Amdanom ni
Trawsnewid y gweithlu ar gyfer Cymru Iachach
Addysg a Gwella Iechyd Cymru (AaGIC) yw'r sefydliad addysg statudol a gweithlu strategol ar gyfer GIG Cymru.
Fel Awdurdod Iechyd Arbennig gyda chylch gwaith Cymru gyfan, rydym yn gweithio gyda phartneriaid ar draws iechyd, gofal cymdeithasol, addysg a’r llywodraeth i gryfhau'r gweithlu sy'n sail i ofal yn GIG Cymru.
Ein rôl ni yw helpu i sicrhau bod y bobl gywir, gyda'r sgiliau cywir, yn y lle cywir, ar yr amser cywir i ddarparu gofal o ansawdd uchel i gleifion a chymunedau, nawr ac ar gyfer y dyfodol.
Pam rydyn ni'n bodoli
Mae'r system iechyd a gofal yn wynebu heriau cynyddol a chymhleth, gan gynnwys; prinder yn y gweithlu, anghenion newidiol y boblogaeth, modelau gofal newydd a datblygiadau cyflym mewn ymarfer digidol a chlinigol.
Ein rôl ni yw helpu'r system i ymateb i'r heriau hyn drwy:
- cynllunio ar gyfer y gweithlu sydd ei angen ar Gymru
- datblygu sgiliau a hyder pobl ym mhob cam o'u gyrfa
- cefnogi trawsnewid fel y gall gwasanaethau addasu a gwella
Yn y pen draw, mae ein gwaith yn helpu i wella ansawdd, diogelwch a chynaliadwyedd gofal ledled Cymru.
Ein gweledigaeth, ein pwrpas a'n gwerthoedd
Ein gweledigaeth
Trawsnewid y gweithlu ar gyfer Cymru iachach.
Ein pwrpas
Ein gweledigaeth yw datblygu gweithlu medrus a chynaliadwy sy'n gwella gofal ac iechyd y boblogaeth.
Ein gwerthoedd
Mae ein diwylliant yn cael ei lunio gyda'n staff ac yn cael ei arwain gan:
- Parch at bawb– ym mhob rhyngweithio
- Gyda'n gilydd fel tîm– gweithio ar y cyd ar draws GIG Cymru a chyda phartneriaid
- Syniadau sy'n gwella– cofleidio creadigrwydd, arloesedd a dysgu parhaus
Gyda phwy rydyn ni'n gweithio
Rydym yn gweithio gyda phobl a sefydliadau ar draws y system iechyd a gofal, gan gynnwys:
- myfyrwyr, hyfforddeion a dysgwyr
- Sefydliadau'r GIG, byrddau iechyd ac ymddiriedolaethau
- prifysgolion a darparwyr addysg
- cyrff proffesiynol a rheoleiddwyr
- Llywodraeth Cymru a phartneriaid cenedlaethol
Rydym yn dod â phobl ynghyd i gefnogi blaenoriaethau cyffredin a gwelliant hirdymor i'r gweithlu ledled Cymru.
Yr hyn rydyn ni'n ei wneud
Rydym yn darparu arweinyddiaeth strategol genedlaethol ar draws addysg, cynllunio'r gweithlu a thrawsnewid. Mae ein gwaith yn canolbwyntio ar nifer o feysydd craidd:
-
Addysg a Hyfforddiant
Er mwyn cefnogi datblygiad a chynaliadwyedd y gweithlu, rydym yn cynhyrchu Cynllun Addysg a Hyfforddiant (ETP) blynyddol gydag argymhellion ar draws y rhan fwyaf o broffesiynau gofal iechyd, ac yn buddsoddi dros 85% o'n cyllideb o £351.657m yn uniongyrchol mewn addysg a hyfforddiant, gan gynnwys ehangu mynediad trwy brentisiaethau, dysgu seiliedig ar waith, a modelau aml broffesiynol.
-
Strategaeth a deallusrwydd y gweithlu
Troi data a mewnwelediadau cenedlaethol am y gweithlu mewn i dystiolaeth sy'n llywio polisi, cynllunio a chyflawni ar lefel genedlaethol a lleol.
-
Datblygiad a thrawsnewid y gweithlu
Uwchsgilio staff, cefnogi rolau newydd ac esblygol, ailgynllunio gwasanaethau, a galluogi datblygiad proffesiynol parhaus a llwybrau gyrfa hyblyg.
-
Diwylliant, Arweinyddiaeth ac Olyniaeth
Datblygu arweinwyr tosturiol, ymgorffori diwylliannau cynhwysol, ac adeiladu piblinell dalent ac olyniaeth gynaliadwy ar gyfer y dyfodol.
-
Denu, Gyrfaoedd ac ehangu mynediad
Hyrwyddo gyrfaoedd iechyd a gofal a lleihau rhwystrau i fynediad a datblygiad i grwpiau sydd heb gynrychiolaeth ddigonol.
-
Cymorth Proffesiynol
Cryfhau'r proffesiwn Pobl i greu gweithleoedd cefnogol ac effeithiol.
Ein heffaith
Rydym yn ychwanegu gwerth at y system iechyd a gofal yng Nghymru drwy:
- cryfhau cynaliadwyedd y gweithlu drwy gynllunio, recriwtio a chadw gwell
- cyflymu parodrwydd y gweithlu mewn meysydd o flaenoriaeth a phrinder
- cefnogi integreiddio ar draws iechyd a gofal cymdeithasol
- darparu deallusrwydd am y gweithlu sy’n agored ac yn hygyrch
- gwneud sgiliau yn addas ar gyfer y dyfodol drwy ddysgu digidol, efelychu, deallusrwydd artiffisial a modelau addysg modern
- ymgorffori arweinyddiaeth dosturiol ac arfer cynhwysol
Sut rydym yn cael ein llywodraethu
Gan eistedd ochr yn ochr â byrddau ac ymddiriedolaethau iechyd fel rhan o GIG Cymru, mae ein gwaith yn cael ei arwain gan bolisi cenedlaethol a'r Strategaeth Gweithlu ar gyfer Iechyd a Gofal Cymdeithasol yng Nghymru, ac yn cael ei gyflawni trwy ein Cynllun Tymor Canolig Integredig.
Darganfyddwch fwy
- Cysylltwch â ni
Am wybodaeth fanylach am ein rôl, ein heffaith a'n cyflawniadau, gallwch hefyd ddarllen ein llyfryn sefydliadol.