithio gyda phobl a sefydliadau ar draws y system iechyd a gofal, gan gynnwys: 

• myfyrwyr, hyfforddeion a dysgwyr 

• Sefydliadau'r GIG, byrddau iechyd ac ymddiriedolaethau 

• prifysgolion a darparwyr addysg 

• cyrff proffesiynol a rheoleiddwyr 

• Llywodraeth Cymru a phartneriaid cenedlaethol 

Rydym yn dod â phobl ynghyd i gefnogi blaenoriaethau cyffredin a gwelliant hirdymor i'r gweithlu ledled Cymru. 

 

Yr hyn rydyn ni'n ei wneud 

Rydym yn darparu arweinyddiaeth strategol genedlaethol ar draws addysg, cynllunio'r gweithlu a thrawsnewid. Mae ein gwaith yn canolbwyntio ar nifer o feysydd craidd: 

 

Ein heffaith 

Rydym yn ychwanegu gwerth at y system iechyd a gofal yng Nghymru drwy: 

• Cryfhau cynaliadwyedd y gweithlu drwy well gynllunio, recriwtio a chadw staff  

• Gwella deallusrwydd a mewnwelediadau y gweithlu i gefnogi gwneud penderfyniadau cenedlaethol 

• Cyflymu parodrwydd y gweithlu mewn meysydd o flaenoriaeth a phrinder 

• Cefnogi integreiddio ar draws iechyd a gofal cymdeithasol 

• Datblygu sgiliau ar gyfer y dyfodol drwy ddysgu digidol, efelychu, deallusrwydd artiffisial a modelau addysg modern 

• Ymgorffori arweinyddiaeth dosturiol ac arfer cynhwysol 
• Datblygu datrysiadau gweithlu cenedlaethol sy'n gwella ansawdd a chynhyrchiant

 

Sut rydym yn cael ein llywodraethu

Gan eistedd ochr yn ochr â byrddau ac ymddiriedolaethau iechyd fel rhan o GIG Cymru, mae ein gwaith yn cael ei arwain gan bolisi cenedlaethol a'r Strategaeth Gweithlu ar gyfer Iechyd a Gofal Cymdeithasol yng Nghymru, ac yn cael ei gyflawni trwy ein Cynllun Tymor Canolig Integredig. 
 

 

Darganfyddwch fwy

• Bwrdd ac uwch dîm   arweinyddiaeth 

• Cyfarfodydd a phapurau'r bwrdd a'r pwyllgorau 

• Cysylltwch â ni 

Am wybodaeth fanylach am ein rôl, ein heffaith a'n cyflawniadau, gallwch hefyd ddarllen ein llyfryn sefydliadol.