AaGIC ynghylch Cofrestryddion Dros dro yng Nghymru

Oherwydd yr argyfwng Covid-19 presennol, mae'r garfan 2019/20 o hyfforddeion cyn cofrestru yn canfod eu hunain mewn sefyllfa ddigyffelyb. Ym Mawrth 2020, cadarnhaodd y GPhC y byddai'r asesiadau cofrestru a drefnwyd ar gyfer Mehefin a Medi yn cael eu gohirio oherwydd cyfyngiadau'r Llywodraeth ar gynulliadau cyhoeddus a'r gofynion ar gyfer ymbellhau cymdeithasol oherwydd pandemig coronafeirws.

Mae'r GPhC wedi dynodi ei bod yn debygol y bydd yr asesiad cofrestru yn cael ei ail amserlennu i Ragfyr 2020/Ionawr 2021 ar y cynharaf, ond bydd hyn yn cael ei gadarnhau dros y misoedd nesaf. Yn ogystal, disgwylir i'r asesiad fod ar-lein yn hytrach na chael ei gadw fel cynt o fewn canolfannau asesu.

O ganlyniad i'r oedi hwn, mae'r GPhC wedi cytuno i gyfnod cofrestru dros dro o 1af Gorffennaf 20 i 1af Gorffennaf 21 i alluogi'r cofrestryddion dros dro hyn i ddechrau ymarfer fel fferyllwyr o Awst 2020.

Canllawiau Addysg a Gwella Iechyd Cymru (AaGIC) ynghylch Cofrestryddion Dros dro yng Nghymru