Rhwydwaith gwyddor gofal iechyd

Mae'r rhwydwaith gwyddor gofal iechyd yn grŵp o weithwyr proffesiynol profiadol sy'n cynrychioli pob maes o wyddor gofal iechyd. 

Beth mae'r rhwydwaith yn ei wneud?

Pwrpas y rhwydwaith yw llywio cyfeiriad y rhaglen gwyddor gofal iechyd.

Mae'n gwneud hyn drwy:

• Cynrychiolaeth: Mae gan bob maes proffesiynol o fewn gwyddor gofal iechyd gynrychiolydd yn y rhwydwaith. Mae'r unigolion hyn yn sicrhau bod safbwyntiau eu proffesiwn yn cael eu clywed mewn datblygiadau cenedlaethol ac yn rhannu diweddariadau yn ôl gyda'u cydweithwyr ledled Cymru.
• Cydweithio: Mae'r rhwydwaith yn cynorthwyo cydweithrediad ar draws grwpiau proffesiynol, gan gefnogi arloesedd, datblygu'r gweithlu, a chynnydd strategol mewn gwyddor gofal iechyd.
• Dylanwad: Wedi'i gydnabod yn y fframwaith edrych ymlaen, mae'r rhwydwaith yn llywio datblygiadau allweddol ac yn cynrychioli buddiannau gwyddor gofal iechyd Cymru yn genedlaethol.

Cysylltu â'ch cynrychiolydd

Fel aelod o broffesiwn gwyddor gofal iechyd, gallwch gysylltu â chynrychiolydd eich proffesiwn i rannu eich barn neu ddeall yn well beth sy'n digwydd yn eich proffesiwn. I wneud hyn, cysylltwch â'n Tîm Gwyddor Gofal Iechyd a byddwn yn eich cysylltu â'r person cywir.

Cysgodi Cyfarfodydd

Mae'r rhwydwaith hefyd yn cynnig cyfleoedd cysgodi i weithwyr proffesiynol gwyddor gofal iechyd sydd eisiau ennill profiad mewn cyfarfodydd strategol a datblygiadau ar lefel genedlaethol. Mae hyn yn ddelfrydol ar gyfer:

• Unigolion sy'n datblygu i swyddi uwch.
• Gweithwyr proffesiynol uwch sydd newydd eu penodi sy'n awyddus i feithrin profiad mewn gwaith strategol.
• Hyfforddeion ôl-raddedig neu ddctorol sydd angen mewnwelediad i gydweithio cenedlaethol.

Cynigir cysgodi i gefnogi datblygiad gyrfa a chynllunio olyniaeth o fewn gwyddor gofal iechyd. Os oes gennych ddiddordeb, cysylltwch â ni, a byddwn yn eich helpu i archwilio'r cyfle hwn.