Datganiad gan Addysg a Gwella Iechyd Cymru (AaGIC) ar gofrestriad dros dro o Fferyllwyr Cyn Cofrestru 2019/20
Mae Addysg a Gwella Iechyd Cymru (AaGIC) yn cydnabod y pryderon niferus i hyfforddeion, tiwtoriaid a chyflogwyr ynghylch hyfforddiant fferyllwyr cyn cofrestru ar gyfer 2019/20 a achosir gan effeithiau COVID-19 ac oedi o ganlyniad i'r asesiad cofrestru.
Mae'r Cyngor Fferyllol Cyffredinol (GPhC) wedi rhyddhau'r meini prawf ar gyfer cofrestriad dros dro i fferyllwyr, fel y cytunwyd arno gan y Cyngor ar 21 Mai 2020. Mae'r polisi yn nodi'r meini prawf y bydd y carfan 2019/20 o fferyllwyr cyn-gofrestru yn gorfod eu bodloni i fod yn gymwys i ymuno â'r gofrestr Fferyllwyr ar sail dros dro. Mae hefyd yn amlinellu'r gofynion y mae'n rhaid i gyflogwyr eu rhoi ar waith i gefnogi fferyllwyr sydd wedi'u cofrestru dros dro ac i amddiffyn diogelwch cleifion. Gellir dod o hyd i'r polisi llawn yma.
Mae AaGIC yn croesawu polisi'r GPhC ar gyfer cofrestriad dros dro ac yn edrych ymlaen at y wybodaeth ychwanegol fydd yn cefnogi'r polisi hwn. Bydd AaGIC yn cydweithio â chyflogwyr, tiwtoriaid, hyfforddeion a'r GPhC i sicrhau bod cofrestryddion dros dro yng Nghymru yn cael y gefnogaeth angenrheidiol i gwrdd â gofynion cofrestriad llawn.
Mae AaGIC yn deall bod llawer o gwestiynau i'w hateb o hyd a phryderon sydd heb eu datrys. Byddwn yn sicrhau bod gan ein tîm cyn cofrestru y wybodaeth ddiweddaraf ac mai nhw fydd eich prif bwynt cyswllt ar gyfer unrhyw ymholiadau. Mae manylion cyswllt y tîm wedi'u cynnwys isod. Yn arbennig, diolchwn yn ddiffuant i'r holl fferyllwyr dan hyfforddiant cyn-cofrestru presennol am eu dealltwriaeth, eu proffesiynoldeb a'u hyblygrwydd yn ystod y cyfnod hwn
Laura Doyle – Pennaeth y Fferyllydd Israddedig a Chyn-Sefydliad – laura.doyle3@wales.nhs.uk
Bethan Broad – Arweinydd Gweithredol Cyn- Sefydliad Bethan.Broad2@wales.nhs.uk
Natalie Stansfield – Cymorth Gweithredol Cyn-Sefydliad Natalie.Stansfield@wales.nhs.uk
Anna Hughes – Arweinydd Rhanbarthol Cyn-Sefydliad Gogledd Cymru Anna.Hughes4@wales.nhs.uk
Laura Humphrey – Arweinydd Rhanbarthol Cyn-Sefydliad De Cymru Laura.Humphrey@wales.nhs.uk
Lynwen Jones – Arweinydd Rhanbarthol Cyn-Sefydliad Gorllewin Cymru Lynwen.Jones5@wales.nhs.uk
Martyn Jayne – Arweinydd Rhanbarthol Cyn-Sefydliad De Cymru Martyn.Jayne2@wales.nhs.uk
Yr Athro Pushpinder Mangat, Cyfarwyddwr Meddygol, AaGIC