Helpwch AaGIC i gau'r bwlch cyrhaeddiad ymhlith meddygon iau yng Nghymru

Mae Cymrawd Hyfforddiant Arweinyddiaeth glinigol Cymru Dr Rachel Lee yn gweithio gydag Addysg a Gwella Iechyd Cymru i helpu i gau'r bwlch cyrhaeddiad gwahaniaethol ar sail ethnigrwydd ymhlith meddygon iau yng Nghymru.

Er mwyn dechrau ar ei hymchwil byddai Rachel yn hoffi deall yn well pa faterion y mae meddygon o bobl dduon a lleiafrifoedd ethnig (BME) a graddedigion meddygol rhyngwladol (IMG) yng Nghymru yn eu hwynebu, fel y gall deilwra unrhyw ymyriadau i'w dymuniadau a'u hanghenion penodol.

I wneud hyn, mae Rachel yn gwahodd pob meddyg iau yng Nghymru i gymryd rhan mewn grwpiau ffocws bach mewn ysbytai ledled Cymru.

Bydd y grwpiau ffocws yn cymryd 60 – 90 munud a byddant yn cynnwys holiadur byr i ddiffinio eich cefndir a thrafodaeth strwythuredig o amgylch eich profiadau personol. Yna caiff y sylwadau eu tynnu'n ddienw a'u cyflwyno i AaGIC mewn adroddiad dadansoddi thematig.

Os ydych yn feddyg iau yng Nghymru ac yn dymuno gwirfoddoli i fynychu grŵp ffocws, dilynwch y ddolen berthnasol Eventbrite isod.

Am ragor o wybodaeth, cysylltwch â Dr Rachel Lee ar Rachel.Lee9@wales.nhs.uk