Pwyllgor Fforwm Myfyrwyr Iechyd Cymru (WHSF)

Mae Fforwm Myfyrwyr Iechyd Cymru (WHSF) yn datblygu pwyllgor fydd yn cynnwys Cadeirydd ac Is-gadeirydd ar gyfer pob rhwydwaith arbenigol.

Bydd y myfyriwr yn cyflawni rôl cadeirydd ac is-gadeirydd am un flwyddyn, gyda’r is-gadeirydd yn symud i swydd y cadeirydd ar ôl i’r flwyddyn ddod i ben. Bydd rhwydweithiau’n ethol cadeiryddion ac is-gadeiryddion i’w cynrychioli.

Bydd y cadeirydd yn gyfrifol am:

• symud y fforwm ymlaen
• sicrhau bod gweledigaeth y fforwm yn cael ei chyflawni
• rheoli a monitro eu rhwydwaith unigol
• codi pryderon/hyrwyddo arfer gorau’r rhwydwaith
• helpu i hwyluso agenda ar gyfer cyfarfodydd y fforwm
• ymgysylltu’n rheolaidd â staff Addysg a Gwella Iechyd Cymru (AaGIC)
• ymweld ag AaGIC unwaith y flwyddyn

Bydd yr Is-gadeirydd yn gyfrifol am:

• symud y fforwm ymlaen
• sicrhau bod gweledigaeth y fforwm yn cael ei chyflawni
• cynorthwyo i reoli rhwydweithiau unigol
• codi pryderon/hyrwyddo arfer gorau’r rhwydwaith
• helpu i hwyluso agenda ar gyfer cyfarfodydd y fforwm
• cefnogi’r cadeirydd, a chadeirio os na fydd yn gallu bod yn bresennol
• ymgysylltu’n rheolaidd â staff AaGIC
• ymweld ag AaGIC unwaith y flwyddyn

Felly, beth yw’r manteision o fod yn gadeirydd/is-gadeirydd?

• Ymweld ag AaGIC yng Nghaerdydd unwaith y flwyddyn a rhwydweithio gydag aelodau pwyllgor eraill o bob rhan o Gymru, a chael cinio blasus.
  • Gall aelodau pwyllgor hawlio eu costau teithio er mwyn mynd i gyfarfodydd AaGIC. Dim ond ar gyfer aelodau pwyllgor sy’n gorfod teithio dros 2.5 awr i fynychu cyfarfod y bydd trefniadau trên a/neu lety’n cael eu trefnu.
• Cyfleoedd arweinyddiaeth a datblygiad proffesiynol parhaus i aelodau pwyllgor.
• Cyfleoedd i ymgysylltu ag aelodau dylanwadol o fewn AaGIC, Llywodraeth Cymru ac unigolion proffil uchel o fewn y GIG.
• Cyfleoedd i ymgysylltu â gyrfaoedd ac addysg ôl-raddedig.

Rhwydwaith Cynfyfyrwyr WHSF

Ar ôl graddio, bydd gan fyfyrwyr gyfle i ymuno â grŵp Cynfyfyrwyr WHSF, sef rhwydwaith rhithwir o gyn-aelodau WHSF. Cylch gwaith y grŵp yw bod yn grŵp cyfeirio ar gyfer gweithwyr proffesiynol iechyd sydd newydd gymhwyso, rhoi mewnbwn i ymgynghoriadau gofal iechyd perthnasol a rhannu eu profiadau fel gweithwyr proffesiynol iechyd sydd newydd gymhwyso gyda’r WHSF.

Ni fydd gan yr aelodau sy’n gyn-fyfyrwyr unrhyw ymrwymiad i fynychu cyfarfodydd fforwm, ond bydd angen iddynt ymgysylltu gyda’u rhwydwaith arbenigol a’r rhwydwaith grŵp cyn-fyfyrwyr. Gall eu mewnbwn yn y rhwydwaith israddedig roi cymorth cyfoedion gwerthfawr i fyfyrwyr a rhoi cyfle i fyfyrwyr holi aelodau cymwys o’u proffesiwn.