Mae GIG Cymru yn bwriadu ymgymryd â'r Rhaglen Recriwtio Flynyddol o Wyddonydd Clinigol Dan Hyfforddiant (RGDH). Gan fod Addysg a Gwella Iechyd Cymru (AaGIC) yn gyfrifol am addysg a hyfforddiant i ddiwallu anghenion y GIG yng Nghymru, byddwn yn hysbysebu'r swyddi.
Mae'r RGDH yn rhaglen hyfforddiant mynediad graddedig sy'n arwain at rolau uwch wyddonwyr. Bydd hyfforddeion yr RGDH yn cael eu cyflogi gan sefydliad GIG tra pery eu hyfforddiant, ac yn cael cyflog. Rhaglen hyfforddi tair blynedd, lawn amser yw'r RGDH, sy'n cynnwys dysgu seiliedig ar waith ac academaidd. Mae hefyd yn cynnwys gradd Meistr wedi ei chomisiynu'n benodol a'i hachredu yn yr ardal o'u dewis. Bydd hyfforddiant yn y gweithle yn cael ei gynnal mewn amrywiaeth o leoliadau yn ystod y flwyddyn gyntaf, cyn arbenigo ym maes dewis yr hyfforddai yn ystod y ddwy flynedd olaf o hyfforddiant.
Bydd y recriwtio eleni yn cynnwys y swyddi canlynol:
Arbenigedd | Nifer o Swyddi | Bwrdd Iechyd | Dyddiad y Cyfweliad |
---|---|---|---|
Awdioleg | 2 | BIP Bae Abertawe | 16-17/03/20 |
Awdioleg | 2 | BIP Betsi Cadwaladr | 16-17/03/20 |
Awdioleg | 1 | BIP Caerdydd a'r Fro | 16-17/03/20 |
Awdioleg | 1 | BIP Aneurin Bevan | 16-17/03/20 |
Genomeg Canser | 1 | BIP Caerdydd a'r Fro | 10/03/20 |
Gwyddor y Galon | 1 | BIP Caerdydd a'r Fro | 10-11/03/20 |
Gwyddor y Galon | 1 | BIP Cwm Taf Morgannwg | 10-11/03/20 |
Gwyddor y Galon | 1 | BIP Hywel Dda | 10-11/03/20 |
Gwyddoniaeth Cysgu ac Anadlu | 1 | BIP Cwm Taf Morgannwg | 10-11/03/20 |
Biocemeg Glinigol | 1 | BIP Betsi Cadwaladr | 11-12/03/20 |
Biocemeg Glinigol | 1 | BIP Caerdydd a'r Fro | 11-12/03/20 |
Biocemeg Glinigol | 1 | BIP Bae Abertawe | 11-12/03/20 |
Genomeg | 1 | BIP Caerdydd a'r Fro | 10/03/20 |
Gwybodeg Iechyd | 1 | BIP Caerdydd a'r Fro | 18/03/20 |
Ffiseg Feddygol | 2 | Ymddiriedolaeth GIG Felindre | 11-12/03/20 |
Ffiseg Feddygol | 3 | BIP Bae Abertawe | 11-12/03/20 |
Ffiseg Feddygol | 1 | BIP Betsi Cadwaladr | 11-12/03/20 |
Ffiseg Feddygol | 1 | BIP Caerdydd a'r Fro | 11-12/03/20 |
Microbioleg | 2 | Iechyd Cyhoeddus Cymru | 16/03/20 |
Gwyddor Adlunio | 1 | BIP Bae Abertawe | 18/03//20 |
Peirianneg Adsefydlu | 1 | BIP Bae Abertawe | 17/03/20 |
Peirianneg Adsefydlu | 1 | BIP Betsi Cadwaladr | 17/03/20 |
Gwyddorau Atgenhedlu | 1 | BIP Bae Abertawe | 17/03/20 |
Cynghorwr Genomeg Dan Hyfforddiant | 1 | BIP Caerdydd a'r Fro | 10/03/20 |
Mae ceisiadau nawr ar agor gyda chyfweliadau'n dechrau ar 10fed Mawrth 2020. Gall ymgeiswyr wneud cais am hyd at 2 swydd yn unig a bydd pob cais yn destun proses llunio rhestr fer. Bydd ymgeiswyr llwyddiannus yn cael eu gwahodd, yn bersonol, i gyfweliad panel yn y pencadlys Addysg a Gwella Iechyd Cymru: Tŷ dysgu, Cefn Coed Nantgarw, CF15 7QQ. Ewch i www.jobs.nhs.uk unwaith y bydd y swyddi hyn yn fyw a chwilio am 'HEIW' yn y bocs 'Allweddeiriau neu Gyfeirnod Swydd'.
Mae rhagor o wybodaeth am y RGDH i'w gweld ar y ddogfen atodedig yma.