Blog gwestai: Kerri Eilertsen-Feeney, Pennaeth Nyrsio a Thrawsnewid Bydwreigiaeth

Gan Kerri Eilertsen-Feeney, Pennaeth Nyrsio a Thrawsnewid Bydwreigiaeth.

Kerri Eilertsen-Feeney ydw i, Pennaeth Nyrsio a Thrawsnewid Bydwreigiaeth newydd yma yn Addysg a Gwella Iechyd Cymru ... Helo!

Yn fydwraig gymwysedig, rwyf wedi ymgymryd â nifer o rolau arwain uwch ar draws y gweithlu a datblygu o fewn Nyrsio a Bydwreigiaeth. Mae'r rhan fwyaf o'm gyrfa hyd yma wedi'i dreulio yng Nghaint, gan adleoli i Gymru ychydig dros ddwy flynedd yn ôl, (dywedwyd wrthyf nad oedd yn bwrw glaw gormod!).

Rwy'n gweithio o fewn y gyfarwyddiaeth nyrsio, gweithwyr proffesiynol perthynol i iechyd (AHP) a chomisiynu addysg ac ar hyn o bryd rwy'n gyfrifol am nifer o brosiectau mawr sy'n cynnwys hyfforddiant endosgopi, datblygu cynllun y gweithlu iechyd meddwl a sawl agwedd ar ddatblygu'r gweithlu mamolaeth.  Bob dydd rwy'n dysgu ac yn ehangu fy ngwybodaeth. Yr wyf yn mwynhau fy ngwaith, yn enwedig prosiect y gweithlu iechyd meddwl. Mae gallu bod yn rhan o gyflawni cynllun gweithlu, pan fo'r gweithlu'n fawr ac yn gymhleth ar draws iechyd a gofal cymdeithasol, yn bosibilrwydd brawychus a diddorol! Mae prosiectau llai yr wyf yn ymwneud â hwy yn cynnwys datblygu fframwaith cymhwysedd nyrsys practis cyffredinol, gofal critigol a llwybr gofal canser sengl. 

Rhaid imi ddweud, er fy mod yn gyfrifol am y prosiectau hyn, nad fi yw'r unig un o bell ffordd. Mae'r gefnogaeth a gaf gan gydweithwyr ar draws AaGIC yn golygu bod gennyf deulu gwaith i rannu pryderon gyda. Rwy'n gweithio ochr yn ochr â rhai pobl anhygoel.

Ers dechrau gydag AaGIC ym mis Ionawr eleni, rwyf wedi gweld cymaint o dwf o fewn y sefydliad. Mae'r gallu i fod yn rhan o dîm yn wych ac mae hwn yn ddiwylliant lle clywir pob llais, cyflawnir cydweithio a chroesawir syniadau. Ar gyfer y dyfodol, yr wyf yn falch o fod yn rhan o rai mentrau anhygoel a fydd, gobeithio, yn trawsnewid agweddau ar ein gweithlu gan gynnwys; arweinyddiaeth dosturiol; iechyd a lles; cymorth i fyfyrwyr; a chynlluniau gweithlu ar gyfer iechyd meddwl. Credaf y bydd pob prosiect cyffrous iawn yn effeithio ar ein gweithlu yn y dyfodol.

Yr un maes yr wyf yn awyddus iawn i ganolbwyntio arno yw'r nyrs a'r fydwraig yn y dyfodol. Credaf ein bod mewn sefyllfa dda yma i sicrhau bod ein gweithluoedd nyrsio a bydwreigiaeth yn y dyfodol yn addas ar gyfer y dyfodol, gan gynnig arweiniad cryf, fframwaith gyrfa cynyddol ac unigolion sy'n gwneud penderfyniadau, gan sicrhau bod ansawdd gofal yn parhau i fod ar flaen y gad o ran popeth a wnawn.

Yr ydym yn broffesiwn gofalgar, fodd bynnag, credaf y gall y dyfodol ddal cymaint mwy. ‘Pam?’ Fe'ch clywaf yn gofyn. Fe'm cynghorwyd unwaith i ystyried rôl fferyllydd. Dros y blynyddoedd, maent wedi mynd o gyfrif a rhoi meddyginiaeth i fod yn broffesiwn sy'n wynebu cleifion. Mae peiriannau bellach yn cyfrif y feddyginiaeth ac mae datblygu rôl technegydd wedi bod yn rhan o daith drawsnewidiol y mae fferyllfa wedi ymgymryd â hi. (Rwy'n gwerthfawrogi bod mwy i fferyllfa nag yr wyf wedi'i ddisgrifio felly ymddiheuriadau i'r fferyllwyr, fodd bynnag, rydych yn deall o ble rwy’n dod). Gallwn ddysgu o daith y fferyllwyr a datblygu ein rolau ymhellach. Fodd bynnag, ni yw’r arbenigwyr yn ein maes!

Mae fy nghyngor i'r holl nyrsys dan 18, a nyrsys cymwysedig allan yno pan fyddwn yn cael diwrnod gwael, ac mae pob un ohonom yn eu cael, cofiwch pam yr oeddech am fod yn nyrs yn y lle cyntaf. Sefwch a chael eich cyfrif am sut olwg fyddai ar ein dyfodol. Gyda'n gilydd gallwn wneud gwahaniaeth a gyda'n gilydd gallwn drawsnewid ein proffesiwn.